Jeremías 20:16 - DIOSPA QHELQACHISQ

¹⁶ Chay runaqa, imaynatachus Tata Dios wiñaypaj llajtakunata phirin, ajina chinkachisqa kachun. Chay runa sut'iyaymantapacha nanaywan qhaparisqankuta uyarichun, chawpi p'unchaypitaj maqanaku ch'ajwata uyarichun.

Qheshwa Biblia DC

¹⁶ Chay runaqa, imaynatachus Señorqa wiñaypaj llajtasta phirin, ajina phirisqa kachun. Sut'iyaymanta nanaywan qhapariykunasta uyarichun, chaupi p'unchaypitaj maqanaku ch'ajwaykunasta.

DIOSPA QHELQACHISQAN DEUTEROCANONICAL

¹⁶ Chay runaqa, imaynatachus Tata Dios wiñaypaj llajtakunata phirin, ajina chinkachisqa kachun. Chay runa sut'iyaymantapacha nanaywan qhaparisqankuta uyarichun, chawpi p'unchaypitaj maqanaku ch'ajwata uyarichun.

Jeremías 20:16 ပူးပေါင်းရင်းမြစ်များ

Jeremías 18:22

Kaymanta jinalla contrankuta soldadokunata kachaykuy, manchariywan qhaparqachasqanku uyarikunanpaj. Paykunaqa t'oqota allanku wijch'uykunawankupaj, purinaymantaj tojllata churamunku.

Jeremías 18:8

Chantá sichus chay suyupi tiyakojkuna millay ruwasqankumanta t'aqakunku chayqa, jasut'inayta nerqani, chayta manaña junt'asajchu.

Jeremías 23:14

Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 26:13

Chayrayku imaynatachus kawsashasqaykichejta, purishasqaykichejtapis allinchaychej, Diosniykichej Tata Diostapis kasuychej. Ajinatachus ruwankichej chayqa, kachaykamunanta nerqa, chay ñak'ariykunata manaña kachaykamusonqachejchu.

Jeremías 4:19

Nanaywan q'ewiykachakuni, sonqoytaj llakiywan phatashanña. Mana kakuyta atinichu, manataj ch'inlla kaymanchu. Trompetaj waqasqanta uyarini, maqanakuman yaykunapaj qhaparejtawan.

Lamentaciones 4:6

Suyuypa jatun llajtaj millayta ruwasqanqa Sodomaj juchanmanta nisqaqa astawan jatunraj. Sodoma llajtataj ujllapi chinkachisqa karqa, mana runaj imanasqallan.

Ezequiel 21:22

22 (27) Suerte qhawasqantaj paña ladoman llojsin, Jerusalén cheqata señalaspa. Chay señaltaj kayta niyta munan: Kuraj kamachejqa soldadonkunata kamachinan tiyan maqanakuman yaykunankuta, chantá runakunata wañurachiyta qallarinankuta. Paykunataj llajta punkuta thuñina armakunata wakichenqanku, oqharillanqankutaj jallp'a moqokunata, chantá perqata wasaykuna torrekunata ima.

Oseas 10:14

Chayrayku qankuna ukhupi ch'ajwa sayarenqa. Jark'achasqa wasiykichejkunapis pampachasqa kanqanku, imaynatachus kamachej Salmanpa soldadonkuna maqanakupi Bet Arbelta chinkachisqanku, ajinata. Chaypacha mamakunata wawakunata ima ch'allparqanku.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Oseas 13:14

Ukhu pachaj atiyninmantapis libranaychu kanqa? Preciota pagaspa, wañuymantapis kacharichinaychu kanqa? Ya, wañuy, atiyniyki maypitaj kashanri? Qanpatapis, ukhu pacha, maypitaj atiyniyki kashan? Manaña kay runakunamanta khuyakusajchu.

Amós 1:14

Chayrayku noqaqa Rabá llajtaj perqanman ninata jap'iykuchisaj, chay ninataj kamachinanku wasita ruphaykonqa, sinch'i maqanaku kashajtin, muyoj wayra kashajtintaj.

Amós 2:2

Chayrayku noqaqa Moab suyuman ninata jap'iykuchisaj, chay ninataj Queriot llajtapi kamachinanku wasita ruphaykonqa. Sinch'i maqanaku kanqa, cornetakunatataj waqachenqanku, jinataj moabitakuna wañuchisqa kanqanku.

Amós 4:11

Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

Jonás 3:4

Chantá Jonás llajtaman uj p'unchay puriyta jina yaykuspa, Diospa nisqanta tukuyman willararqa: Kaymanta tawa chunka p'unchayman Diosqa kay Nínive llajtata chinkarparichenqa, nispa.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Sofonías 1:16

Chay p'unchaypi pututu waqanqa. Jinapitaj awqaykichejqa jark'achasqa llajtakunaj contrankupi, jatuchaj qhawana torrenkunaj contrankupi ima jap'inankupaj kachaykonqanku.

Sofonías 2:9

Chayrayku noqa, Israelpa Tukuy Atiyniyoj Tata Diosnin kawsayniyrayku tiluspa, nini: Moab suyu Sodoma jina chinkachisqa kanqa, Amonpi tiyakojkunataj Gomorrapi tiyakojkuna jina tukukonqanku. Jallp'ankukunapis khishka pampaman tukonqa, kachi orqhona qhoya jinataj ch'in pampa kanqa. Aylluymanta puchojkunataj chay suyukunaj kapuyninkuta qhechuranqanku, jallp'ankutapis jap'ikaponqanku, nispa.

San Lucas 17:29

Sodoma llajtamanta Lot llojsimunankama. Chaymantataj janajmanta azufreyoj nina para paramorqa, tukuyninkutataj tukucherqa.

Deuteronomio 29:22

22 (20) Qhepanejman wawaykichejkuna, jinallataj waj llajtayojkuna ima Tata Dios kay jallp'aman imaymana ñak'ariykunata, onqoykunata ima apachimusqanta rikonqanku.

Deuteronomio 29:23

23 (22) Tukuy suyu azufrella, kachilla, ruphasqa jallp'alla kasqanta rikonqanku. Chay jina jallp'api mana imatapis tarpuyta atenqankuchu, nitaj imapis poqoyta munanqachu. Ni qhorallapis wiñanqachu. Imaynatachus Tata Dios sinch'i phiñakusqanrayku Sodoma llajtata, Gomorrata, Admata, chantá Zeboyin llajtata ima chinkarparicherqa, ajinallataj suyuykichejta ch'inman tukuchenqa.

2 Pedro 2:6

Jinallatataj Dios Sodomapi, chantá Gomorrapi tiyakoj runakunatapis chinkachisqa kanankupaj juchacharqa, ushphaman tukunankukama ninawan paykunata ruphachispa. Ajinamanta Dioswan churanakojkuna qhepanejman imapichus tukukunankuta yachacherqa.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.