Jeremías 23:24 - DIOSPA QHELQACHISQ

²⁴ Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Qheshwa Biblia DC

²⁴ Pitaj ñawisniymanta pakakuyta atinmanri? Cielo chantá jallp'apis noqaj kayniywan junt'a kashan. Noqa Señor chayta nini.

DIOSPA QHELQACHISQAN DEUTEROCANONICAL

²⁴ Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Jeremías 23:24 ပူးပေါင်းရင်းမြစ်များ

Génesis 16:13

Chantá Agarqa Dios paywan parlasqanrayku paymanta nerqa: Payqa Rikuwaj Dios. Noqaqa rikuwaj Diosta rikorqani, chaywanpis kawsashaniraj, nispa.

1 Reyes 8:27

Chaywanpis cheqapunichu Diosqa kay pachapi tiyakunman? Janaj, aswan patapi janaj pachakunapis mana wakisuyta atishajtin, imaynatataj kay wasita ruwapususqaypi tiyakuyta atiwajri?

2 Crónicas 2:6

6 (5) Chaywanpis, pitaj atinman Diospaj Templota ruwapuyta, janaj pachapis may jatun kashaspa mana wakiyta atejtinri? Pitaj noqa kasqani Templota ruwachipunaypaj, sutinpi inciensollatapis q'oshñichinapajri?

2 Crónicas 6:18

Jinapis, cheqatachu qanqa kay pachapi runakunawan tiyawaj? Sichus janaj pacha may jina jatun kayninwan mana wakiyta atisunkichu chayqa, imaynatataj kay ruwachipususqay Templo wakisunkimanri?

Job 34:21

Diosqa runaj purisqanta yachan, imaynatachus kawsasqanta qhawallantaj.

Job 34:22

Mana kanchu manchay laqha, ni may jina tuti laqhapis millayta ruwaj runata pakananpajqa.

Salmos 10:11

Millay runaqa sonqonpi nillantaj: Dios noqanchejmanta qonqapun, jinataj uyanta qhataykukun mana imatapis rikunanpaj, nispa.

Salmos 139:7

Espirituykimanta maymantaj ayqeymanri? Qanmanta maymantaj ayqeyta atiymanri?

Salmos 139:8

Janaj pachamanchus wichariyman chayqa, chaypi qan kashanki. Jallp'aj sonqonman yaykuyman chaypis, chaypipis qan kashallankitaj.

Salmos 148:13

Tata Diospa sutinta tukuy jatunchachunku, imajtinchus paypa sutillan manchay jatun respetowan qhawasqa kashan. Paypa jatun kayninpa lliphipiynenqa kay pachamanta, jinallataj janajmantapis aswan patapi kashan.

Salmos 90:8

Mana allinta ruwasqaykoqa qanpa ñawpaqeykipi kashan. Pakaypi juchallisqaykutapis sut'iman orqhonki.

Proverbios 15:3

Tata Diosqa tukuynejpi kashan. Allin runakunata, mana allin runakunatapis qhawashallanpuni.

Isaías 29:15

Ay Tata Diosmanta pakakojkuna, pikunachus wakichisqankuta mana rejsichiyta munankuchu. Imatapis pakayllapi ruwaspa, sonqonku ukhupi ninku: Mana pipis rikuwanchejchu, manataj reparawanchejchu, nispa.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 66:1

Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Jeremías 16:17

Tukuy ruwasqaykichejta rikuni, nitaj noqamanta ni ima pakasqa kayta atinchu, nitaj millay ruwasqaykichejpis ñawiymanta pakasqachu.

Jeremías 32:19

Imatachus wakichisqayki jinataj ruwasqayki manchayta t'ukunapaj jina. Qanqa tukuy runaj ruwasqankuta rikunki, ruwasqankuman jinataj qopunki.

Jeremías 49:10

Noqarí Esaúj ayllunta mana imayojta saqesaj. Noqaqa pakakunan cheqata tarisaj, manañataj noqamanta pakakuyta atenqachu. Wawankuna, ayllunkuna, qayllapi tiyakojkuna ima, tukuyninku phirisqa kanqanku, Edomtaj manaña kanqachu.

Ezequiel 8:12

Chantá Tata Dios niwarqa: Runaj churin, imatachus israelitakunaj kurajninkukuna pakayllapi ruwashasqankuta rikunkichu? Sapa ujninku pintasqa lantinkoj wasinpi kashanku. Paykuna ninku: Tata Dios mana rikushawanchejchu. Payqa kay suyuta saqerpayan, nispa.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.

Daniel (hebreo) 2:22

Diosqa pakasqa kajta sut'inchan, mana yachay atina kajtapis. Paymin imachus laqhayaypi kajtapis rejsin. Payqa k'anchaymin.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

Efesios 1:23

Cristoqa iglesiapaj, imaynachus runaj ukhunpaj uman, ajina. Jinataj tukuy imaman junt'aj Cristowan iglesiaqa sumaj junt'asqa kashan.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.