Jeremías 2:36 - DIOSPA QHELQACHISQ

³⁶ Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

Qheshwa Biblia DC

³⁶ Imaraykutaj chhikata apurakunki kausaqesniykita cambianaykipajri? Egiptopis ch'aukiyasonqa imaynatachus Asiriapis ch'aukiyasorqa ajinata.

DIOSPA QHELQACHISQAN DEUTEROCANONICAL

³⁶ Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

Jeremías 2:36 ပူးပေါင်းရင်းမြစ်များ

2 Crónicas 28:16

Chaypacha Ajazqa Asiria suyuta kuraj kamachejman runakunata kacharqa yanapananta mañakuspa,

Isaías 20:5

Filisteokunaqa Etiopía yanapananta suyakorqanku, jinallataj Egiptopipis atinikorqanku. Chaywanpis p'enqakuspa pawichikonqanku.

Jeremías 2:18

Kunanrí, Egiptoman rispa, Nilo mayumanta yakuta ujyamusqaykiwan imatataj tarinkiri? Asiriaman rispa, Éufrates mayumanta yakuta ujyaspapis, imatataj tarillankitajri?

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 2:33

Waynaykikunata mask'ayta sumajta yachanki. Phisu warmikunamanpis chay millay ruwasqaykita yachachinki.

Jeremías 22:20

Qan, Jerusalén, Líbano orqoman wicharispa, qhapariy. Basán orqokunapi jatunmanta waqay. Abarín orqomantapacha qhapariy, imaraykuchus qanman tukuy sayakusqa kajkuna atipasqaña kanku.

Jeremías 22:22

Kunantajrí tukuy kurajniykikunata wayralla apakaponqa, qanman sayasqa kajkunataj waj suyuman apasqa kanqanku. Chantá qan p'enqaypi k'umuykachashaj rikhurinki, chay tukuy millayta ruwasqaykirayku.

Jeremías 31:22

Mayk'ajkamataj mana kasukoj sipas jina kayman jaqayman purinkiri? Noqa Tata Diosrí, kay pachapi mana jayk'aj rikusqaykichejta ruwani: Warmeqa qharita muyupayanqa, nispa.

Jeremías 37:7

Noqa Israelpa Tata Diosnin ajinata nini: Qankunaqa Judamanta kuraj kamachej, pichus tapunawaykichejpaj kachamusorqachej, chayman niychej: Faraonpa soldadonkuna, pikunachus yanapanasuykichejpaj jamushasorqachej, chaykuna Egiptoman kutiykapunkuña.

Jeremías 46:12

May k'umuykachachisqa kasqaykita waj suyukuna yachankuña, tukuy kay pachapitaj qhaparisqayki uyarikun. Tinkupi maqanakojkunapis ujkuna ujkunawan takanakuspa, iskayninku pampaman tuliykunku, nispa. Ajinata Tata Dios nin.

Lamentaciones 4:17

Yanapanawaykuta suyaspa qhawasqaykupi ñawiykupis chharpuyawaykuña. Chaywanpis suyashayku mana pitapis kacharichiyta atej suyu yanapanawaykuta.

Lamentaciones 5:6

Mikhunata mask'aspa Egipto llajtayojkunaman, asiriokunaman ima k'umuykorqayku.

Ezequiel 16:28

Chaywan mana sajsakuspataj, qanqa asiriokunawanñataj khuchichakorqanki. Chaywanpis nillataj paykunawan sajsakorqankichu.

Ezequiel 29:7

Paykuna qanpi atinikorqanku. Qantajrí p'akikuspa, paykunaj wallak'unkuta t'ojsiykorqanki, urmaspataj, paykunata urmacherqanki.

Oseas 10:6

Torillo lanteqa Asiriaman apasqa kanqa, kuraj kamachejman t'inkata jina jaywanankupaj. Jinamanta Efrainqa p'enqachisqa rikhurenqa. Israelpis lantinmanta p'enqakonqa.

Oseas 12:1

1 (2) Efrainqa wayrallata mikhuspa kawsan. Tukuy tuta p'unchay inti llojsimuynejmanta wayraj qhepanta ripun. Mana sayk'uspa llullakullanpuni, kallpaman atinikuspataj, millayta ruwallanpuni. Asiriawan tratota ruwan, aceite t'inkatataj Egiptoman apachin.

Oseas 14:3

Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Oseas 5:13

Efrainqa onqosqa kasqanta rikukonqa, Judapis ukhun nanachisqa kasqanta reparakonqa. Chantá Efrainqa Asiriaman renqa kuraj kamachej yanaparinanta mañakoj. Asiriaj kuraj kamachejninrí mana thañichiyta atenqachu, nitaj nanasqantapis jampiykonqachu.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.