Jeremías 20:6 - DIOSPA QHELQACHISQ

⁶ Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Qheshwa Biblia DC

⁶ Qanrí, Pasur, tukuy aylluykiwan khuska Babiloniaman wijch'usqallataj kanki. Chaypi wañumunki, chayllapitaj p'ampasonqanku, qanta, tukuy kausaqesniykitawan, pikunamanchus qan llullakuspa profeta jina sut'incharqanki.

DIOSPA QHELQACHISQAN DEUTEROCANONICAL

⁶ Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Jeremías 20:6 ပူးပေါင်းရင်းမြစ်များ

Isaías 9:15

15 (14) Chay uma ninakun Israelpa kurajnin chantá sumachajnin runakunawan. Chupatajrí ninakun pikunachus llullallata parlaspa ninku Diosmanta sut'inchasqankuta, chaykunawan.

Jeremías 14:13

Noqataj kuticherqani: Tukuyta Kamachej Tata Dios, sut'inchajkuna aylluykiman ninku: Mana maqanaku kanqachu, nitaj yarqhaypis kanqachu. Tata Diosqa unaypaj allin kawsakuyta kay cheqaman apachimuwasunchej, nispa.

Jeremías 14:16

Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Jeremías 20:1

Imerpa churin sacerdote Pasjur Tata Diospa Templonpi kuraj kaj sacerdote karqa, paytaj Jeremiasta Diosmanta sut'inchashajta uyarerqa.

Jeremías 20:4

Jinataj Tata Dios nisunki: Qanta mancharikunaman tukuchisqayki, qan kikiykipaj, kawsaqeykikunapaj ima. Qhawashajtiyki, awqaykikunaqa kawsaqeykikunata espadawan wañuchenqanku. Judapi tukuy tiyakojkunatarí Babiloniamanta kuraj kamachejpa makinman jaywaykusaj, paytaj suyuykichejmanta Babiloniaman apasonqachej, chayrí espadawan wañuchisonqachej.

Jeremías 23:32

Paykunaqa yanqhallata mosqokusqankuta aylluyman sut'inchanku, ajinata ruwaspataj, aylluyta pantachinku. Mana noqaqa paykunata kachamorqanichu, nitaj imatapis kamacherqanichu. Chayrayku paykunaqa ni uj chhikallatapis aylluyta yanapayta atinkuchu. Noqa Tata Diosmin chayta nini.

Jeremías 29:32

Chayrayku noqa Tata Dios nini: Noqa Nejelán llajtayoj Semaiasta, tukuy miraynintawan jasut'isaj. Mana kay pachapi paypa mirayninmanta ni ujpis qhepakonqachu, nitaj kusikonqachu aylluy Israelman allin kawsayta qoshajtiy, imaraykuchus pay ajinata parlaspa, contraypi oqharikunankupaj aylluyta enqhaykorqa. Noqa Tata Diosmin chayta nini.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Lamentaciones 2:14

Diosmanta sut'inchajkunaqa qhasi manakaj imakunata willasunku. Mana juchaykitapis rikuchisorqankuchu, chaynejta ama karu llajtaman apasqa kanaykipaj. Manachayqa llullallata willasunku, qhasi manakaj imakunata creechispa.

Ezequiel 22:28

Sut'inchajkunataj imachus cheqan kajta pakanku, imaynatachus uj runa perqata yesowan lluch'in, ajinata. Paykuna cheqan kajta pakanku manakajta sut'inchaspa, mosqoypi jina llulla rikusqankuta willaspataj. Paykuna ninku: Kay jinata Tukuyta Tata Kamachej Dios nin, nispa. Chaywanpis noqa Tata Dios paykunaman ni imatapis nerqanichu.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Miqueas 2:11

Sichus pi ch'awkiyaspa, llullakuspataj nisunkichej: Tata Diosqa vinotawan, licortawan qosonqachej nispa, chayqa, chay runamari qankunapaj sumaj sut'inchaj kanman.

Zacarías 13:3

Chaypacha, sichus pipis payllamanta sut'inchayta munanqa chayqa, tatan, maman ima payta nenqanku: Qan wañunayki tiyan, imaraykuchus llullakuspa ninki Tata Diospa sutinpi sut'inchashasqaykita, nispa. Chantá tatan maman payta wañuchenqanku, payllamanta Diospa sut'inchajnin ruwakusqanrayku.

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.