Jeremías 2:28 - DIOSPA QHELQACHISQ

²⁸ Judá, ruwakusqayki dioskuna maypitaj kashankuri? Mashkhachus llajtaykikuna kanku, chay chhikallataj diosniykikuna tiyapusunku. Chayrayku ñak'ariypi rikhurejtiyki, paykuna jamuspa, yanapasuchunku.

Qheshwa Biblia DC

²⁸ Judá, maypitaj chay ruwakusqasniyki dioskuna kashankuri? Mashkhachus llajtasniyki chay chhikallataj dioskunasniyki tiyapusunku. Ñak'ariyman chayajtiyki paykuna jamuspa salvasuchunku.

DIOSPA QHELQACHISQAN DEUTEROCANONICAL

²⁸ Judá, ruwakusqayki dioskuna maypitaj kashankuri? Mashkhachus llajtaykikuna kanku, chay chhikallataj diosniykikuna tiyapusunku. Chayrayku ñak'ariypi rikhurejtiyki, paykuna jamuspa, yanapasuchunku.

Jeremías 2:28 ပူးပေါင်းရင်းမြစ်များ

2 Reyes 3:13

Eliseotajrí Israel suyuta kuraj kamachej Joranta nerqa: Noqaqa mana qanwan ni ima ruwanay kanchu. Riy ari, tataykej mamaykej sut'inchajninkunata tapukamuy, nispa. Chantá kuraj kamachej Jorán kuticherqa: Mana paykunata tapukamusajchu, imaraykuchus Tata Diosmin moabitakunaman jaywaykunawaykupaj kinsantiykuta tantaykuwayku, nispa.

Isaías 45:20

Tantakuspa, kayman jamuychej. Tukuy suyupi wañuymanta llusp'ejkuna qayllamuwaychej. K'ullumanta ruwasqa lantikunata oqharispa apajkunaqa imatachus ruwashasqankuta mana yachankuchu. Mana qhespichiyta atej diosmanta qhasillata yanapananta mañakunku.

Isaías 46:2

Chay dioskuna k'umpuykukunku, pampamantaj wijch'ukunku. Mana qhespichikuyta atispa, paykuna kikinku mana munashajta waj suyuman apachisqa kanku.

Isaías 46:7

Lijrariykukuytawan, chay lantita apanku, maypichus kananmantaj churanku. Chaypitaj mana kuyurispa kakullan. Paymanta qhaparispa mañakunku, manataj uyarinchu, nillataj llakiyninkumantapis kacharichinchu.

Isaías 57:13

Yanapanayta mañakuspa qhaparejtiyki, chay tantasqayki lantikunamin librasuchunku. Chaywanpis paykunata wayralla aparanqa, uj phukuyllawan chinkarichisqa kanqanku. Pichus noqapi atinikojrí, kay jallp'ata chayaqenpaj jap'enqa, noqapaj t'aqasqa orqopitaj tiyakonqa, nispa.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 11:12

Chantá Judá suyupi tiyakojkuna, Jerusalenpi tiyakojkunapis inciensota q'oshñichispa, diosninkuman yanapananta mañakamoj renqanku. Chaywanpis ñak'arina p'unchay chayamojtin, chay lantikuna manapuni paykunata yanapayta atenqankuchu.

Jeremías 11:13

Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 37:19

Maypitaj chay sut'inchajniykichej kashanku, pikunachus nerqasunkichej: Babiloniamanta kuraj kamachej mana kay suyuman nitaj llajtaykichejmanpis yaykumonqachu, nispa nejkunari?

Oseas 10:1

Israelqa uva sach'a jina may chhika poqoyniyoj. Chaywanpis astawan qhapajyasqankuman jina, astawan ashkha altarkunata jatarichillarqankutaj. Jallp'anku astawan sumajta poqojtin, yupaychana rumi sayantakunatapis astawan k'achituta ruwarqanku.

Habacuc 2:18

Lanti ruwasqaña kaspa, ima allinpajtaj kanman? Ima allinpajtaj kanman llullaman pusaj lantiri? Chay lantikunaqa mana parlayta atinkuchu. Chayrayku pichus chaykunata ruwaj, imaynatataj chaykunapi atinikunmanri?

Habacuc 2:19

Ay, imarajchus kanqa qanmanta, imaraykuchus k'ullumanta llajllasqa lantita ninki: Rijch'ariy, nispa. Mana parlayta atej rumitataj ninki: Sayarikuy, nispa. Chaykunaqa imamantapis willasuyta atinkumanchuri? Mana, imaraykuchus, qoriwan chayrí qolqe metalwan lluch'isqa kaspapis, mana kawsayniyojchu kanku.

Deuteronomio 32:37

Chaypacha Tata Diosqa paykunata nenqa: Maypitaj diosniykichejkuna kashanku, jap'ikorqankichej, chay jark'akusojniykichejri?

Jueces 10:14

Riychej, mañakamuychej ajllakusqaykichej dioskunamanta. Paykunawan kunanqa ñak'ariykunamanta kacharichikuychej, nispa.