Jeremías 21:12 - DIOSPA QHELQACHISQ

¹² Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Qheshwa Biblia DC

¹² Señormanta kay willayta uyariy: Tukuy p'unchaykunapi cheqan kajllata ruway, chay ñak'arejkunata kacharichiy qhasimanta oqojkunamanta. Pajtataj chay millay ruwasqasniykirayku phiñakuyniy nina jina jap'iykukunman, manataj pipis thasnuyta atishanmanchu.

DIOSPA QHELQACHISQAN DEUTEROCANONICAL

¹² Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 21:12 ပူးပေါင်းရင်းမြစ်များ

2 Samuel 8:15

Davidqa tukuy Israel suyupi cheqan kajta ruwaspa kamacherqa.

Job 29:17

Noqaqa millayta ruwajkunaj atiyninkuta p'akej kani, imatachus jap'isqankutataj makinkumanta qhechoj kani.

Salmos 101:8

Sapa p'unchay kay suyumanta millayta ruwajkunata chinkachisaj, jinataj Tata Diospa llajtanmanta tukuy millayta ruwajkunata wijch'usaj.

Éxodo 18:13

Q'ayantin Moisés israelitakuna ima jawa ch'ajwachinakusqankuta allinchananpaj tiyaykukorqa. Israelitakunaqa sut'iyaymanta ch'isiyanankama Moiseswan parlanankupaj jamorqanku.

Isaías 1:17

Aswanpis allin kaj ruwayta yachaqakuychej. Cheqan kajta ruwayta mask'aychej, ñak'arichisqa kaj runakunatataj yanapaychej. Wajcha wawakunaman kutikuychej, warmisapatapis yanapaychej, nispa. Ajinata Tata Dios nin.

Isaías 1:31

Qankunamanta wapu kajkunaqa q'opa jina kanqanku, millay ruwasqankutaj phawaj nina jina pajaman urmamonqa. Chay runakuna millay ruwasqankuwan ima ujllapi lawrarenqanku, nitaj pipis thasnoj kanqachu, nispa.

Isaías 7:13

Chantá Isaías nerqa: Davidpa mirayninmanta kajkuna, uyariychej: Qankunapaj runakunata phiñacheyqa pisichu, Diosniytapis phiñachiyllatataj munanaykichejpaj?

Isaías 7:2

Chaypacha wakinkuna Judata kuraj kamachej Ajazman willamorqanku: Paykunaqa Siriamanta kajkunawan, Efrainmanta kajkunapiwan ujchakunku, nispa. Chayta uyarispa, kuraj kamachej Ajaz, runankunapiwan maytapuni kharkatiterqanku, imaynatachus sinch'i wayra sach'akunata kuyuchin, ajinata.

Jeremías 17:4

Imatachus chayaqeykipaj qorqayki, juchallisqaykirayku paykuna chay suyuta qhechusonqanku. Chantá awqaykej kamachinpi kanki mana rejsisqa suyupi, imaraykuchus phiñakuyniyta ninata jina k'ajaricherqanki, chaytaj wiñaypaj lawranqa, nispa.

Jeremías 21:5

Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Jeremías 23:19

Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

Jeremías 23:2

Chayrayku Israelpa Tata Diosnin nillantaj: Aylluyta michejkuna, qankunaqa ovejaykunata ch'eqeracherqankichej, ayqeracherqankichejtaj, manataj allintachu qhawarqankichej. Chayrayku noqapis millayta ruwasqaykichejmanta jasut'isqaykichej. Noqa Tata Diosmin chayta nini.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 36:7

Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 5:14

Chayrayku Tukuy Atiyniyoj Tata Diosqa Jeremiasta nerqa: Chayta paykuna nisqankurayku noqa simiykiman nisqayta churasaj, chay nisqaytaj paykunata llant'ata jina ruphaykonqa, nispa.

Jeremías 5:28

Paykunaqa sumaj wira llusq'olla karishanku. Chay millay ruwasqankoqa yupay mana atina. Mana piniyoj wajcha wawakunata mana qhawarinkuchu, nitaj wajcha runakunaman sayakunkuchu justiciata ruwanankupaj.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Jeremías 7:5

Chayrayku allinta puriyta qallariychej, maychus kajtataj ujkuna ujkunawan ruwaychej.

Lamentaciones 4:11

Tata Dios may jatun k'araj phiñakuyninta kachaykamuspa, phiñakuyninta thasnukorqa. Sión llajtaman ninata jap'iykucherqa, cimientonmantapachataj ushphaman tukucherqa.

Ezequiel 22:31

Chayrayku paykunaj patankuman k'araj phiñakuyniyta kachaykamusaj. Jinaspataj, nina lawray jina phiñakuyniywan paykunata chinkachisaj. Millayta ruwasqankuman jina pagachikusaj. Noqa Tukuyta Kamachej Tata Dios ajinata nini.

Levítico 26:28

noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Sofonías 3:5

Chay tukuywanpis Tata Dios chay llajtawan kashan, paytaj cheqan kajtapuni ruwan manataj sajra kajtaqa. Sapa paqarin pay justiciata ruwan. Chay millay runakunarí mana p'enqakuyta yachankuchu.

San Lucas 1:69

Diosqa kamachin Davidpa mirayninmanta atiyniyoj uj qhespichejta kachamuwanchej,

Romanos 13:4

Kamachejqa allinniykipaj Diospa kamachisqanta ruwan. Manatajchus allinta ruwanki chayrí, manchachikuy, imaraykuchus kamachejqa mana qhasipajchu churasqa. Aswanpis payqa Diospa kamachinmin, mana allinta ruwajta jasut'inanpaj.

Deuteronomio 32:22

Phiñakuyneyqa nina jina lawrarin, chay ninataj ukhu pachakama lawrarenqa. Jallp'ata, tukuy imantinta q'olaykonqa. Orqokunatapis saphinmantapacha ruphaykonqa.