Jeremías 23:19 - DIOSPA QHELQACHISQ

¹⁹ Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

Qheshwa Biblia DC

¹⁹ Señorpa k'ajaj phiñakuynenqa uj llojlla para jina, uj muyoj wayra jinataj juchasapaspa patanman choqakushan.

DIOSPA QHELQACHISQAN DEUTEROCANONICAL

¹⁹ Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

Jeremías 23:19 ပူးပေါင်းရင်းမြစ်များ

Salmos 58:9

9 (10) Manaraj reparakushaspa, khishka jina q'olaykuchunku, qhora jinataj phiñakuywan t'irasqa kachunku.

Proverbios 1:27

Asikullasajtaj manchachikuykuna, manchay waqay, llakiykuna ima chayamusojtiykichej, maypachachus sonqo nanayta phutiypi kashajtiykichej, muyoj wayra t'ustirparisunkichej, chaypacha.

Proverbios 10:25

Millayta ruwaj runaqa muyoj wayra jina chinkarin, cheqan runarí wiñaypaj sayallanqapuni.

Isaías 21:1

Mama qocha kantupi ch'innejpi imachus Babiloniata qhatirinanmanta Isaías kay jinata nerqa: Neguevmanta sinch'i muyoj wayra jina jatun llakiy jamun, manchachikuytaj ch'innejmanta.

Isaías 40:24

Paykunaqa chaypachallaraj mallkisqa sach'aman rijch'akunku, manaraj allinta saphichakoj sach'aman. Tata Dios wayrachimojtinrí, paykuna ch'akipunkupacha, muyoj wayrataj q'opata jina paykunata apakapun.

Jeremías 25:31

Tata Diospa qhaparisqanqa tukuy kay pachaj k'uchunkama chayanqa, imaraykuchus Tata Diosqa suyukunaj contrankupi juiciota oqharenqa. Payqa tukuy runata juzgananpaj wajyanqa, millayta ruwajkunatataj wañuchisqa kanankupaj juchachanqa. Tata Diosmin chaytaqa nin.

Jeremías 25:32

Tukuy Atiyniyoj Tata Dios nillantaj: Qhawariy, ñak'areyqa suyumanta suyuman chayanqa. Uj manchay sinch'i llojlla para jina oqharikamonqa kay pachaj k'uchunmantapacha, nispa.

Jeremías 30:23

Tata Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman choqakun.

Jeremías 30:24

Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Jeremías 4:11

Tata Diostaj kuticherqa: Chay p'unchay chayamojtin, Jerusalén llajtapi tiyakojkunaman nenqanku: Jerusalenman ch'innejmanta ch'aki wayra phukumushan. Chay wayraqa mana trigota wayrachinapaj jinachu.

Jeremías 51:1

Tata Dios nin: Noqaqa tukuy imata phirej sinch'i wayrata Babiloniaj contranpi kachaykusaj, jinallataj caldeokunaj contrankupipis.

Ezequiel 1:4

Chaypacha wichaynejmanta uj jatun muyoj wayra jamushajta rikorqani. Chantá uj jatun phuyumanta nina lawray jina llojserqa, muyuyninpitaj sinch'i k'anchay karqa. Chay nina chawpipitaj uj llosq'ochasqa broncepis kanman jina lliphipisharqa.

Ezequiel 13:13

Chayrayku noqa Tukuyta Kamachej Tata Dios nini: K'araj phiñakuyniypi sinch'ita wayrachimusaj, sinch'itataj parachimusaj, rumi jina chijchitataj urmachimusaj, phiñakuyniypi tukuy kaj chhikata chinkarparichinaypaj.

Amós 1:14

Chayrayku noqaqa Rabá llajtaj perqanman ninata jap'iykuchisaj, chay ninataj kamachinanku wasita ruphaykonqa, sinch'i maqanaku kashajtin, muyoj wayra kashajtintaj.

Zacarías 7:14

Chayrayku muyoj wayra jina paykunata ch'eqeracherqani mana rejsisqa karu suyukunaman, chay qhepatataj llajtanku ni pejpa tiyakunan ch'inman tukorqa. Paykunamin chay jina k'acha suyuta ch'inman tukucherqanku, nispa.

Zacarías 9:14

Tata Diosqa maqanakuman ayllunpa ñawpaqenta renqa, jinaspataj, illapata jina flechankunatapis kacharenqa. Tukuyta Kamachej Tata Dios putututa waqachispa, muyoj wayra chawpipi urayninta renqa.