Jeremías 23:29 - DIOSPA QHELQACHISQ

²⁹ Nisqayqa nina jinamin, rumita t'unaj combo jinataj. Ajinata noqa Tata Dios nini.

Qheshwa Biblia DC

²⁹ Palabrayqa nina jinamin, rumista t'unaj martillo jinataj. Noqa Señor chayta nini.

DIOSPA QHELQACHISQAN DEUTEROCANONICAL

²⁹ Nisqayqa nina jinamin, rumita t'unaj combo jinataj. Ajinata noqa Tata Dios nini.

Jeremías 23:29 ပူးပေါင်းရင်းမြစ်များ

Jeremías 20:9

Sichus nini: Manaña Tata Diospi yuyasajchu, niñataj sutinpipis parlasajchu, nispa chayqa, qanpa nisqaykeqa sonqoypi nina jina ruphaykuwan, tukuy tulluykamataj chayan. Sonqoyta ñit'iykukuyta munashaspapis, manapuni atinichu.

Jeremías 5:14

Chayrayku Tukuy Atiyniyoj Tata Diosqa Jeremiasta nerqa: Chayta paykuna nisqankurayku noqa simiykiman nisqayta churasaj, chay nisqaytaj paykunata llant'ata jina ruphaykonqa, nispa.

Oseas 6:5

Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

San Lucas 24:32

Jinapi paykuna ninakorqanku: Manachu sonqonchej k'ajarerqa ñanpi parlashawajtinchej, Diospa Qhelqachisqanpa nisqantataj sut'inchashawajtinchej? nispa.

San Juan 6:63

Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

Hechos 2:3

Chaymantataj paykunaman nina lawray qallu jina rikhurispa, sapa ujpa patanman tiyaykorqa.

Hechos 2:37

Pedro imatachus nisqanqa sonqonkuman chayarqa, paykunataj maytapuni llakikorqanku. Chayrayku Pedroman, Jesuspa chay ujkuna kuraj kachankunamanwan nerqanku: Kunanqa, wawqekuna, imatataj ruwasqaykuri? nispa.

2 Corintios 2:16

Chinkayman rejkunapajqa chay q'apayqa wañuypa q'apaynin jina. Jesucristopi atinikojkunapajrí chay q'apayqa kawsaypa ima munay q'apaynin jina. Jina kajtenqa, pitaj chay ruwanata junt'ananpaj jina kanmanri?

Hebreos 4:12

Diospa simi nisqanqa kawsayniyoj, atiyniyojtaj, puraj filoyoj espadamantapis aswan filochasqa. Ajinaqa Diospa simi nisqan runaj sonqon ukhukamapuni chayan. Jinallataj runaj yuyasqanta, sonqonpi imatachus munasqantapis sut'ita sut'inchan, allinchus manachus kasqanta.

Apocalipsis 11:5

Sichus pipis paykunata imanayta munanman chayqa, paykunaj siminkumanta nina llojsimuspa, awqankuta rupharparenqa. Ajinaqa pichus paykunata imanayta munajqa wañuchisqa kanqa.