Jeremías 20:5 - DIOSPA QHELQACHISQ

⁵ Jinallatataj kay llajtapi kaj tukuy imata Babiloniaman apanankupaj jaywaykullasajtaj: Judapi kuraj kamachejpa tukuy qhapaj tiyapuyninta, tukuy ima tarisqankuta chantá valorniyoj kapuyninta ima apakaponqanku.

Qheshwa Biblia DC

⁵ Jinallatataj kay llajtapipis tukuy ima kajkunasniykichejta, Judapi reykunaspa tukuy imasninkuta Babiloniaman apanankupaj jaywaykullasajtaj.

DIOSPA QHELQACHISQAN DEUTEROCANONICAL

⁵ Jinallatataj kay llajtapi kaj tukuy imata Babiloniaman apanankupaj jaywaykullasajtaj: Judapi kuraj kamachejpa tukuy qhapaj tiyapuyninta, tukuy ima tarisqankuta chantá valorniyoj kapuyninta ima apakaponqanku.

Jeremías 20:5 ပူးပေါင်းရင်းမြစ်များ

2 Crónicas 36:10

Mosoj wata qallarikushajtin, Nabucodonosorqa Joaquinta Babiloniaman apanankuta kamacherqa, Tata Diospa Templonmanta aswan valorniyoj imakunatawan khuskata. Chantá Nabucodonosorqa Sedequiasta churarqa Judá suyuta, Jerusalentawan kamachinanpaj. Sedequiasqa Joaquinpa ayllunmanta karqa.

Isaías 39:6

Uj p'unchay chayamonqa, chaypachataj Babiloniamanta kajkuna jamuspa, kunankama ñawpa tataykikunaj waqaychasqankuta apakaponqanku. Chaykunamanta ni ima puchonqachu. Tata Dios ajinata nin.

Jeremías 12:12

Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.

Jeremías 15:13

Israel, tukuy juchaykiraykumin awqaykej makinman jaywaykusaj tukuy qolqeykita, valorniyoj kapuyniykita, tukuy imachus jallp'aykipi kajtawan ima. Tukuyninta paykuna apakapunankupaj jaywaykusaj.

Jeremías 17:3

Jinallataj campopi, orqokunapi ima kashanku. Juchallisqaykirayku qhapaj tiyapuyniykita, valorniyoj kapuyniykita ima apakapunankupaj wajkunaman jaywaykusaj. Loma patapi yupaychana cheqakunatapis suwanankupaj jaywaykullasajtaj.

Jeremías 3:24

Lantikunata p'enqayta yupaychasqaykupi, wawakunallaraj kashajtiyku imatachus tataykukuna tarerqanku, chay tukuyta chinkacherqayku lantikunata p'enqayta yupaychasqaykupi. Jinallataj ovejakunata, wakakunata, qhari wawakunata, warmi wawakunata ima chinkachillarqaykutaj.

Jeremías 32:24

Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

Jeremías 39:2

Chantá chunka ujniyoj watataña kuraj kamachej Sedequías Judá suyuta kamachishajtin, chay watapi tawa kaj killanpi jisq'on kaj p'unchayninpi, Babiloniamanta soldadokuna perqata jusk'uspa, Jerusalén llajtaman yaykuykorqanku.

Jeremías 39:8

Chaykama Caldeo soldadokunaqa kuraj kamachejpa wasinta ninawan jap'iykucherqanku, jinallataj llajtapi wasikunatapis. Jerusalén llajtaj perqantapis thuñirarqanku.

Jeremías 4:20

Patanpi patanpi llakiy willay chayamun. Tukuy Judá suyu ch'inyachisqa kashan. Kaymanta jinalla toldoykuna phirisqa rikhurerqanku, jarakunaytaj phirisqa karqanku.

Lamentaciones 1:10

Awqankoqa Jerusalenpata qhapaj imankunata jap'ikapun. Jerusalenqa qanta mana manchachikoj runakunata rikorqa Temploykiman junt'aykojta, pikunatachus mana Temploykiman yaykunankuta nerqanki, chaykunata.

Lamentaciones 1:7

Jerusalén, ñak'arichisqa llakiypi purishaspa, yuyarikuy ñawpa tiempopi qhapaj kasqaykimanta. Kunantajrí awqayki mayta alqochakuspa asipayasunki, imaynatachus urmasqaykita rikuspa. Nitaj pipis yanaparej jamusorqachu.

Lamentaciones 4:12

Kay pachapi kuraj kamachejkuna, tukuy kay pachapi tiyakojkuna ima manapuni jayk'ajpis yuyarqankuchu, awqankuna Jerusalén llajtaj punkunta yaykuykunankutaqa.

Ezequiel 22:25

Kay suyupi kamachejkunaqa Diosmanta sut'inchajkuna leonkuna jina kanku. Qhaparispa, mithaspataj runakunata wañurachinku. Chay runakunaj qolqe waqaychanankuta, kapuyninkutawan suwanku. Jinallataj ashkha warmej qosankutapis wañurachinku.

Daniel (hebreo) 1:2

Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.

Oseas 13:15

Qhora jinapis Israel t'ikarichun. Inti llojsimuynejmanta wayra phukuspa, Tata Diospa phukusqan wayra, tukuy yaku qochankunata jinataj juturinkunatawan ima ch'akirparichenqa. Awqantaj qhechonqa tukuy ima waqaychasqanta.