Jeremías 22:21 - DIOSPA QHELQACHISQ

²¹ Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Qheshwa Biblia DC

²¹ Noqa parlarqayki tukuy imapis allin rishasojtin, manataj uyariyta munawarqankichu. Ajinatapuni ruwarqayki wayna kasqaykimantapacha. Parlasqayta mana uyariyta munawarqankichu.

DIOSPA QHELQACHISQAN DEUTEROCANONICAL

²¹ Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 22:21 ပူးပေါင်းရင်းမြစ်များ

2 Crónicas 33:10

Tata Diosqa kuraj kamachej Manasesman, tukuy israelitakunaman ima parlapayarqa. Paykunatajrí mana kasorqankuchu.

Salmos 129:1

(1b) Kunan israelitakuna nichunku: Wayna kasqaymantapacha awqaykuna sinch'ita llakichiwarqanku.

Proverbios 30:9

Sichus ashkha imayoj kayman chayqa, qanmanta qonqapuspa, niyman: Pitaj Tata Dios kasqari? nispa. Sichus pisichikuyman chayrí, suwamanñataj qokuyman. Ajinamanta sutiykita p'enqaypi rikhurichiyman.

Isaías 48:8

Arí, chay nisqaytaqa mana jayk'ajpis uyarerqankichejchu, nitaj rejserqankichejchu. Cheqapuni ñawpajtaqa mana uyariyta munajchu kankichej. Noqaqa wasanchanawaykichejta yacharqaniña, imaraykuchus paqarikusqaykichejmantapacha mana kasukoj kankichej.

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 2:25

Israel, nanachikunaykikamaqa ama q'ara chaki puriychu chay lantikunaj qhepanta, nitaj yaku ch'akiymanta ñak'ariychu. Chaywanpis qan nerqanki: Mana chayta saqeyta atinichu, imaraykuchus waj dioskunata munakuni, paykunatataj qhatisajpuni, nispa.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 25:3

Amonpa churin Josías chunka kinsayoj watata Judapi kamachisqanmanta kunankama, iskay chunka kinsayoj watataña Tata Dios noqaman parlamullawanpuni. Noqataj chayta qankunaman kutin kutinta willarqaykichej. Qankunatajrí manapuni uyariwarqankichejchu.

Jeremías 25:4

Jinallataj Tata Diosqa kutin kutinta waj sut'inchajkunata kachamusorqachej, qankunatajrí mana kasuta ruwarqankichejchu, nitaj uyariyllatapis munarqankichejchu, nillataj chay nisqankuta kasorqankichejchu.

Jeremías 25:7

Kunantajrí Tata Dios nin: Chaywanpis qankunaqa manapuni kasuyta munawarqankichejchu, manachayqa qankuna kikiykichej phiñachiwankichej, ruwakusqaykichej dioskunata yupaychaspa. Chaytaj qankunata mana allin rinasuykichejpaj kanqa, nispa.

Jeremías 25:8

Chayrayku Tukuy Atiyniyoj Tata Dios ajinata nin: Qankunaqa k'amisqayta mana kasuwarqankichejchu.

Jeremías 3:24

Lantikunata p'enqayta yupaychasqaykupi, wawakunallaraj kashajtiyku imatachus tataykukuna tarerqanku, chay tukuyta chinkacherqayku lantikunata p'enqayta yupaychasqaykupi. Jinallataj ovejakunata, wakakunata, qhari wawakunata, warmi wawakunata ima chinkachillarqaykutaj.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 32:30

Qallariymantapacha Israel ayllu, chantá Judá ayllupis ñawpaqeypi millayta ruwarqanku. Israelitakunaqa paykunaj ruwasqanku lantikunata yupaychaspa, phiñachillawajpuni kanku. Noqa Tata Diosmin chayta nini.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 48:11

Moabqa ni pejpa ima nisqan unaymantapacha tiyakorqa. Mana jayk'ajpis chay llajtayojkunata suyunkumanta apasqankuchu. Sumaj vinotaqa uj cheqallapi mana wich'imanta waj wich'iman wisispa poqochinchej, ajinamanta misk'i kaynin, q'apaynintaj ama chinkananpaj, icharí? Ajinallataj Moabqa jallp'allanpi qhepakorqa.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Ezequiel 20:13

Chaywanpis israelitakunaqa ch'innejpi contrayta oqharikorqanku. Mana kamachisqayman jinachu purerqanku, nisqaytapis qhesacharqanku, mayqentachus kasuspa, kawsayta tarinkuman karqa, chayta. Samarikuna p'unchayniyta manallataj kasuta ruwarqankuchu. Chayrayku nerqani: Ch'innejpi paykunata phiñakuyniypi chinkarparichisaj, nispa.

Ezequiel 20:21

Chaywanpis paykunaj churinkukunapis contrayta oqharikullarqankutaj. Mana kamachisqayman jinachu purerqanku, nitaj yachachisqaytapis kasorqankuchu. Manallataj junt'arqankuchu, mayqenkunata junt'aspachus runa kawsanqa, chaykunata. Samarina p'unchayniytapis pisipaj qhawarqanku. Chayrayku noqa ch'innejpi paykunaj patankuman k'araj phiñakuyniyta kachaykamuyta yuyarqani, ajinamanta paykunapi phiñakuyniyta thasnukunaypaj.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 20:8

Paykunatajrí contraypi oqharikorqanku, manataj uyariwayta munarqankuchu. Millay lantinkumanta ni pipis t'aqakorqachu, nitaj Egiptomanta apamusqanku lantikunatapis saqerqankuchu. Chayrayku noqa yuyarqani k'araj phiñakuyniyta patankuman kachaykuspa, kikin Egiptollapiraj paykunata ñak'arichiyta, phiñakuyniyta thasnukunaypaj.

Sofonías 3:2

Tata Diospa parlasqanta mana uyariyta munarqankuchu, nitaj k'amisqantapis jap'ikorqankuchu. Tata Diospi mana atinikorqankuchu, nitaj payman chimpaykorqankuchu.

Zacarías 7:7

Manachu Tata Dios ñawpa sut'inchajkunaman kikillantataj nerqa, maypachachus Jerusalén ashkha runayoj llajta karqa, manataj ni ima ch'ajwapis karqachu Judea jap'iypi kaj llajtakunapi, Neguevpi, chantá Sefela pampakunapipis, chaypacha? nispa.

Deuteronomio 31:27

Noqa yachani qankunaqa mana kasukoj rumi sonqo kasqaykichejta. Qankunaqa noqa kawsashajtillayraj Tata Diosta mana kasorqankichejchu. Q'aya minchha noqa wañupojteyqa, astawanrajchá mana kasunkichejchu.

Deuteronomio 9:24

Qankunata rejsisqay p'unchaymantapacha qankunaqa Tata Diospa contranpi oqharikullankichejpuni.

Deuteronomio 9:7

Qankunaqa yuyarikuychejpuni imaynatachus Tata Diosniykichejta ch'innejpi phiñachisqaykichejta. Qankunaqa Egiptomanta llojsimusqaykichejmantapacha kay jallp'aman chayamunaykichejkama, Tata Diospa contranta oqharikullarqankichejpuni.