Jeremías 22:18 - DIOSPA QHELQACHISQ

¹⁸ Chayrayku Josiaspa churin Judata kuraj kamachej Joacinmanta parlaspa, kay jinata Tata Dios nin: Pay wañojtin, mana pipis waqanqachu. Mana pipis kay jinata nispa waqaj kanqachu: Ay wawqelláy, ay ñañalláy, ay wiraqochilláy, ay kuraj kamachejnilláy, nispa.

Qheshwa Biblia DC

¹⁸ Josiaspa wawan Judamanta rey Joacimmantataj Señorqa nin: Pay wañojtenqa mana pipis waqaj kanqachu. Mana pipis kay jinata nispa waqaj kanqachu: Ay, wauqéy! Ay ñañay! Ay, Señor! Ay Reyníy!

DIOSPA QHELQACHISQAN DEUTEROCANONICAL

¹⁸ Chayrayku Josiaspa churin Judata kuraj kamachej Joacinmanta parlaspa, kay jinata Tata Dios nin: Pay wañojtin, mana pipis waqanqachu. Mana pipis kay jinata nispa waqaj kanqachu: Ay wawqelláy, ay ñañalláy, ay wiraqochilláy, ay kuraj kamachejnilláy, nispa.

Jeremías 22:18 ပူးပေါင်းရင်းမြစ်များ

2 Samuel 1:26

Jonatán wawqéy, sinch'i llakisqa kashani. Noqaqa kikin wawqeymantapis astawan munakorqayki. Qanpa munakuyniykipis warmikunaj munakuyninkumantapis aswan karqa.

1 Reyes 13:30

Ayata covachaman p'ampaykuspataj, waqarqa: Ay, wawqéy, nispa.

2 Reyes 23:36

Joacín kamachiyta qallarishaspa iskay chunka phishqayoj watayoj karqa. Jerusalenmantapachataj chunka ujniyoj watata kamacherqa. Mamanqa Rumamanta Pedaiaspa ususin Zebuda sutiyoj karqa.

2 Reyes 23:6

Jinaytawantaj, Josías Tata Diospa Templonmanta Aseraj lantintapis Jerusalenmanta jawaman, Cedrón wayq'oman wijch'ucherqa. Chaypitaj ushphaman tukunankama ruphaykucherqa, ushphatataj wajcha runakunaj ayanta p'ampana cheqaman qhallirpayacherqa.

2 Reyes 24:6

Joacín wañupojtintaj, churin Joaquín paypa cuentanmanta kamacherqa.

1 Crónicas 3:15

Josiaspata churinkunataj karqanku: Kuraj kaj Johanán, sullk'antaj Joacín, kinsa kajtaj Sedequías, tawa kajtaj Salún karqa.

2 Crónicas 35:25

Jeremiasqa uj llakiy yarawita wakicherqa, Josiaspa wañupusqanmanta yuyarikunapaj. Tukuy takejkuna qharikuna, warmikunapis, Josiasmanta yuyarikuspa kunankama takinku. Chay jina yarawitaqa Israelpi pi wañupojtin takillankupuni. Yarawi qhelqasqapi qhelqasqa kashan.

2 Crónicas 36:5

Joacinqa iskay chunka phishqayoj watayoj kashaspa, kamachiyta qallarerqa, Jerusalenmantapachataj chunka ujniyoj watata kamacherqa. Paytajrí mana Tata Diospa munayninman jinachu ruwarqa.

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 16:6

Kay jallp'api atiyniyoj kajkuna, jinallataj mana kasu ruwana kajkunapis wañuchisqa kanqanku, manataj pipis paykunata p'ampaj kanqachu, nitaj waqanqankuchu. Kawsaqenkunaqa chaymanta llakisqa kasqankuta mana rikuchenqankuchu, ukhunkuta q'allurakuspa, chayrí chujchankuta ruthurakuspa ima.

Jeremías 21:11

Judata kuraj kamachejpa ayllunkunaman noqaj nisqayta willay:

Jeremías 22:10

Kuraj kamachej Josiasmanta ama waqaychejchu, amataj wañusqanmanta llakikuychejchu. Manachayqa churin Salunmanta waqaychej, pay waj suyuman apasqa kasqanmanta, imaraykuchus payqa maypichus paqarisqan llajtaman manaña kutimonqachu.

Jeremías 22:12

Manachayqa, maymanchus apasqa kanqa, chay suyupi wañonqa, manañataj kay suyuta rikukaponqachu, nispa.

Jeremías 34:5

Allin wañuyta wañupunki, ayaykita p'ampashajtinkutaj, inciensota q'oshñichenqanku. Ajinata ruwanqanku, imaynatachus qanmanta ñawpaj kuraj kamachejkunata p'ampashaspa inciensota q'oshñicherqanku, ajinata. Qanmanta waqaspataj, nenqanku: Ay, kuraj kamachiwajninchej wañupun, nispa. Noqa Tata Diosmin chayta nini.

Jeremías 36:30

Kunanqa noqa Tata Dios Judata kuraj kamachej Joacinman kayta nini: Joacinpa qhepanpi mana mirayninmanta kajchu Davidpa kamachinan tiyanapi kamachinanpaj tiyaykonqa. Joacín wañupojtintaj, ayan p'unchay ruphaypi, tutantaj chiripi wijch'urayanqa.