Jeremías 23:14 - DIOSPA QHELQACHISQ

¹⁴ Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Qheshwa Biblia DC

¹⁴ Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.

DIOSPA QHELQACHISQAN DEUTEROCANONICAL

¹⁴ Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 23:14 ပူးပေါင်းရင်းမြစ်များ

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 18:20

Chayrayku Tata Dios Abrahamman willarqa: Sodomapi Gomorrapiwan tiyakojkunaj millayta ruwasqankumanta anchaña uyarikun, juchallisqankutaj ancha millaypuni.

Génesis 19:24

Chantá Tata Dios Sodomaman, chantá Gomorraman ima azufreta, nina paratawan parachimorqa.

Génesis 19:25

Ajinata pay vallenejpi kaj llajtakunata, chantá chay llajtakunapi tiyakojkunatawan chinkarparicherqa. Tukuy q'omer kajtapis rupharparichillarqataj.

Isaías 9:15

15 (14) Chay uma ninakun Israelpa kurajnin chantá sumachajnin runakunawan. Chupatajrí ninakun pikunachus llullallata parlaspa ninku Diosmanta sut'inchasqankuta, chaykunawan.

Jeremías 14:14

Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Jeremías 18:13

Chayrayku Tata Dios nin: Waj suyukuna ukhupi tapuriychej, ichapis pillapis kayman rijch'akojta uyarin. Mana qharej chayasqan sipas jina Israelqa manchay millayllatapuni ruwan.

Jeremías 20:16

Chay runaqa, imaynatachus Tata Dios wiñaypaj llajtakunata phirin, ajina chinkachisqa kachun. Chay runa sut'iyaymantapacha nanaywan qhaparisqankuta uyarichun, chawpi p'unchaypitaj maqanaku ch'ajwata uyarichun.

Jeremías 23:17

Noqaj willasqayta pisipaj qhawajkunaman nillankupuni: Tukuy ima allillan risonqachej, nispa. Chantá pikunachus rumi sonqoyoj kaspa, millay yuyasqanman jinalla ruwanku, chaykunatapis ninku: Mana ima mana allin kajpis jamusonqachejchu, nispa.

Jeremías 23:22

Sichus noqawan kankuman karqa chayqa, aylluyman nisqayta willarankuman karqa. Chay millay ñanmanta kutichimunkuman karqa, jinallataj millay ruwanankuta saqechinkuman karqa, nispa.

Jeremías 23:32

Paykunaqa yanqhallata mosqokusqankuta aylluyman sut'inchanku, ajinata ruwaspataj, aylluyta pantachinku. Mana noqaqa paykunata kachamorqanichu, nitaj imatapis kamacherqanichu. Chayrayku paykunaqa ni uj chhikallatapis aylluyta yanapayta atinkuchu. Noqa Tata Diosmin chayta nini.

Jeremías 29:21

Israelpa Tukuy Atiyniyoj Tata Diosnin kay jinata nin: Colaiaspa churin Ajab, jinataj Maseiaspa churin Sedequías ima llullakuspa nishanku: Tata Diospa sutinpi qankunaman willashayku, nispa. Noqatajrí paykunata Babiloniata kuraj kamachej Nabucodonosorpa makinman urmachisaj, paytaj rikushajtiykichej, paykunata wañurachenqa.

Jeremías 29:23

Paykunaqa millay mana ruwanata Israelpi ruwarqanku. Runa masinkoj warminwan khuchichakorqanku, sutiypitaj llullakuspa parlarqanku, mana noqa kamachisqallayta. Chayta noqa yachani, rikunitaj. Noqa Tata Diosmin chayta nini.

Jeremías 36:2

Uj qaraman tukuy kay nisusqayta qhelqay, Josiaspa tiemponmanta kunankama, Israelmanta, Judamantawan, chantá chay waj suyukunamanta imatachus nerqani, chay tukuyta.

Jeremías 49:18

Imaynatachus Sodomawan, Gomorrawan, muyuyninpi waj llajtakunawan ima chinkachisqa karqanku, ajinallataj Edompis chinkachisqa kanqa. Manataj pipis chaypi watej tiyakonqañachu, nitaj wasichakonqañachu. Noqa Tata Diosmin chayta nini.

