Jeremías 2:21 - DIOSPA QHELQACHISQ

²¹ Noqa qanta sumaj ajllasqa uvata jina mallkerqayki, chay mallkitaj sumajta poqoj uvamanta karqa. Kunantajrí imaynamanta mana allinta poqoj uva sach'aman tukorqankiri?

Qheshwa Biblia DC

²¹ Noqa qanta sumaj ajllasqa uvas sach'ata jina plantarqayki, chantapis sumaj ajllasqa mujuta jina. Kunantaj mana kaj sach'aman tukunki.

DIOSPA QHELQACHISQAN DEUTEROCANONICAL

²¹ Noqa qanta sumaj ajllasqa uvata jina mallkerqayki, chay mallkitaj sumajta poqoj uvamanta karqa. Kunantajrí imaynamanta mana allinta poqoj uva sach'aman tukorqankiri?

Jeremías 2:21 ပူးပေါင်းရင်းမြစ်များ

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Génesis 32:28

28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

Salmos 105:6

Abrahampa miraynin, Tata Diosmanta yuyarikuychej, jinallataj Jacobpa miraynin, pikunatachus Dios ajllakorqa, chaykuna.

Salmos 44:2

2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

Salmos 80:8

8 (9) Qanqa uva sach'ata jina Egiptomanta orqhomuwarqayku. Chantá qanta mana yupaychasojkunata wijch'uspa, chayman uvata mallkiykorqanki.

Salmos 80:9

9 (10) Uvata mallkinaykipaj jallp'ata picharqanki, chay uva sach'ataj saphichakuspa, tukuy suyuntinman junt'aykorqa.

Éxodo 15:17

Tata Diosníy, Qanpaj ajllakusqayki orqoman pusawasqayku, chaypitaj wiñaypaj tiyachiwasqayku. Qan kikiykimin chayta wakicherqanki. Qanmin wasiykita ruwarqanki.

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Isaías 27:2

Chaypacha Tata Dios nenqa: Sumaj misk'ita poqoj uva huertamanta takirikuychej.

Isaías 41:8

Chaywanpis Tata Dios nin: Qanrí Israel, kamachiy kanki, qantaj Jacob, ajllakusqay kanki. Kawsaqey Abrahampa mirayninmanta ajllakusqay kanki.

Isaías 5:4

Imatawantaj uva huertayta ruwayman karqari? Manachu tukuy ima ruwanayta junt'arqani? Noqataj misk'i uva poqonanta suyarqani. Imajtintaj k'allku uvallata poqonri?

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Jeremías 11:16

Ñawpajpi Tata Dios sutichasqa: Jatun olivo sumajta poqorej sach'a, nispa. Jinapis illapaj sinch'i t'ojyasqanwan laqhenkunata ruphachenqa, thansantataj k'ajllanqa.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 5:10

Awqanku uva huertaman yaykuykuspa, t'ustichunku. Jinapis ama tukuynintachu q'arachunku. Yuranta k'ajllarachunku, imaraykuchus chay uva yurakuna mana Tata Diospatachu.

Lamentaciones 4:1

Qoreqa mayta yanayaykorqa. Qorej lliphipiyninpis manaña k'ancharinchu. Temploj perqankunamanta rumikunapis kaynejpi jaqaynejpi wijch'urasqa kashan.

Ezequiel 15:2

Runaj churin, uva sach'aj k'aspin imapitaj aswan allin kanman waj sach'akunaj k'aspinmanta nisqari?

San Mateo 21:33

Uyariwaychej, uj rijch'anachinatawan nisqaykichej: Uj patrón jallp'anpi uvakunata mallkisqa, chay huertatataj perqawan muyuykuchisqa. Chaymanta chajra chawpipi uva ch'irwanata ruwachisqa, qhawana torretapis sayachisqa. Chantá huertanta llank'ajkunaman partidopi qospa, karuman ripusqa.

Marcos 12:1

Chay qhepata Jesús rijch'anachinanejta runakunaman yachachiyta qallarerqa: Uj runa jallp'anpi uvata mallkiykusqa, chaytataj perqawan muyuykuchisqa. T'oqota allaspataj, uva ch'irwanata ruwasqa, qhawananpajtaj uj torreta sayarichisqa. Chantá uva huertanta partidopi qospa, karuman ripusqa.

San Lucas 20:9

Chantá Jesús runakunaman parlaspa, kay rijch'anachinata willarqa: Uj kuti, uj runa jallp'anpi uvata mallkisqa. Chantá llank'ajkunaman partidopi qospa, unaypaj karuman ripusqa.

San Juan 15:1

Jesús yachachisqankunata nillarqapuni: Noqaqa sumaj uva sach'a jina kani, Tataytaj uva huertata qhawaj jina.

Deuteronomio 32:32

Paykunaqa Sodoma, chantá Gomorra llajtayojkuna jina kanku. Mana allin uva chhullchu jina, venenoyoj poqoj yura jina kanku.

Deuteronomio 4:37

Payqa ñawpa tataykichejkunata munakusqanrayku, mirayninkuta ajllakorqa. Paymin jatun atiyninwan Egiptomanta orqhomusorqachej.

Josué 24:31

Josué kawsashajtin, israelitakunaqa Diosllata kasuspa purerqanku. Chantá Josué wañupusqanmanta qhepamanpis kurajkuna kawsanankukama Tata Diosllata kasuspa purillarqankutaj. Chay kurajkunaqa israelitakunapaj Tata Dios imatachus ruwapusqanta allinta yacharqanku.