Jeremías 2:25 - DIOSPA QHELQACHISQ

²⁵ Israel, nanachikunaykikamaqa ama q'ara chaki puriychu chay lantikunaj qhepanta, nitaj yaku ch'akiymanta ñak'ariychu. Chaywanpis qan nerqanki: Mana chayta saqeyta atinichu, imaraykuchus waj dioskunata munakuni, paykunatataj qhatisajpuni, nispa.

Qheshwa Biblia DC

²⁵ Israel, ama q'ara chaki purispa nanachikuychu, ama kunkaykita yakumanta ch'akichikojta saqeychu. Chaywampis qan nerqanki: Mana ni ima kashajtimpis, noqaqa wajkunata munakuni, paykunawantaj ripusaj, nispa.

DIOSPA QHELQACHISQAN DEUTEROCANONICAL

²⁵ Israel, nanachikunaykikamaqa ama q'ara chaki puriychu chay lantikunaj qhepanta, nitaj yaku ch'akiymanta ñak'ariychu. Chaywanpis qan nerqanki: Mana chayta saqeyta atinichu, imaraykuchus waj dioskunata munakuni, paykunatataj qhatisajpuni, nispa.

Jeremías 2:25 ပူးပေါင်းရင်းမြစ်များ

2 Crónicas 28:22

Chay jina llakiywan ñit'isqa kashaspapis, Ajazqa Tata Diosta wasancharqa, contranpitaj juchallillarqapuni.

2 Crónicas 28:23

Damascomanta soldadokuna atipaykusqankurayku pay yuyarqa: Siriamanta dioskunamin chay kuraj kamachejkunata yanaparqanku atipanawanchejpaj. Chayrayku noqapis uywa ñak'asqata paykunaman jaywallasajtaj yanapanawankupaj, nispa. Jinataj Ajazqa Damascopi dioskunaman uywa ñak'asqata jaywarqa. Chaywanpis chay ruwasqan yanapanantaqa, payta urmacherqa, jinataj tukuy israelitakunatapis.

Isaías 2:6

Qan Tata Dios, Jacobpa ayllunmanta kajkunata saqerparerqanki. Paykuna ukhupi inti llojsimuynejmanta jamoj yatirikunawan junt'a kashan, jinallataj filisteokuna ukhupi jina watojkunawan junt'allataj kashan. Waj llajtayojkunawantaj tratotapis ruwakunku.

Isaías 57:10

Chay chhikata purisqaykipi qan sayk'orqanki. Chaywanpis mana nerqankichu: Kayqa yanqhalla, nispa. Aswanpis watej kallpachakorqanki, chayrayku imatachus ruwanaykita mana saqerqankichu.

Jeremías 13:21

Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 14:10

Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Jeremías 18:12

Chaywanpis paykuna nisonqanku: Ama tiempoykita usuchiychu. Noqaykoqa munasqaykuman jinalla kawsakusqayku, k'ullukuspataj, sonqoykoj millay yuyasqanman jina ruwasqayku, nispa.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 22:20

Qan, Jerusalén, Líbano orqoman wicharispa, qhapariy. Basán orqokunapi jatunmanta waqay. Abarín orqomantapacha qhapariy, imaraykuchus qanman tukuy sayakusqa kajkuna atipasqaña kanku.

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 44:17

Manachayqa ruwallasqaykupuni, imatachus ruwanaykuta nerqayku, chayta. Inciensota q'oshñichillasqaykupuni, vinotapis ch'allasqayku Janaj Pachaj Qoyan nisqa diosman, imaynatachus kunankama kuraj kamachejniyku, noqayku, ñawpa tatayku ima ruwarqayku, ajinata. Judá llajtakunapi, jinallataj Jerusalenpa callenkunapipis Janaj Pachaj Qoyan nisqa diosman inciensota q'oshñichillarqaykupuni, imaynachus ñawpa tataykukuna ruwarqanku, ajinata. Chaypacha chayta ruwasqaykurayku ñawpajta ashkha mikhuna tiyapuwaj kayku, atipachikunaykupaj jina. Tukuy imapi allin riwaj kayku, manataj ima ñak'ariypis noqaykuta qhatiriwajchu kayku.

Lamentaciones 1:2

Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Lamentaciones 4:4

Ñuñoj wawakunaj qallunkoqa yaku ch'akiymanta siminkuman k'askaykapullanña. Wawakuna t'antata mañakojtinku, mana pipis t'antata qorej kanchu.

Ezequiel 20:32

Qankuna ninkichej: Wakin suyukuna jina kayta munayku, pikunachus k'ullukunata chantá rumikunata yupaychanku, chaykuna jina, nispa. Chaytajrí manapuni jinachu kanqa.

Oseas 2:3

3 (5) Manachus saqenqa chayqa, imaynatachus paqarerqa, ajina q'alallata saqesaj. Ch'in ch'aki jallp'a jinaman tukuchisaj, yaku ch'akiywantaj wañuchisaj.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Malaquías 3:14

Kay jinata ninkichej: Diospa munayninta junt'ayqa yanqhalla. Imatataj tarinchej kamachisqanta kasuspari? Tukuy Atiyniyoj Tata Diospa ñawpaqenpi juchanchejmanta llakisqa purispapis, imatataj tarisunchejri?

San Lucas 15:22

Tatanrí uywaqenkunata kamachisqa: Usqhayllata aswan sumaj p'achata orqhomuspa, kay wawayta p'achallichiychej. Anillotapis makinman churaychej, mosoj juk'utatapis chakinman.

San Lucas 16:24

Chantá qhapaj runa qhaparerqa: Tata Abraham, khuyariway ari. Lazarota kacharimuway ruk'ana puntallantapis yakupi joq'ocharispa qalluyta thasnurinawanpaj, imaraykuchus kay nina lawraypi anchatapuni ñak'arishani, nispa.

Romanos 8:24

Chayta suyananchejpaj qhespichisqa karqanchej. Sichus imatachus suyashasqanchej tiyapuwasunmanña chayqa, imapajñataj suyasunmanri?

Deuteronomio 28:48

Chayrayku Tata Dios contraykipi kachaykamususqan awqaykej wata runan kanki. Jinallataj mikhunamanta, yakumanta, p'achamanta, chantá tukuy imamanta pisichikuyta rikuspa ñak'arinki. Tata Diosqa tukukunaykikama wata runata jina sinch'i ruwanaman churasonqa.

Deuteronomio 32:16

Waj dioskunata yupaychaspa, Diosta celosacherqanku. Millay ch'ichita ruwaspataj, phiñakuyninta k'ajaricherqanku.