Jeremías 23:21 - DIOSPA QHELQACHISQ

²¹ Tata Dios nin: Mana noqachu chay sut'inchajkunata kachamorqani. Paykunamanqa mana parlallarqanipischu. Jinapis paykuna usqhay usqhayta rispa, sutiypi parlamorqanku.

Qheshwa Biblia DC

²¹ Mana noqachu chay profetasta kachamorqani, nitaj paykunamanqa parlallarqanipischu, jinapis paykunaqa usqhay usqhayta sutiypi parlamorqanku.

DIOSPA QHELQACHISQAN DEUTEROCANONICAL

²¹ Tata Dios nin: Mana noqachu chay sut'inchajkunata kachamorqani. Paykunamanqa mana parlallarqanipischu. Jinapis paykuna usqhay usqhayta rispa, sutiypi parlamorqanku.

Jeremías 23:21 ပူးပေါင်းရင်းမြစ်များ

Isaías 6:8

Chaymantataj Tukuyta Kamachej Diosta tapojta uyarerqani: Noqamanta sut'inchananpaj pitataj kachasajri? Pitaj nisqanchejmanta willaj rinmanri? nispa. Chantá noqa nerqani: Noqa kaypi kashani, noqata kachaway ari, nispa.

Jeremías 14:14

Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Jeremías 23:32

Paykunaqa yanqhallata mosqokusqankuta aylluyman sut'inchanku, ajinata ruwaspataj, aylluyta pantachinku. Mana noqaqa paykunata kachamorqanichu, nitaj imatapis kamacherqanichu. Chayrayku paykunaqa ni uj chhikallatapis aylluyta yanapayta atinkuchu. Noqa Tata Diosmin chayta nini.

Jeremías 27:14

Chantá pikunachus Babiloniamanta kuraj kamachejta ama kasunaykichejta umachasunkichej, chaykunata ama kasuychejchu, imaraykuchus paykunaj nisqankoqa llullalla.

Jeremías 27:15

Tata Dios nin: Noqa paykunata manapuni kachamunichu. Paykunaqa: Diospa sutinpi parlashayku, nispa, llullakushallanku. Paykunatachus kasunkichej chayqa, noqa llajtaykichejmanta wijch'usqaykichej, qankunataj tukuchisqa kankichej, jinallataj chay llulla sut'inchajkunapis, nispa.

Jeremías 28:15

Chaypacha Diosmanta sut'inchaj Jeremiasqa Jananiasta nerqa: Uyariy, Jananías: Mana Tata Dioschu kachamusunki. Llullakuspa parlasqaykiwan kay runakunata q'otiyashanki.

Jeremías 29:31

Waj suyukunaman tukuy apasqa kajkunaman kay nisqayta willachiy: Nejelanmanta Semaiasqa sutiypi parlasorqachej, mana noqaj kachamusqallay, mana imatapis payman yuyaychajtillay. Kunantaj qankuna llullakusqanta jap'ikushankichej.

Jeremías 29:8

Noqa Israelpa Tukuy Atiyniyoj Tata Diosnin kayta niykichej: Pikunachus qankunawan khuska tiyakunku, chay sut'inchajkunawan ama q'otiyachikuychejchu, nillataj watojkunawanpis, amallataj mosqokusqankutapis kasuychejchu.

Jeremías 29:9

Imatachus paykuna ninku sutiypi willashasqankuta, chayqa llullamin. Mana noqachu paykunata kachamuni. Noqa Tata Diosmin chayta nini.

San Juan 20:21

Chantá Jesús ujtawan paykunata nerqa: Diospa sonqo tiyaykuynin qankunawan kachun. Imaynatachus Tata Diosniy noqata kay pachaman kachamuwarqa, ajinallatataj qankunatapis kay pachapi tukuy runaman kachaykichej, nispa.

Hechos 13:4

Chantá Bernabewan, Saulowan Santo Espíritoj kamachisqanta kasuspa, Seleuciaman rerqanku. Chaymantataj botepi rispa, Chipre churuman chayarqanku.

Romanos 10:15

Manachus Dios pitapis willajta kachanman chayqa, mana pipis willaj rinmanchu. Chayrayku Diospa Qhelqachisqanpi nin: Sumaj willaykunata apamuspa, chayamojkunaqa may k'achamin, nispa.