Jeremías 22:13 - DIOSPA QHELQACHISQ

¹³ Ay, Joacín, qan imapichus tukukunki. Mana cheqanta ruwaspa, kamachinayki wasita, jatuchaj wasiykikunata ima oqharerqanki. Runa masiykikunata mana jornalninkuta pagaspalla ruwacherqanki.

Qheshwa Biblia DC

¹³ Ay, qanmanta sajra ruwasqasniykiwan, manataj cheqan ruwasqasniykiwanchu oqharerqanki palaciosniykita, jatuchaj wasisniykita ima. Wakintataj mana jornalninmanta pagaspalla qhasimanta llank'acherqanki.

DIOSPA QHELQACHISQAN DEUTEROCANONICAL

¹³ Ay, Joacín, qan imapichus tukukunki. Mana cheqanta ruwaspa, kamachinayki wasita, jatuchaj wasiykikunata ima oqharerqanki. Runa masiykikunata mana jornalninkuta pagaspalla ruwacherqanki.

Jeremías 22:13 ပူးပေါင်းရင်းမြစ်များ

2 Crónicas 36:4

Chaymanta Egipto suyoj kuraj kamachejnin Necaoqa Eliaquinta churarqa Judá suyupi, Jerusalenpiwan kuraj kamachej kananpaj. Eliaquinqa Joacazpa wawqen karqa. Necaorí Eliaquinta Joacín sutiwan suticharqa. Chaymantataj Necaoqa Joacazta presochaspa, Egiptoman apacherqa.

2 Crónicas 36:5

Joacinqa iskay chunka phishqayoj watayoj kashaspa, kamachiyta qallarerqa, Jerusalenmantapachataj chunka ujniyoj watata kamacherqa. Paytajrí mana Tata Diospa munayninman jinachu ruwarqa.

Job 31:39

Sichus pimantapis chajranta suwarqani chayqa, chayrí llank'ajkunamanchus mana pagaporqanichu chayqa,

Isaías 5:8

Imallachus kanqa qankunapaj, ashkha wasita, jatun jallp'ata jap'ikapojkuna. Wajkunapajtaj ni imata saqenkichejchu, qankunallapis kay jallp'a patapi kawajchej jina.

Jeremías 17:11

Pichus millayta ruwaspa qhapajyajqa rijch'akun mana paypa runtullanta ojllaj yuthuman. Chay runa kallpallanpiraj kashajtin, qhapaj kapuynin chinkarenqa, qhepamantaj wajchaman tukonqa.

Jeremías 22:18

Chayrayku Josiaspa churin Judata kuraj kamachej Joacinmanta parlaspa, kay jinata Tata Dios nin: Pay wañojtin, mana pipis waqanqachu. Mana pipis kay jinata nispa waqaj kanqachu: Ay wawqelláy, ay ñañalláy, ay wiraqochilláy, ay kuraj kamachejnilláy, nispa.

Levítico 19:13

Ama runa masiykichejta waqachinkichejchu, nitaj imantapis qhechunkichejchu. Amallataj peonniykichejpa pagonta q'ayantinkama jap'ikunkichejchu.

Miqueas 3:10

Qankuna runata wañuchispa, mana allin kajta ruwaspataj, Sión orqopi Jerusalén llajtata sayarichinkichej.

Habacuc 2:12

Ay, imarajchus kanqa qanmanta. Llajtaykikunata jataricherqanki runakunata wañuchispa, jinataj millay ruwaykuna patapi.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Deuteronomio 15:13

Payta kacharipuspaqa, ama ch'usaj makillataqa kacharipunkichu.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.