Jeremías 21:2 - DIOSPA QHELQACHISQ

² Tata Diosta tapuripuwayku, imaraykuchus Babiloniamanta kuraj kamachej Nabucodonosor contraykuta maqanakoj jamushan. Ichapis Tata Dios uj t'ukuna imata ruwayta munanman, Nabucodonosorta karunchachinanpaj, nispa.

DIOSPA QHELQACHISQAN DEUTEROCANONICAL

² Tata Diosta tapuripuwayku, imaraykuchus Babiloniamanta kuraj kamachej Nabucodonosor contraykuta maqanakoj jamushan. Ichapis Tata Dios uj t'ukuna imata ruwayta munanman, Nabucodonosorta karunchachinanpaj, nispa.

Jeremías 21:2 ပူးပေါင်းရင်းမြစ်များ

Génesis 10:10

Nimrodqa Sinarpi kay llajtakunapi kamacherqa: Babel, Erec, Acad, Calne ima.

2 Reyes 1:3

Chantá Tata Diospa angelnenqa Tisbé llajtayoj Eliasta nerqa: Samariamanta kuraj kamachej kachankunata taripaj rispa, paykunata ninki: Ecrón llajtayojkunaj diosninku Baal Zebubta tapukamunaykichejtaqa, imarayku mana Israel suyupi kaj Diosta tapukamunkichejchuri?

2 Reyes 17:24

Chaymanta qhepaman Asiria suyuta kuraj kamachej Babiloniamanta, Cutamanta, Avamanta, Jamatmanta, chantá Sefarvayinmanta ima runakunata Samariaman apamorqa. Israelitakunaj cuentankumantataj Samariapi llajtakunaman paykunata churarqa. Ajinata chay runakunaqa Samariamanta dueñochakaporqanku, llajtakunapitaj tiyakorqanku.

2 Crónicas 32:21

Jinapi Tata Dios uj angelta kachamorqa, paytaj Asiriata kuraj kamachejpa wapu soldadonkunata, kamachejninkunata, kurajninkukunatawan ima jarankupi wañuracherqa. Asiriata kuraj kamachejtaj may p'enqasqa llajtanman kutiporqa. Chantá lantinpa yupaychana wasinman yaykojtin, chaypi paytaqa churinkunallataj wañucherqanku.

Éxodo 9:28

Tata Diosmanta mañaychej ari, illapakuna, chijchi para ima sayananpaj. Chantá noqa kacharipusqaykichej, manaña astawan jark'asqaykichejchu, nispa.

Isaías 48:2

Qankuna ninkichej: Diospa llajtanmanta kayku, nispa, chantá nillankichejtaj Israelpa Diosninpi atinikusqaykichejta. Chay Diospa sutenqa Tukuy Atiyniyoj Tata Diosmin.

Jeremías 15:11

Chantá Tata Dios nerqa: Noqa waqaychasqayki, Jeremías. Chantá awqaykikuna mañakusonqanku paykunapaj mañapunaykita, paykuna llakiypi, ñak'ariypi ima kashajtinku.

Jeremías 21:3

Chantá Tata Dios Jeremiasman parlarqa, Jeremiastaj Sedequiaspa kachankunaman kuticherqa: Kayta Sedequiasman niychej:

Jeremías 32:17

Tukuyta Kamachej Tata Diosníy, jatun atiyniykiwan janaj pachata, kay pachatapis ruwarqanki. Qanpajqa tukuy ima ruwana atikullan.

Jeremías 32:24

Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

Jeremías 34:1

Babiloniaj kuraj kamachejnin Nabucodonosor tukuy soldadonwan, jinataj paypa kamachiyninpi kaj suyukunamanta tukuy soldadokuna ima Jerusalenpa contranta maqanakusharqanku, chantá chay muyuyninpi llajtakunaj contranta ima. Chaypacha Tata Dios Jeremiasta nerqa:

Jeremías 37:17

Chantá kuraj kamachej Sedequías kamacherqa Jeremiasta kamachinan wasiman pusamunankuta. Chaypitaj kuraj kamachejqa Jeremiasta pakayllapi tapurerqa: Tata Dios noqamanta imatapis nisunkichu? nispa. Jeremiastaj kuticherqa: Arí, kay jinata niwan: Qan Babiloniata kuraj kamachejpa makinman jaywaykusqa kanki, nispa.

Jeremías 37:3

Mana kasojtinkupis, kuraj kamachej Sedequiasqa Selemiaspa churin Jucalta, jinataj Maseiaspa churin sacerdote Sofoniasta ima kacharqa Jeremiasta kay jinata nimunankupaj: Noqaykurayku Tata Diosmanta mañapuwayku, nispa.

Jeremías 37:7

Noqa Israelpa Tata Diosnin ajinata nini: Qankunaqa Judamanta kuraj kamachej, pichus tapunawaykichejpaj kachamusorqachej, chayman niychej: Faraonpa soldadonkuna, pikunachus yanapanasuykichejpaj jamushasorqachej, chaykuna Egiptoman kutiykapunkuña.

Ezequiel 7:26

Llakiy kawsayqa qhepan qhepanta chayamonqa, mana allin willaykunataj ñataj ñataj uyarikonqa. Yanqhallata mask'anqanku mayqellanpis Diosmanta sut'inchananta. Paykunata yachachinankupaj sacerdotekuna mana kanqachu, nitaj kurajkunapis paykunata yuyaychanankupaj kallanqatajchu.

Jueces 20:27

Jaqay tiempopeqa Diospa trato ruwasqan arcaqa Betelpi kasharqa,

1 Samuel 10:22

Chayrayku Tata Diosta ujtawan taporqanku, chaypi paykunawanchus manachus Saúl kashasqanta. Tata Diostaj paykunaman kuticherqa: Saulqa q'epi chawpipi pakasqa karishan, nispa.

1 Samuel 28:15

Chantá Samuel nerqa: Imapajtaj kakushajta jamuchiwanki, imapajtaj wajyawankiri? nispa. Saultaj kuticherqa: Sinch'i llakisqa kashani, imaraykuchus filisteokuna junt'aykamushawanku, Diosrí qonqarpariwan. Manaña parlawanchu, ni Diosmanta sut'inchajkunanejta, nitaj mosqoynejtapis. Chayrayku wajyacherqayki imatachus ruwanayta ninawaykipaj, nispa.

1 Samuel 28:6

Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.