Jeremías 2:7 - DIOSPA QHELQACHISQ

⁷ Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Qheshwa Biblia DC

⁷ Noqamin pusamorqaykichej kay sumaj poqoj jallp'amin, chay sumaj poqoykunasninta mikhunaykichejpaj, imaschá allinta poqon chaykunatawan. Chantá qankunataj jamuytawan jallp'asniyta ch'ichicharqankichej. Ruwasqasniykichejqa kay kikin jallp'aypi millachikunaypaj jina kashan.

DIOSPA QHELQACHISQAN DEUTEROCANONICAL

⁷ Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Jeremías 2:7 ပူးပေါင်းရင်းမြစ်များ

Nehemías 9:25

Paykunataj sumaj perqawan muyuchisqa llajtakunata, waj jina poqoyniyoj sach'akunatapis, tukuy allin imawan junt'asqa wasikunata ima jap'ikaporqanku. Jinallataj yaku jap'ina qochakunata, uva huertakunata, olivo sach'akunata, waj jina poqoyniyoj sach'akunatapis jap'ikapullarqankutaj. Sumaj mikhunata mikhorqanku sajsakunankukama, jinaspataj wirayarqanku, chay jatun khuyakuyniykipitaj kusikorqanku.

Nehemías 9:26

Chaywanpis, Tata Dios, paykunaqa mana kasukojkuna karqanku. Contraykipi oqharikorqanku, kamachisqaykitataj qhesacharqanku. Chantaqa sut'inchajniykikunata wañucherqanku uyankupi qanman kutirikamunankuta k'amisqankurayku. Chaymantataj aswan millayta ruwaspa, sonqoykita nanachisorqanku.

Isaías 19:25

Chaypacha Tukuy Atiyniyoj Tata Dios paykunata nenqa: Noqaj aylluy Egiptota, ruwasqay asiriokunata, chayaqey Israelta ima saminchasaj, nispa.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Jeremías 3:1

Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 3:2

Q'ara orqokunata allinta qhawariy: Mana mayqen orqo kanchu mana khuchichakusqaykeqa. Ch'innejpi Arabiamanta runakuna jina chukuykuspa, qhariykita ñan patallapi suyaj kanki. Kay suyutataj khuchichakusqaykiwan, chantá millay ruwasqaykiwan ima qhenchacharqanki.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Jeremías 32:30

Qallariymantapacha Israel ayllu, chantá Judá ayllupis ñawpaqeypi millayta ruwarqanku. Israelitakunaqa paykunaj ruwasqanku lantikunata yupaychaspa, phiñachillawajpuni kanku. Noqa Tata Diosmin chayta nini.

Ezequiel 20:24

Chayta nerqani, imaraykuchus paykunaqa kamachiyniyta mana junt'arqankuchu, qhesacharqanku ima. Samarina p'unchayniyta pisipaj qhawarqanku, jinaspataj, ñawpa tatankoj millay lantinkukunallapi yuyarqanku.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 20:6

Chay p'unchaypi tiluspa, nillarqanitaj: Egiptomanta orqhospa, qankunata pusasqaykichej, mayqen jallp'atachus qankunapaj ajllarqani, chay jallp'aman. Chay jallp'apeqa lechewan, abeja misk'iwan yaku jina puririshan. Chay jallp'aqa tukuy jallp'amanta aswan sumajmin kashan, nispa.

Ezequiel 23:35

Chayrayku noqa Tukuyta Kamachej Tata Dios nillanitaj: Noqamanta qonqapuwasqaykirayku, wasanchawasqaykiraykutaj qan jasut'isqa kanayki tiyan, khuchichakuypi kawsasqaykimanta, munasqaykipi purisqaykimantawan, nispa.

Ezequiel 36:17

Runaj churin, Israel aylloqa suyunpi tiyakushaspa, millay ch'ichi ruwasqankuwan chay jallp'ata ch'ichicharqanku. Ñawpaqeypi imaynatachus purisqankoqa ch'ichi millachikunapaj jina karqa.

Oseas 9:3

Efrainqa Egiptoman kutirenqa, Asiriapitaj ch'ichipaj qhawasqa mikhunata mikhonqa. Manañataj Tata Diospa suyunpi tiyakonqachu.

Miqueas 2:10

Chayrayku jatarispa, puririychej, kayqa mana samarikunaykichej cheqañachu. Kay cheqaqa juchawan ancha ch'ichichasqa, chayraykutaj chinkachisqa kanqa.

Números 13:27

Chaymantataj Moisesta nerqanku: Noqaykoqa maymanchus kachawasqayku jallp'aman chayarqayku. Chay jallp'apeqa cheqapuni lechewan, abeja misk'iwan ima yaku jina purishan. Rikuychej, má. Kay jinata chay jallp'api poqoj kasqa.

Deuteronomio 21:23

chay ayataqa ama tutantinta sach'api warkhusqata saqenkichejchu. Manachayqa chay p'unchaypacha chay runaj ayanta p'ampankichej, imaraykuchus warkhusqa runaqa Diospa maldicisqanmin. Ajinata ruwaspa, Tata Diosniykichej qosusqaykichej jallp'ata mana ch'ichichankichejchu.

Deuteronomio 32:9

Tata Dios chayaqenpaj kikin ayllullantataj ajllakorqa. Paypa chayaqenqa Jacobpa miraynin.

Deuteronomio 6:18

Sichus allin kajta, chantá cheqan kajta ruwankichej chayqa, Tata Diospa sonqonta kusichinkichej. Ajinaqa Tata Dios ñawpa tataykichejman tiluspa qonanta nerqa, chay sumaj jallp'api allin risonqachej.