Jeremías 22:20 - DIOSPA QHELQACHISQ

²⁰ Qan, Jerusalén, Líbano orqoman wicharispa, qhapariy. Basán orqokunapi jatunmanta waqay. Abarín orqomantapacha qhapariy, imaraykuchus qanman tukuy sayakusqa kajkuna atipasqaña kanku.

Qheshwa Biblia DC

²⁰ Qan, Judá, Líbano, orqoman wichariy, qhapariytaj. Jatunmanta Basán orqospi waqay. Abarim lomasmantapacha qhapariy, imaraykuchus tukuy kausaqesniyki tipasqasña kanku.

DIOSPA QHELQACHISQAN DEUTEROCANONICAL

²⁰ Qan, Jerusalén, Líbano orqoman wicharispa, qhapariy. Basán orqokunapi jatunmanta waqay. Abarín orqomantapacha qhapariy, imaraykuchus qanman tukuy sayakusqa kajkuna atipasqaña kanku.

Jeremías 22:20 ပူးပေါင်းရင်းမြစ်များ

2 Reyes 24:7

Chaymantapacha faraonqa Egiptomanta manaña ujtawan llojsimorqachu, imaraykuchus Babiloniata kuraj kamachejqa faraonpa jallp'anta Egipto mayumantapacha Éufrates mayukama jap'ikapusqa.

Isaías 57:13

Yanapanayta mañakuspa qhaparejtiyki, chay tantasqayki lantikunamin librasuchunku. Chaywanpis paykunata wayralla aparanqa, uj phukuyllawan chinkarichisqa kanqanku. Pichus noqapi atinikojrí, kay jallp'ata chayaqenpaj jap'enqa, noqapaj t'aqasqa orqopitaj tiyakonqa, nispa.

Jeremías 2:25

Israel, nanachikunaykikamaqa ama q'ara chaki puriychu chay lantikunaj qhepanta, nitaj yaku ch'akiymanta ñak'ariychu. Chaywanpis qan nerqanki: Mana chayta saqeyta atinichu, imaraykuchus waj dioskunata munakuni, paykunatataj qhatisajpuni, nispa.

Jeremías 2:36

Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

Jeremías 2:37

Chantá Egiptomanta may p'enqayta kutimunki, imaraykuchus pikunapichus atinikorqanki, chaykunata noqa qhesachani. Paykunawan kawsakuspaqa, mana imatapis tarinkichu, nispa.

Jeremías 22:22

Kunantajrí tukuy kurajniykikunata wayralla apakaponqa, qanman sayasqa kajkunataj waj suyuman apasqa kanqanku. Chantá qan p'enqaypi k'umuykachashaj rikhurinki, chay tukuy millayta ruwasqaykirayku.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 3:1

Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 4:30

Qanrí, thuñisqa llajta, imapajtaj yana kulliraw p'achawan p'achallikunkiri? Imapajtaj qori jaluchuwan k'achanchakunkiri? Imapajtaj ñawiykita yanawan pintakunkiri? Chay jinata k'achanchakusqaykeqa qhasi manakajlla kanqa. Munapayasojkuna saqerpayasunku, aswanpis wañuchinasunkupaj mask'ashasunku.

Lamentaciones 1:19

Waynaykunata yanapanawankupaj wajyakorqani, paykunatajrí wasanchawarqanku. Sacerdoteykunawan, kurajniykunawanqa llajta ukhupi wañorqanku. Kutirinankupaj mikhunata mask'akuspa, purerqanku.

Lamentaciones 1:2

Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Ezequiel 23:22

Chayrayku Aholibá, Tukuyta Kamachej Tata Dios kay jinata nisunki: Wayllukusorqanku, pikunamantachus kunan millachikushanki, chaykunata contraykipi jatarichisaj, tukuynejmantataj kay runakunata qanpa contraykipi kachaykamusaj:

Ezequiel 23:9

Chayrayku noqaqa payta asirio waynakunaman jaywaykorqani, mayqenkunawanchus sonqonta suwachikusqa, chaykunaman.

Ezequiel 27:6

Basán suyumanta encina k'aspita apamuspa, barco purichina palakunata ruwapusorqanku. Barcoj patanta qhatanapaj Chipre churumanta pino kurkukunata apamorqanku, marfilwan k'askaykuchispataj k'achanchasorqanku.

Números 27:12

Tata Dios Moisesta nillarqataj: Wichariy Abarín orqoman, chaymantataj israelitakunaman qonay jallp'ata rikunki.

Deuteronomio 32:49

Abarín orqokunaman rispa, Nebo orqoman wichariy. Chay orqoqa Moab suyupi, Jericó llajtaj chimpanpi kashan. Chay orqomantataj, israelitakunaman qosaj, chay Canaán suyuta qhawarinki.