Jeremías 2:34 - DIOSPA QHELQACHISQ

³⁴ P'achaykeqa wajchakunaj, jinataj mana juchayojkunaj yawarninkuwan ch'allpaykusqa rikhurin. Qan ni imapi juchallikushajtapis paykunata tariparqankichu.

Qheshwa Biblia DC

³⁴ P'achaykeqa wajchaspa, jinataj mana juchayojkunaspa yawarninwan ch'ajchusqa rikhurin. Paykunataqa mana ima sajrata ruwashajtapis jap'ejchu kanki.

DIOSPA QHELQACHISQAN DEUTEROCANONICAL

³⁴ P'achaykeqa wajchakunaj, jinataj mana juchayojkunaj yawarninkuwan ch'allpaykusqa rikhurin. Qan ni imapi juchallikushajtapis paykunata tariparqankichu.

Jeremías 2:34 ပူးပေါင်းရင်းမြစ်များ

2 Reyes 21:16

Chay jawa Manasesqa mana juchayojkunamanta ashkhata wañuchicherqa, Jerusalenpi yawar mayu purinankama. Chayqa wajlla karqa, Tata Diospa ñawpaqenpi Judá suyumanta kajkunata imata ruwaspachus juchallicherqa, chaymanta nisqaqa.

2 Reyes 24:4

Chayrayku Tata Diosqa Judá suyuta manapuni qhespichiyta munarqachu, Jerusalenpi ashkha mana juchayojkunata Manasés wañuchichisqanrayku.

Éxodo 22:1

1 (21.37) Sichus pipis bueyta, chayrí ovejata suwaspa ñak'anman, chayrí vendenman chayqa, pichus uj bueyta suwaj phishqa bueyta kutichipunan tiyan, uj ovejamantarí tawata.

Éxodo 22:2

2 (1) Sichus pipis uj suwata wasi punkuta k'ampashajta jap'inman, chay suwata maqaspataj wañuchinman chayqa, pichus wañuchej mana juchayojchu kanqa.

Isaías 57:5

Qankunaqa thansa sach'a urapi lantiykichejkunata yupaychaspa, khuchiriyokunata ruwankichej. Jinallataj vallekunapi, qaqa jusk'upi wawaykichejta uywa ñak'asqata jina q'olachinkichej.

Isaías 59:3

Qankunaj makiykichejqa yawarlla, ruk'anaykichejpis millayta ruwanawan ch'ichichasqa kashan. Simiykichejqa llullata parlan, qalluykichejtaj millay kajllata rimarin.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 2:33

Waynaykikunata mask'ayta sumajta yachanki. Phisu warmikunamanpis chay millay ruwasqaykita yachachinki.

Jeremías 6:15

Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Jeremías 7:31

Ben Jinón Vallepi Tofetpa altarninta jataricherqanku, chaypi qhari wawankukunata, jinataj warmi wawankukunatapis q'olachinankupaj. Chaytaqa ni jayk'aj paykunaman kamacherqanichu, nitaj yuyallarqanipischu.

Jeremías 7:6

Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Lamentaciones 1:9

P'achanqa millay ch'ichi kashan, manataj yuyarqachu imapichus rikhurinanta. Chayrayku payqa t'ukunata urmarqa, manataj pipis sonqochaykurej kanchu. Qhawariy ari, Tata Dios, llakiyniyta, awqaypis manchayta runaykachasqankuta.

Lamentaciones 4:14

Paykunaqa tukuy ñankunata ñawsakuna jina chankaykacharqanku. P'achankupis yawar pukalla kasqanrayku, mana pipis llankhariyta munarqachu.

Ezequiel 20:31

Qankunaqa lantiykichejkunaman jaywaspa, chantá wawaykichejta q'olachispa, kunankama ch'ichichakushallankichejpuni. Israelitakuna, ajina kashaspachu tapukoj jamuwankichej, kutichinaytataj munashankichej? Noqa Tukuyta Kamachej Tata Dios tiluspa, niykichej: Tapuwajtiykichejqa manapuni kutichisqaykichejchu, nispa.

Ezequiel 22:25

Kay suyupi kamachejkunaqa Diosmanta sut'inchajkuna leonkuna jina kanku. Qhaparispa, mithaspataj runakunata wañurachinku. Chay runakunaj qolqe waqaychanankuta, kapuyninkutawan suwanku. Jinallataj ashkha warmej qosankutapis wañurachinku.

Ezequiel 23:45

Chayrayku cheqan kawsaj runakunaqa chay khuchi warmikunata juchachanqanku kamachisqankuman jina, imaynatachus phisu warmikunata chantá runa wañuchejkunata juchachanku, ajinata. Ajinata ruwanqanku, imaraykuchus paykunaqa khuchichakuspa purej, runa wañuchitaj kanku, nispa.

Ezequiel 24:7

Kay llajtaqa yawar jich'asqanwan junt'a kashan. Chhanka patapi jich'asqa kashan, manataj pampapichu jallp'awan qhatasqa kananpajqa.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.