Jeremías 21:7 - DIOSPA QHELQACHISQ

⁷ Chaymanta Judata kuraj kamachej Sedequiasta, kamachinkunata, llajtapi tiyakojkunatawan ima, pikunachus onqoywan, maqanakupi, yarqhaywan wañunankumanta puchojkunata jaywaykusaj Babiloniata kamachej Nabucodonosorman, waj awqankunaman ima. Paykunataj mana khuyakuspa nitaj sonqonta nanachikuspa espadawan wañuchenqanku. Noqa Tata Diosmin chaytaqa nini.

Qheshwa Biblia DC

⁷ Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

DIOSPA QHELQACHISQAN DEUTEROCANONICAL

⁷ Chaymanta Judata kuraj kamachej Sedequiasta, kamachinkunata, llajtapi tiyakojkunatawan ima, pikunachus onqoywan, maqanakupi, yarqhaywan wañunankumanta puchojkunata jaywaykusaj Babiloniata kamachej Nabucodonosorman, waj awqankunaman ima. Paykunataj mana khuyakuspa nitaj sonqonta nanachikuspa espadawan wañuchenqanku. Noqa Tata Diosmin chaytaqa nini.

Jeremías 21:7 ပူးပေါင်းရင်းမြစ်များ

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Isaías 47:6

Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

Jeremías 13:14

Chantá paykunata ch'allpaspa, p'uñuta jina phirirasaj, tatakunata wawankutawan khuskata. Paykunamanta mana khuyakuspa, ni uj puchuyojta tukuchisaj. Ajinata Tata Dios nini.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Jeremías 15:5

Jerusalén, pitaj qanmanta khuyakusonqari? Pitaj qanmanta sonqonta nanachikusonqari? Pitaj qhalita kawsanaykimanta qhawarisonqari?

Jeremías 15:9

Ashkha wawayoj mamakunaqa mana kallpayoj llawch'iman tukonqanku, samakuytapis mana atenqankuchu. Manaraj wañunankupi wañonqanku. P'enqachisqa, k'umuykachachisqataj kanqanku. Pipis chaymanta kawsashaj qhepakojtaj awqanwan wañuchisqallataj kanqa. Ajinata noqa Tata Dios nini.

Jeremías 19:7

Kay cheqapi noqaqa Judá, jinataj Jerusalén imatachus ruwanankupaj wakichikorqanku, chayta chinkachisaj. Noqapuni awqankuwan paykunata atipachisaj, paykunatataj espadawan wañurachenqanku. Chantá Judamanta runakunaj ayankuta suwintukunaman, k'ita animalkunaman ima mikhunankupaj qarasaj.

Jeremías 20:4

Jinataj Tata Dios nisunki: Qanta mancharikunaman tukuchisqayki, qan kikiykipaj, kawsaqeykikunapaj ima. Qhawashajtiyki, awqaykikunaqa kawsaqeykikunata espadawan wañuchenqanku. Judapi tukuy tiyakojkunatarí Babiloniamanta kuraj kamachejpa makinman jaywaykusaj, paytaj suyuykichejmanta Babiloniaman apasonqachej, chayrí espadawan wañuchisonqachej.

Jeremías 22:25

Pikunatachus manchachikunki wañuchisuyta munasqankurayku, chaykunaman jaywaykusqayki. Babiloniamanta kuraj kamachej Nabucodonosormanpis jaywaykusqayki, caldeokunaman ima.

Jeremías 27:6

Kunanqa noqa kay suyukunata Babiloniata kuraj kamachej kamachiy Nabucodonosorpa makinman churani. Jinallataj k'ita animalkunatapis paypa makinman churallanitaj.

Jeremías 32:4

Judata kuraj kamachej Sedequiaspis caldeokunamanta mana llusp'enqachu, manachayqa Babiloniamanta kuraj kamachejpa makinman urmanqa, paywantaj uyapura parlanqa.

Jeremías 34:3

Qanqa makinmanta mana llusp'iyta atinkichu, manachayqa jap'isonqanku, paymantaj jaywaykusonqanku. Chantá paypa ñawpaqenman apasqa kasqaykimanta, Babiloniamanñataj apasqa kanki.

Jeremías 36:29

Chantá Judata kuraj kamachej Joacinman kay jinata ninki: Tata Dios nin: Qanqa qaramanta ruwasqa p'anqata ruphacherqanki, imaraykuchus chaypi qhelqasqa nin: Babiloniamanta kuraj kamachejqa jamonqapuni kay suyuta chinkachinanpaj, manataj ni uj runallatapis nitaj uj uywallatapis kawsajta saqenqachu, nispa.

Jeremías 37:17

Chantá kuraj kamachej Sedequías kamacherqa Jeremiasta kamachinan wasiman pusamunankuta. Chaypitaj kuraj kamachejqa Jeremiasta pakayllapi tapurerqa: Tata Dios noqamanta imatapis nisunkichu? nispa. Jeremiastaj kuticherqa: Arí, kay jinata niwan: Qan Babiloniata kuraj kamachejpa makinman jaywaykusqa kanki, nispa.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Lamentaciones 2:20

Tata Diosníy, qhawariy yuyariytaj, mana jayk'aj pitapis kay jinata ruwarqankichu. Kay warmikunaqa paqarichikusqanku wawankuta mikhukaponqankuchu? Diospaj T'aqasqa Cheqapi sacerdotekuna, sut'inchajkuna ima Temploykipi wañurachisqa kanqankuchu?

Lamentaciones 2:22

Tukuynejmanta manchachikuyta tantaykamunki jatun raymiman wajyarikusqapis kankuman jina. Tata Dios, qanpa k'araj phiñakuyniyki p'unchaypi mana ujllapis llusp'erqachu, nitaj kawsashajpis qhepakorqachu. Pikunatachus uywasqaytaqa awqay wañuracherqa.

Ezequiel 23:28

Tukuyta Kamachej Tata Dios kay jinata nillantaj: Pikunatachus chejnikorqanki, chaykunaj makinkuman jaywaykusqayki. Pikunatachus millachikorqanki, chaykunaj makinkuman jaywaykullasqaykitaj.

Ezequiel 7:9

Mana khuyasqaykichu. Mana allinpi purisqaykimanta jasut'isqayki, millay ruwasqaykitataj sut'inchasqayki. Ajinamanta qan yachanki noqa Tata Dios kasqayta.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Ezequiel 9:10

Chayrayku noqapis paykunamanta mana uj chhikallantapis khuyakusajchu, nitaj paykunata saminchasajchu. Manachayqa mana allin purisqankumanta cuentata mañaspa, ñak'arichisaj, nispa.

Deuteronomio 28:50

Chay jina mana khuyakuyniyoj runakunaqa machu runakunata mana respetanqankuchu, wawakunatapis manallataj khuyanqankuchu.