Jeremías 2:8 - DIOSPA QHELQACHISQ

⁸ Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Qheshwa Biblia DC

⁸ Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

DIOSPA QHELQACHISQAN DEUTEROCANONICAL

⁸ Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 2:8 ပူးပေါင်းရင်းမြစ်များ

1 Reyes 18:22

Chantá Eliasqa runakunata nillarqapuni: Tata Diosmanta sut'inchajqa noqalla qhepakuni, Baalmanta sut'inchajkunarí 450 kanku.

1 Reyes 18:29

Chawpi p'unchaypis pasarqaña, paykunatajrí yuyay chinkasqa jina phinkiykachaspa aswan jatunmanta qhaparishallarqankupuni q'olachina phani chayamunankama. Chaywanpis mana ima parlayllapis uyarikorqachu, nitaj pipis kutichej nitaj uyarejpis karqachu.

1 Reyes 18:40

Chantá Eliasqa nerqa: Baalpa sut'inchajninkunata jap'iychej, amataj ujpis ayqechunchu, nispa. Chantá runakunaqa paykunata jap'erqanku, Eliastaj Cisón wayq'oman pusaspa, chaypi Baalpa sut'inchajninkunajpa umankuta qholurarqa.

Job 35:10

Jinapis mana pipis ruwajnin Diosta mask'ankuchu, tutanpi kallpachaj Diosta.

Isaías 28:7

Chaywanpis kunan sacerdotekuna, Diosmanta sut'inchajkunapis vinowan machasqa thampiykachanku, tragowan machasqa yuyay chinkasqa kashanku, vino ujyasqankuwantaj chankaykachanku. Imatachus mosqoypi jina rikusqankuta pantasqata rikunku. Justiciata ruwananku kashajtinpis, paykunaqa machasqa kashanku.

Isaías 29:10

Noqa Tata Dios qankunaman uj sinch'i puñuyta apachimuykichej. Noqamanta sut'inchajniykichejtapis puñurparichini, ñawinkuta velowan jina qhataykuspa.

Isaías 30:5

tukuyniykichej p'enqaypi rikhurinkichej chay manakaj suyupi atinikusqaykichejrayku. Egiptoqa mana yanapasonqachejchu, nitaj paykunamanta ima allin kajtapis tarinkichejchu. Manachayqa qankunapaj llakiylla, p'enqayllataj kanqa, nispa.

Jeremías 10:21

Aylluta michejkuna wampuman tukorqanku. Tata Diosta mana mask'ankuchu. Chayraykumin paykunata mana allinchu rin. Tukuy ovejankunapis ch'eqerapunku.

Jeremías 12:10

Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Jeremías 2:11

Ima suyutaj diosninkuta wijch'uspa, waj diostañataj churakukunri? Chaykunaqa mana dioschu kankupis. Chaywanpis aylloyqa noqa cheqan Dios jatun kayniypa lliphipiyniyoj kashajtiy, saqerpariwanku, qhasi manakaj lantikunata yupaychanankupaj.

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 7:8

Qankunatajrí qhasi manakaj llulla parlaykunapi atinikushankichej.

Jeremías 9:14

14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.

Ezequiel 22:26

Kay suyoj sacerdotenkunapis kamachisqayta p'akillankutaj. Noqapaj t'aqasqa imakunata pisipaj qhawanku. Imachus llimphupaj qhawasqa kajta, chayrí ch'ichipaj qhawasqa kajtapis mana reparankuchu. Manataj wajkunaman yachachinkuchu, imachus Diospaj t'aqasqa kasqanta, mana t'aqasqa kajtapis. Jinallatataj samarina p'unchayniyta mana waqaychankuchu nitaj jatunpaj qhawawankuchu.

Ezequiel 34:2

Runaj churin, Israelta michejkunaj contrankuta parlaspa, ajinata niy: Tukuyta Kamachej Tata Dios kay jinata nisunkichej: Ay qankunamanta, Israel aylluta michejkuna, imapichus rikhurinkichej. Qankunaqa allinnillaykichejta mask'akunkichej. Manachu michejkunaqa ovejakunaj allinninkuta mask'ananku tiyan?

Oseas 4:6

Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

Habacuc 2:18

Lanti ruwasqaña kaspa, ima allinpajtaj kanman? Ima allinpajtaj kanman llullaman pusaj lantiri? Chay lantikunaqa mana parlayta atinkuchu. Chayrayku pichus chaykunata ruwaj, imaynatataj chaykunapi atinikunmanri?

San Mateo 16:26

Ima allintaj runapaj kanman, sichus kay pachaj tukuy kapuyninta jap'ispapis mana wiñay kawsayman yaykunmanchu chayqa? Manachayqa, imatataj pipis paganman wiñay kawsayniyoj kananpajri?

San Lucas 11:52

Ay, qankunamanta, Diospa kamachisqanmanta yachachejkuna. Qankuna Diospa kamachiyninmanta yachasqaykichejta qankunallapaj jap'ikapunkichej, manataj wajkunaman yachachinkichejchu, nispa.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 8:55

Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

2 Corintios 4:2

Aswanpis pakaypi p'enqay ruwanata qhesachayku. Noqayku mana pitapis q'otiyaykuchu nitaj Diospa simi nisqanta q'ewiykuchu. Manachayqa cheqa kajta sut'inchaspa, noqayku Diospa ñawpaqenpi allinpaj qhawachikuyta munayku, ama pipis mana allin kajta noqaykumanta sonqonkupi yuyanankupaj.

Deuteronomio 33:10

Paykunaqa Jacobman kamachisqaykita yachachinku, Israelmantaj nisqaykita. Altarniykiman inciensota q'oshñichinapaj, uywa ñak'asqata ima q'olachinapaj churanku.

1 Samuel 12:21

Ama qhasi manakaj dioskunata yupaychaychejchu. Chaykunaqa mana pitapis yanapayta atinkuchu, nitaj qhespichiytapis qhasi manakajlla kasqankurayku.

1 Samuel 2:12

Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.