Jeremías 22:10 - DIOSPA QHELQACHISQ

¹⁰ Kuraj kamachej Josiasmanta ama waqaychejchu, amataj wañusqanmanta llakikuychejchu. Manachayqa churin Salunmanta waqaychej, pay waj suyuman apasqa kasqanmanta, imaraykuchus payqa maypichus paqarisqan llajtaman manaña kutimonqachu.

Qheshwa Biblia DC

¹⁰ Rey Josiasmanta ama waqaychejchu, amataj wañusqanmanta waqaychejchu; manchayqa wawan Salummanta waqaychej, pay mana kutimuyniyojta ripushasqanrayku, manaña rikonqachu maypichus nacekusqan jallp'anta.

DIOSPA QHELQACHISQAN DEUTEROCANONICAL

¹⁰ Kuraj kamachej Josiasmanta ama waqaychejchu, amataj wañusqanmanta llakikuychejchu. Manachayqa churin Salunmanta waqaychej, pay waj suyuman apasqa kasqanmanta, imaraykuchus payqa maypichus paqarisqan llajtaman manaña kutimonqachu.

Jeremías 22:10 ပူးပေါင်းရင်းမြစ်များ

2 Reyes 22:20

Chayrayku Tata Dios nillantaj: Kawsanaykikama kay llajtata sinch'i llakiywan ñak'arichisqayta mana rikunkichu, nispa. Paykunataj kutispa, kuraj kamachejman kikinta willamorqanku.

2 Reyes 23:29

Josías kamachishajtin chaypachataj, Egipto suyuta kuraj kamachej faraón Necao Éufrates mayu qayllaman llojsimorqa Asiria suyuta kuraj kamachejta yanapananpaj. Kuraj kamachej Josiastajrí paywan maqanakoj Meguidoman rerqa. Necaotaj Josiaswan tinkuytawankama, wañucherqa.

2 Crónicas 36:4

Chaymanta Egipto suyoj kuraj kamachejnin Necaoqa Eliaquinta churarqa Judá suyupi, Jerusalenpiwan kuraj kamachej kananpaj. Eliaquinqa Joacazpa wawqen karqa. Necaorí Eliaquinta Joacín sutiwan suticharqa. Chaymantataj Necaoqa Joacazta presochaspa, Egiptoman apacherqa.

Eclesiastés 4:2

Chayrayku noqa nerqani: Wañupojkunaqa astawan kusisqa kanku, kawsashajkunamanta nisqaqa, nispa.

Isaías 57:1

Cheqan kaj runakuna wañupojtinku, mana pipis paykunamanta yuyarikoj kanchu. Manataj pipis entiendenchu Dios paykunata pusakapusqanta, ama llakiypi ñak'arichisqa kanankupaj.

Jeremías 16:7

Chay wañojpa ayllunta sonqochanapaj mana pipis qorpachuta ruwanqachu, ni tatan wañupojtin, chayrí maman wañupojtinpis.

Jeremías 22:11

Josiaspa churin Salunqa Judata kuraj kamachej karqa. Paytaj tatanpa cuentanmanta kamachisharqa. Paymantarí Tata Dios nin: Kay suyumanta apasqa kasqanmanta manaña ujtawan kutimonqachu.

Jeremías 22:18

Chayrayku Josiaspa churin Judata kuraj kamachej Joacinmanta parlaspa, kay jinata Tata Dios nin: Pay wañojtin, mana pipis waqanqachu. Mana pipis kay jinata nispa waqaj kanqachu: Ay wawqelláy, ay ñañalláy, ay wiraqochilláy, ay kuraj kamachejnilláy, nispa.

Jeremías 22:27

Kutimpuyta munasqaykichej llajtamanqa manañapuni kutimpunkichejchu, nispa.

Jeremías 25:27

Chantá Tata Dios nillawarqataj: Noqa, Israelpa Diosnin, Tukuy Atiyniyoj Tata Dios paykunata kamachini machaykunankukama, lanzarparinankukama, pampaman urmaspataj manaña jatarikuyta atinankukama ujyanankuta, contrankupi maqanakuta kachaykamusqayrayku.

Jeremías 28:4

Jinallataj Joacinpa churin Judata kuraj kamachej Jeconiastapis kayman kutichimponqa, pikunachus Judamanta Babiloniaman apasqa karqanku, chaykunatawan. Arí, noqaqa Babiloniaj kuraj kamachejninpa atiyninta p'akisaj. Ajinata Tata Dios nin, nispa Jananías nerqa.

Jeremías 42:18

Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Jeremías 44:14

Judiokunamanta Egiptoman tiyakapoj ripojkunamanta mana ujllapis wañunamanta llusp'enqachu. Judá suyuman kutipuyta munashaspapis, manapuni kutiponqankuchu, manachayqa ripojkunamanta uj mashkhalla kutenqanku, nispa.

Lamentaciones 4:9

Espadawan ujllapi wañuchisqa kajkunaqa aswan allin wañuyta rikunku, yarqhaywan ch'ayñaspa wañojkunamanta nisqaqa, imaraykuchus mikhuna mana kasqanrayku, paykunaqa pisimanta pisi wañushanku.

Ezequiel 24:16

Runaj churin, noqaqa munasqa warmiykita kaymanta jinalla qhechusqayki. Qantajrí ama llakisqa kasqaykimanta yachayta qonkichu, nitaj waqankichu, nillataj waqayniykipis ñawiykimanta suruchunchu.

San Lucas 23:28

Jinapi Jesús chay warmikunata qhawarispa, nerqa: Jerusalenmanta warmikuna, ama noqamanta waqaychejchu, manachayqa qankunamanta waqaychej, wawaykichejkunamantawan.