Jeremías 20:11 - DIOSPA QHELQACHISQ

¹¹ Qanrí Tata Dios, noqawan kashanki, may kallpasapa wapu soldado jina. Chayrayku qhatiykachawajkunaqa misk'anqanku, manataj atipawayta atenqankuchu. Tukuy ruwasqanku mana allin llojsejtin, p'enqaypi rikhurenqanku. Wiñaypajtaj mana allinpaj qhawasqa kanqanku.

Qheshwa Biblia DC

¹¹ Señor, qan noqawan kashanki, uj mana atipay atina ch'ajwapi maqanakoj jina. Pichus qhatiykachawajkunaqa urmanqanku, manataj atipayta atiwanqankuchu; atipachikuspa p'enqaypi rikhurenqanku, mana qonqay atinapaj jina, wiñaypaj mana allimpaj qhawasqas kanqanku.

DIOSPA QHELQACHISQAN DEUTEROCANONICAL

¹¹ Qanrí Tata Dios, noqawan kashanki, may kallpasapa wapu soldado jina. Chayrayku qhatiykachawajkunaqa misk'anqanku, manataj atipawayta atenqankuchu. Tukuy ruwasqanku mana allin llojsejtin, p'enqaypi rikhurenqanku. Wiñaypajtaj mana allinpaj qhawasqa kanqanku.

Jeremías 20:11 ပူးပေါင်းရင်းမြစ်များ

Salmos 129:2

Wayna kasqaymantapacha awqaykuna sinch'ita llakichiwarqanku chaypis, mana atipayta atiwarqankuchu.

Salmos 35:26

Manachayqa pikunachus llakiypi kasqaymanta kusikojkuna p'enqachisqa, k'umuykuchisqataj rikhurichunku. P'enqaypipuni rikhurichunku, pikunachus noqamanta aswan kasqankuta yuyajkunaqa.

Salmos 40:14

14 (15) Chantá wañuchiyta munawajkuna p'enqaypi rikhurichunku. Mana allinta ruwayta munawajkunapis p'enqayta k'umuykachaspa ayqechunku.

Salmos 47:2

2 (3) Patapi Kaj Tata Diosqa may jina manchachikunapaj jina, paytaj tukuy kay pachapi Kuraj Kamachej kashan.

Salmos 6:10

10 (11) Awqaykunarí p'enqachisqa rikhurenqanku, uj ñawi ch'irmiypitaj manchachikuspa ayqenqanku.

Salmos 65:5

5 (6) Qhespichiwajniyku Dios, justiciawan t'ukunata ruwaspa, qan kutichiwayku. Kay pachapi tukuy tiyakojkuna qanpi atinikunku, jinallataj aswan karu mama qocha kantupi tiyakojkunapis.

Salmos 66:5

Diospa ruwasqanta rikunaykichejpaj jamuychej, runakunapaj chay jina sumaj ruwasqanta.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 45:16

Lantita tukuy ruwajkunaqa k'umuykachachisqa, p'enqachisqataj kanqanku.

Jeremías 1:18

Kunan p'unchay noqa qanta churayki may sinch'i jark'achasqa llajtata jina. Fierromanta ruwasqa sayantata jina, broncemanta ruwasqa perqata jina churallaykitaj, tukuy Judá suyoj contranpi sayaykunaykipaj. Jinallataj kuraj kamachejninpata, kurajninkunajta, sacerdotenkunajta contrankupi sayaykullankitaj. Jinallataj tukuy runaj contranpi churanakunaykipaj churallaykitaj.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.

Jeremías 1:8

Ama paykunamanta manchachikuychu, imaraykuchus noqa qanwan kashani yanapasunaypaj. Noqa Tata Diosmin chayta nini, nispa.

Jeremías 15:15

Chantá noqa nerqani: Tata Dios, qan tukuy imata yachanki. Noqamanta yuyarikuy ari, waturikuwaytaj yanaparinawaykipaj. Tukuy qhatiykachawajkunamanta vengakuy ari. Ama paykunata ch'inllamanta qhawakuychu, pajtataj wañuchiwankuman. Qan yachanki imaynatachus qanrayku k'umuykachachisqa kasqayta.

Jeremías 15:20

Noqa broncemanta perqata jina kay runakunaj ñawpaqenkupi sayachisqayki. Paykuna maqanakusonqanku chaypis, mana atipasonqankuchu, imaraykuchus noqamin qanwan kashani waqaychasunaypaj, kacharichisunaypajtaj. Noqa Tata Dios tiluspa chayta niyki.

Jeremías 17:18

Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Jeremías 22:22

Kunantajrí tukuy kurajniykikunata wayralla apakaponqa, qanman sayasqa kajkunataj waj suyuman apasqa kanqanku. Chantá qan p'enqaypi k'umuykachashaj rikhurinki, chay tukuy millayta ruwasqaykirayku.

Jeremías 23:40

Qankunaj pataykichejmantaj k'umuykachayta, wiñaypaj p'enqakuytawan apachimusaj, mana jayk'aj qonqanaykichejpaj jina, nispa.

Jeremías 32:18

Qanmin may chhika runakunaman khuyakuyniykita rikuchinki, jinapis runakunata tatankoj mana allin ruwasqanmanta jasut'inki. Tata Dios, may Jatun Atiyniyoj kanki, sutiykeqa Tukuy Atiyniyoj Tata Diosmin.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

2 Timoteo 4:17

Chaywanpis, Tukuyta Kamachej Dios noqawan karqa, kallpachawarqataj Jesuspa sumaj willayninmanta sut'ita parlanaypaj, ajinamanta mana judío kajkuna uyarinankupaj. Ajinata Diosqa leonpa siminmanta jina wañunaymanta kacharichiwarqa.