Jeremías 22:15 - DIOSPA QHELQACHISQ

¹⁵ Cedromanta ruwasqa wasipi tiyakusqaykiraykuchu kuraj kamachej kasqaykita yuyakunki? Tataykeqa kawsashaspa, mikhorqa, ujyarqa, chantá cheqan kajta, justiciata ima ruwarqa. Chayrayku payta tukuy imapi allin rerqa.

Qheshwa Biblia DC

¹⁵ Cedros chaupillapi tiyakusqaykipichu sumaj rey kasqaykeqa yachakun? Tataykeqa kausaynimpi kusikorqa, chaywampis payqa cheqanta ruwaj, chayrayku paytaqa tukuy imapi allillan rerqa.

DIOSPA QHELQACHISQAN DEUTEROCANONICAL

¹⁵ Cedromanta ruwasqa wasipi tiyakusqaykiraykuchu kuraj kamachej kasqaykita yuyakunki? Tataykeqa kawsashaspa, mikhorqa, ujyarqa, chantá cheqan kajta, justiciata ima ruwarqa. Chayrayku payta tukuy imapi allin rerqa.

Jeremías 22:15 ပူးပေါင်းရင်းမြစ်များ

2 Samuel 8:15

Davidqa tukuy Israel suyupi cheqan kajta ruwaspa kamacherqa.

1 Reyes 10:9

Tata Diosniyki yupaychasqa kachun, pichus qanwan kusisqa kaspa Israel suyuta kamachinaykipaj churasunki, chay. Israel suyuta wiñaypaj munakusqanrayku payqa kuraj kamachej kanaykipaj, cheqa kajtataj ruwanaykipaj churasunki, nispa.

2 Reyes 22:2

Josiasqa Tata Diospa munasqanman jina cheqanta ruwarqa, imajtinchus tukuy imata ñawpa tatan David jina ruwaspa purerqa.

2 Reyes 23:25

Kuraj kamachejkunamanta Tata Diosman tukuy sonqowan, tukuy almawan, tukuy kallpanwan ima kutirikojqa mana ujpis pay jina karqachu. Josiasqa Moisespa tukuy kamachisqanta junt'arqa.

1 Crónicas 3:15

Josiaspata churinkunataj karqanku: Kuraj kaj Johanán, sullk'antaj Joacín, kinsa kajtaj Sedequías, tawa kajtaj Salún karqa.

2 Crónicas 34:2

Josiasqa Tata Diospa munasqanman jina cheqanta ruwarqa, ñawpa tatan David jina ruwaspa purerqa, manataj lloq'eman, nitaj pañaman wist'uykorqachu.

2 Crónicas 35:22

Josiastajrí mana ithirerqachu, manachayqa Necaowan maqanakoj rerqapuni, Necaonejta Dios mana rinanta willajtinpis. Jinapi Josías kuraj kamachej p'achanta lluch'ukuspa, waj p'achata churakorqa, jinamantataj soldadonkunawan Meguido vallepi Necaowan tinkorqa.

2 Crónicas 35:26

Josías kamachishaspa tukuy ruwasqan, Tata Diospa kamachisqanman jina allin ruwasqanpis,

Proverbios 20:28

Sichus kuraj kamachej cheqan kaywan, khuyakuywan ima kamachin chayqa, mana pipis payta kamachinan tiyanamanta qharqonqachu.

Proverbios 21:3

Tata Dios astawan munan cheqan kajta, allin kajtawan ruwananchejta, uywa ñak'asqata jaywananchejmanta nisqaqa.

Proverbios 25:5

Ajinallatataj kuraj kamachejqa mana allin yuyaychajkunata qayllanmanta wijch'ojtin, kamachiynin sinch'i sayanqa, cheqan kajta ruwasqanrayku.

Proverbios 29:4

Kuraj kamachej cheqan justiciata ruwan chayqa, suyunta sumajta sayachin. Impuestollata orqhoj kamachejrí suyunta llakiy kawsayman apan.

Proverbios 31:9

Paykunarayku parlariy, justiciata ima ruway. Wajchakunaman kutikuy, jinallataj llamp'u sonqoyojmanpis.

Eclesiastés 10:17

Kusikuyniyojmin uj suyu kanqa, kuraj kamachejnin sumaj yuyayniyoj runa kajtin, kurajninkunataj maychus phaninpi kallpachakunankupaj mikhojtinku, manataj machakuyllapichu kajtinku.

Eclesiastés 2:24

Runapajqa aswan allin mikhunan, ujyanan, ruwaspa imatachus tarisqanmanta kusikunan ima. Noqataj repararqani chay tukuy imaqa Diospa qosqan kasqanta.

Isaías 3:10

Cheqanta kawsaj runakunata niychej, paykunata tukuy imapi allin rinanta, imaraykuchus ruwasqankuman jina Tata Dios paykunaman kutichiponqa.

Isaías 33:16

Chay runamin ni imamanta manchachikuspa kawsanqa, pakakunanpis chhankapi jina kanqa. Mikhunanwan, ujyanan yakuwanqa mana tukukonqachu.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 22:18

Chayrayku Josiaspa churin Judata kuraj kamachej Joacinmanta parlaspa, kay jinata Tata Dios nin: Pay wañojtin, mana pipis waqanqachu. Mana pipis kay jinata nispa waqaj kanqachu: Ay wawqelláy, ay ñañalláy, ay wiraqochilláy, ay kuraj kamachejnilláy, nispa.

Jeremías 22:3

Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 42:6

Tata Diospa nisqan allinpis kachun manapis, nisqanta kasusqaykupuni, pimanchus parlanaykita nerqayku, chayta, jinamanta allin rinawaykupaj, nispa.

Jeremías 7:5

Chayrayku allinta puriyta qallariychej, maychus kajtataj ujkuna ujkunawan ruwaychej.

San Lucas 11:41

Chayrayku sonqoykichejta llimphuchaychej kapuyniykichejmanta wakinta wajchakunaman qospa, ajinamantataj qankuna llimphupuni kankichej.

Hechos 2:46

Chantá Temploj pationpi tukuyninku sapa p'unchay uj sonqolla tantakojpuni kanku. Wasinkupipis paykuna Jesuspa Cenanta ruwaj kanku, jinataj mikhunatapis khuska mikhoj kanku may kusiywan, llamp'u sonqowantaj.

1 Corintios 10:31

Ajinaqa mikhuspapis, ujyaspapis, chayrí imata ruwaspapis, tukuy imata ruwaychej Dios chaynejta jatunchasqa kananpaj.

Deuteronomio 4:40

Kunan p'unchay kay kamachisqaykunata, yachachiykunata ima qoshaykichej, chayta junt'aychej. Kasojtiykichej, qankunata, jinallataj mirayniykichejtapis allin risonqachej. Tata Diosniykichej wiñaypaj qosonqachej, chay jallp'apitaj unayta kawsankichej, nispa.