Jeremías 2:23 - DIOSPA QHELQACHISQ

²³ Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Qheshwa Biblia DC

²³ Imaynatataj niyta atiwaj mana ch'ichichasqa kani, nitaj chay mana kaj dioskunata yupaychanichu, nispari? Qhawarikuy imaynataj vallepi puriyniyki karqari. Chayta allinta reparakuy tukuy qampa ruwasqasniykita. China camello jina usqhayta purej maymampis thaskirillan, ajinata.

DIOSPA QHELQACHISQAN DEUTEROCANONICAL

²³ Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 2:23 ပူးပေါင်းရင်းမြစ်များ

Ester (hebreo) 8:16

Judiokunapaj chay p'unchayqa jatun kusiy, jinataj jatunchasqa kananku p'unchay karqa.

Salmos 36:2

2 (3) Payqa sumaj runa kasqanta yuyakuspa, mana reparanchu millay ruwasqan chejnikuna kasqanta.

Salmos 50:21

Chayta qan ruwashajtiyki, noqa ch'inlla karqani. Ichapis chayrayku qan yuyarqanki noqa qan jina kasqayta. Kunanrí noqa uyanchasqayki, millayta ruwasqaykimantataj cuentata mañasqayki.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Proverbios 30:12

Wakinkuna llimphu kasqankuta yuyakunku, chaywanpis millayta ruwasqankumanta mana llimphuchakunkuchu.

Proverbios 30:20

Khuchichakoj warmeqa kay jinaman rijch'akun: Pichus suwasqa mikhunata mikhuytawan, siminta pichakuspa nin: Mana ima millaytapis ruwanichu, nispa, chayman.

Jeremías 14:10

Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Jeremías 16:10

Aylluyman kay imakuna jamunanta willajtiyki, paykuna tapusonqanku: Imaraykutaj Tata Dios kay jatun ñak'ariyta contraykupi jamunanta kamacherqari? Ima millaytataj ruwarqaykuri? Ima juchatataj Diosniykoj Tata Diospa contranpi ruwaykuman karqari? nispa.

Jeremías 2:36

Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

Jeremías 3:2

Q'ara orqokunata allinta qhawariy: Mana mayqen orqo kanchu mana khuchichakusqaykeqa. Ch'innejpi Arabiamanta runakuna jina chukuykuspa, qhariykita ñan patallapi suyaj kanki. Kay suyutataj khuchichakusqaykiwan, chantá millay ruwasqaykiwan ima qhenchacharqanki.

Jeremías 31:22

Mayk'ajkamataj mana kasukoj sipas jina kayman jaqayman purinkiri? Noqa Tata Diosrí, kay pachapi mana jayk'aj rikusqaykichejta ruwani: Warmeqa qharita muyupayanqa, nispa.

Jeremías 7:31

Ben Jinón Vallepi Tofetpa altarninta jataricherqanku, chaypi qhari wawankukunata, jinataj warmi wawankukunatapis q'olachinankupaj. Chaytaqa ni jayk'aj paykunaman kamacherqanichu, nitaj yuyallarqanipischu.

Jeremías 9:14

14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

San Lucas 10:29

Chay runatajrí ruwasqan allillan kasqanta rikuchiyta munaspa, kuticherqa: Chantá pitaj runa masiyri? nispa.

Romanos 3:19

Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj.