Jeremías 20:4 - DIOSPA QHELQACHISQ

⁴ Jinataj Tata Dios nisunki: Qanta mancharikunaman tukuchisqayki, qan kikiykipaj, kawsaqeykikunapaj ima. Qhawashajtiyki, awqaykikunaqa kawsaqeykikunata espadawan wañuchenqanku. Judapi tukuy tiyakojkunatarí Babiloniamanta kuraj kamachejpa makinman jaywaykusaj, paytaj suyuykichejmanta Babiloniaman apasonqachej, chayrí espadawan wañuchisonqachej.

Qheshwa Biblia DC

⁴ Señorqa nisunki: Qan kikiyki mayta mancharikunaykipaj jina ruwasqayki, jinataj tukuy kausayniykipajpis; rikunaykita kausaqesniyki enemigosninkoj espadanwan wañuchisqas kanqanku. Tukuy Judapi kaj tiyakojkunatataj Babilonia reypa makisninman jaywaykusaj, payta jallp'aykichejmanta Babiloniaman apasonqachej, chayri cuchillowan wañurachisonqachej.

DIOSPA QHELQACHISQAN DEUTEROCANONICAL

⁴ Jinataj Tata Dios nisunki: Qanta mancharikunaman tukuchisqayki, qan kikiykipaj, kawsaqeykikunapaj ima. Qhawashajtiyki, awqaykikunaqa kawsaqeykikunata espadawan wañuchenqanku. Judapi tukuy tiyakojkunatarí Babiloniamanta kuraj kamachejpa makinman jaywaykusaj, paytaj suyuykichejmanta Babiloniaman apasonqachej, chayrí espadawan wañuchisonqachej.

Jeremías 20:4 ပူးပေါင်းရင်းမြစ်များ

2 Reyes 25:7

Chantá Sedequías rikunanta wawankunaj umankuta qholurarqanku. Paytapis iskaynin ñawinta orqhoytawan, cadenawan watasqata Babiloniaman aparqanku.

Salmos 73:19

Paykunaqa uj ñawi ch'irmiypi pampachasqa rikhurenqanku, manchachikuytaj paykunata tukuchenqa.

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 13:19

Neguevpi llajtakunaqa soldadokunawan muyuykusqaña kashanku, nitaj pipis punkunkuta yaykuyta atinchu. Chantá Judá suyupi tukuy tiyakojkuna waj suyukunaman apasqa kanku.

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 20:6

Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 29:21

Israelpa Tukuy Atiyniyoj Tata Diosnin kay jinata nin: Colaiaspa churin Ajab, jinataj Maseiaspa churin Sedequías ima llullakuspa nishanku: Tata Diospa sutinpi qankunaman willashayku, nispa. Noqatajrí paykunata Babiloniata kuraj kamachej Nabucodonosorpa makinman urmachisaj, paytaj rikushajtiykichej, paykunata wañurachenqa.

Jeremías 46:5

Jinapis imatataj rikushaniri? Paykunaqa mayta mancharikuspa kutiripunku. Aswan wapu soldadonkunaqa atipachikuspa, ch'eqeranku, qhepata mana qhawarikuspataj, usqhay usqhayta ayqeranku. Tukuynejpi mancharikuylla tiyan. Noqa Tata Diosmin chayta nini.

Jeremías 52:24

Soldadokunata kamachejqa kuraj kaj sacerdote Seraiasta jap'erqa, sacerdote masin Sofoniastawan. Chantá Temploj pationpi kinsa soldadokuna punkuta qhawarqanku, chaykunatapis jap'illarqataj.

Jeremías 52:27

Ribla llajtapitaj Babiloniata kuraj kamachejqa paykunata wañurachinankuta kamacherqa. Ajinatamin Judá suyupi tiyakojkuna waj suyuman apasqa karqanku.

Jeremías 6:25

Ama pipis campoman llojsiychejchu, amataj ñankunapi puriychejchu. Awqaqa armanwan sumaj wakisqa kashan. Chantá manchachikuy, kharkatitiy ima tukuynejpi kashan, nispa.

1 Samuel 2:33

Chaywanpis saqesaj aylluykimanta wakinkunallata altarniy qayllanejpi kashajta, ñawinku waqaywan tukukunankupaj, sonqonkutaj nanaywan. Chantá tukuy mirayniykimanta kajkunapis kallpallankupiraj kashaspa, wañuchisqa kanqanku.