Jeremías 20:18 - DIOSPA QHELQACHISQ

¹⁸ Imapajtaj mamaypa wijsanmanta llojserqaniri, kay jina nanayta, llakiyllata rikunaypaj, kawsayniytaj p'enqaypi tukukunanpajri? nispa.

Qheshwa Biblia DC

¹⁸ Imapajtaj mamaypa wijsanmanta llojserqaniri, kay jina nanayta, llakiykunasllatataj rikunaypajri, kausayniytataj p'enqaypi tukuchinaypajri?

DIOSPA QHELQACHISQAN DEUTEROCANONICAL

¹⁸ Imapajtaj mamaypa wijsanmanta llojserqaniri, kay jina nanayta, llakiyllata rikunaypaj, kawsayniytaj p'enqaypi tukukunanpajri? nispa.

Jeremías 20:18 ပူးပေါင်းရင်းမြစ်များ

1 Reyes 19:4

Chantá ch'innejman ripuspa, uj p'unchay puriyta jina rerqa. Chaypitaj retama sach'a uraman tiyaykukuytawan, wañupuyta munaspa, nerqa: Kaykamalla kachun, Tata Dios, pusakapullawayña. Noqaqa mana ñawpa tataykunamanta aswan allinchu kani, nispa.

Job 14:1

Chantá Job nillarqataj: Warmimanta paqarej runaqa mana unaytachu kawsan, kawsaynintaj imaymana llakiykunawan junt'a.

Job 14:13

Allin kanman jallp'aj sonqonpi pakaykunawayki, sinch'i phiñakuyniyki thasnukunankama. Chantá mayk'ajchus noqamanta ujtawan yuyarikunawaykita niwaj.

Job 3:20

Imaraykutaj Tata Diosqa ñak'arej runata k'anchayta rikunanta saqellanri? Imaraykutaj may jina llakiyniyojtapis kawsachillanpuniri?

Job 5:7

Imaynatachus nina k'ajay phawan, ajinallataj runaqa phutiykunata jatarichin.

Salmos 102:3

3 (4) Kawsayneyqa q'oshñi jina chinkapushan. Tulluypis nanaymanta t'ajarishan, nina k'ajayman rijch'akojta.

Salmos 69:19

19 (20) Paykuna turiyawaspa, sonqoyta nanachiwasqankuta qan yachanki, p'enqachisqa kaspa, uyayta ni mayman churayta atisqaytawan. Pikunachus awqaykuna kasqankutapis qan rejsinki.

Isaías 1:6

Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

Isaías 51:7

Uyariwaychej, cheqan kajta rejsejkuna, pikunachus yachachiyniyta sonqoykichejpi jap'ikojkuna: Runakuna qankunamanta millayta rimasqankuta ama manchachikuychejchu, amataj chay jinatapuni alqochakusqankurayku q'enaqakuychejchu.

Jeremías 15:10

Chantá noqa Jeremías nerqani: Ay, noqamanta, mamáy, imapajtaj paqarichikuwarqankiri? Kay pachapi kaj chhika runakuna contrayta sayaykuspa, noqawan churanakunankupajchu? Mana pimanpis qolqeta manunichu, nitaj pipis noqaman manuwanchu. Chaywanpis tukuy maldiciwanku, nispa.

Jeremías 15:18

Jina chayqa, imaraykutaj kay nanayniy mana jayk'aj thañinchuri? Imaraykutaj kay k'iriy mana thañipunchuri, nitaj jampisqa kayta atinchuri? Qanqa ch'aki mayu jina noqapaj kanki, nispa.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 8:18

Chantá Jeremías nerqa: Jatun llakiy ñit'iykuwan, chaypajtaj mana jampi kanchu. Sonqoypis phatashawanña.

Lamentaciones 1:12

Qankuna kay ñanta purejkuna, manachu sonqoykichej nanasunkichej noqata rikuwaspa? Sayarispa, qhawariwaychej. Kay ñak'arisqaymanta astawan sinch'i ñak'ariy kanmanchu? Kay jina ñak'ariyta Tata Dios k'arajta phiñakuspa, apachimuwan.

Lamentaciones 3:1

Noqamin kani, pitachus Dios k'araj phiñakuyninpi jasut'in, chay.

Habacuc 1:3

Imaraykutaj millay ruwayllata, ñak'ariyllatawan qhawachiwankiri? Millay ruwaykunawan, wañuchinakuywan ima muyurisqa kani. Tukuynejpi phiñanakuykuna, maqanakuykunapis tiyan.

San Juan 16:20

Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

Hechos 5:41

Chaywanpis Jesuspa kuraj kachankuna chay juntamanta llojsispa, mayta kusikorqanku Jesuspa sutinrayku ñak'arichisqa kasqankumanta.

2 Timoteo 1:12

Chayraykumin kay carcelpi wisq'asqa ñak'arishani. Chaywanpis mana p'enqakunichu, imaraykuchus pipichus atinikusqayta allinta yachani. Yachallanitaj pay atiyniyoj kasqanta chay imatachus qowasqanta jamoj p'unchaykama waqaychananpaj.

Hebreos 10:36

Qankuna pacienciakuyta necesitankichej, Diospa munasqanta ruwaspallapuni kanaykichejpaj. Chaypacha Dios imatachus qonawanchejta nisqanta jap'inkichej.

Hebreos 11:36

Wakinkunaqa p'enqaypi rikhurichisqa karqanku, jasut'isqataj. Wakinkunataj carcelman cadenawan watasqa wisq'achikorqanku.

Hebreos 12:2

Jesusllatapuni qhawaspa kanachej, imajtinchus paymin sonqonchejpi Diospi atinikunata rikhuricherqa, jinallataj pay astawan astawan Diospi atinikuyta amañakunanchejpaj kallpachawanchej. Jesusqa jatun kusiyta aswan qhepaman tarinanta yachasqanrayku cruzpi wañorqa, chay jina wañuna p'enqay kasqanta mana kasuta ruwaspa. Jinaytawantaj, Diospa kamachinan tiyanaj pañanman tiyaykukorqa.

Hebreos 13:13

Chayrayku noqanchejpis Jesuswan khuskallataj jaramanta jawaman llojsinachej, pay jina p'enqayta k'umuykachachisqa kanata ñak'arinanchejpaj.