Lamentaciones 4:6

Suyuypa jatun llajtaj millayta ruwasqanqa Sodomaj juchanmanta nisqaqa astawan jatunraj. Sodoma llajtataj ujllapi chinkachisqa karqa, mana runaj imanasqallan.

Ezequiel 13:16

Perqata llut'ajkunaqa Israelpa sut'inchajninkuna kanku, pikunachus mosqoypi jina llulla rikusqankuta Jerusalenman willaspa, nerqanku: Tukuy imapis allillan, nispa, manapis jinachu kashajtin, chaykuna. Noqa Tukuyta Kamachej Tata Dios chayta nini.

Ezequiel 13:19

Qankunaqa aylluy ukhupi uj maki cebadarayku, uj chhikan t'antaraykutaj watuspa, honrayta t'akankichej. Wañunanpaj kaj runatataj kawsananta ninkichej, kawsananpaj runatataj wañunanta sut'inchankichej. Ajinata qankuna aylluyta ch'awkiyankichej, llullata sut'inchasqaykichejmanta jap'ikusqankurayku.

Ezequiel 22:25

Kay suyupi kamachejkunaqa Diosmanta sut'inchajkuna leonkuna jina kanku. Qhaparispa, mithaspataj runakunata wañurachinku. Chay runakunaj qolqe waqaychanankuta, kapuyninkutawan suwanku. Jinallataj ashkha warmej qosankutapis wañurachinku.

Oseas 6:10

Noqatajrí Israel suyupi millay ruwasqankuta rikuni. Efrainqa ujwantaj ujwantaj khuchichakorqa, Israelpis chayllawantaj ch'ichichakorqa.

Amós 4:11

Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

Miqueas 1:5

Chay ajina kanqa, Jacobpa ayllun mana kasukusqanrayku, Israel suyu juchallikusqanrayku ima. Jacob imata ruwaspa juchallinri? Imatachus ruwasqanqa Samaria llajtapi kashan. Maypitaj Judá suyoj lanti yupaychanan kashanri? Chayqa Jerusalén llajtapi kashan.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Sofonías 3:4

Diosmanta sut'inchajninkukunaqa jaramalla kanku, mana atinikunapaj jina. Sacerdotenkunapis Diospaj t'aqasqa imakunata pisipaj qhawanku, Tata Diospa kamachisqantataj p'akinku.

Zacarías 13:2

Chay p'unchaypi tukuy kay suyumanta lantikunata chinkachisaj, jinamanta manaña pipis sutinkumanta yuyarikunanpaj. Jinallatataj llulla sut'inchajkunatapis chinkachisaj, jinallataj millayta ruway munanata ima. Noqa Tukuy Atiyniyoj Tata Diosmin chayta nini.

Malaquías 1:1

Tata Diosqa Malaquiasnejta kay willayta Israel aylluman willarqa.

San Mateo 11:24

Chayrayku niykichej: Juicio p'unchaypeqa qankuna aswan sinch'ita ñak'arinkichej Sodomapi tiyakojkunamanta nisqaqa, nispa.

Deuteronomio 32:32

Paykunaqa Sodoma, chantá Gomorra llajtayojkuna jina kanku. Mana allin uva chhullchu jina, venenoyoj poqoj yura jina kanku.

1 Timoteo 4:2

Chay yachachejkunaqa puraj uya, llullataj kanku. Sonqonku thaluyasqa kasqanrayku, mana allin ruwasqankumanta sonqonku manaña nananchu.

2 Pedro 2:6

Jinallatataj Dios Sodomapi, chantá Gomorrapi tiyakoj runakunatapis chinkachisqa kanankupaj juchacharqa, ushphaman tukunankukama ninawan paykunata ruphachispa. Ajinamanta Dioswan churanakojkuna qhepanejman imapichus tukukunankuta yachacherqa.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.

Apocalipsis 11:8

Chay testigokunaj ayankutaj Jerusalén llajtaj jatun plazanpi wijch'usqa kanqanku, maypichus Tukuyta Kamachej Jesusninku chakatasqa karqa, chaypi. Chay llajtaqa Sodomawan, chantá Egiptowan ima ninakun.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.