Jeremías 2:20 - DIOSPA QHELQACHISQ

²⁰ Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Qheshwa Biblia DC

²⁰ Unaymantaña qanqa contraypi oqharikorqanki, mana kasuwarqankichu, nerqankitaj: Mana uyariyta munanichu, nispa. Tukuy orqo puntasnimpi, thansa sach'asnimpa llanthusnimpi ima qhenchachakorqanki.

DIOSPA QHELQACHISQAN DEUTEROCANONICAL

²⁰ Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 2:20 ပူးပေါင်းရင်းမြစ်များ

1 Reyes 12:32

Chantá Jeroboanqa pusaj kaj killapi, chunka phishqayoj p'unchay kajpi kamacherqa Betelpi uj raymita ruwanankuta, imaynatachus jatun raymita Judapi ruwaj kanku, ajinata. Jinataj altar patapi waka uña lanti ruwasqaman uywa ñak'asqata jaywarqa. Kamachillarqataj loma patapi yupaychana wasikunata ruwachisqanpaj sacerdote kanankuta.

1 Reyes 14:23

Paykunaqa loma patapi altarkunata ruwarqanku. Chantá Asera lantikunata tukuynej orqo patapi, jatuchaj thansa sach'a urapipis sayachillarqankupuni.

Salmos 107:14

Chay ukhu laqhamanta paykunata orqhorqa, cadenawan watasqa kasqankuta p'itispataj, paykunata kacharicherqa.

Salmos 2:3

Paykuna qhaparispa, ninku: Watawasqanchej cadenata p'itirana, Diospa wata runan kasqanchejmantataj kacharichikuna, nispa.

Salmos 78:58

Paykuna loma patapi lantikunata yupaychanapaj altarkunata ruwaspa, chantá lantikunata yupaychaspa ima, Diosta phiñacherqanku.

Éxodo 19:8

Chayta uyarispataj, tukuynin israelitakuna uj kunkalla nerqanku: Tata Diospa tukuy nisqanta kasusqayku, nispa. Moisestaj orqoman kutispa, israelitakuna imatachus nisqankuta Tata Diosman willamorqa.

Éxodo 24:3

Moisés chaymanta kutirispa, payman Tata Dios imatachus parlasqanta, kamachisqantataj runakunaman willarqa. Paykunataj uj similla kuticherqanku: Noqaykoqa Tata Diospa tukuy kamachisqanta ruwasqayku, nispa.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Isaías 10:27

Chaypacha wasaykiman llasa q'epi churasusqankuta qhechusaj, jinallataj yugota churasusqankutapis p'akisaj, nispa.

Isaías 14:25

Asiriokunataqa suyuypi chinkachisaj, orqoypitaj paykunata sarurasaj. Aylluyta kacharichisaj paykuna yugota churasqankumanta, aylluypa wasankumantataj paykunaj churasqanku q'epita phaskarasaj.

Isaías 9:4

4 (3) Qanqa paykunata yugoman watasqa jina ñak'ariymanta kacharichinki. Jinallataj llasa q'epita wasankumanta q'epirachinki, chantá sinch'i llakiypi jarap'asqa kasqankumanta ima. Jinataj kamachinanku varatapis p'akillankitaj, imaynatachus Madianwan ruwarqanki, ajinata.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 17:2

Wawaykikunaqa altarninkumanta yuyarikunku, Asera lantita yupaychana k'ullumanta ima. Chaykunaqa thansarara sach'akunaj qayllanpi kashanku, chay orqokunaj patanpi ima.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 30:8

Noqa Tukuy Atiyniyoj Tata Dios nini: Wata runa kawsaymanta aylluyta kacharichisaj, watanankukunata p'itirasaj, amaña ujtawan waj llajtayojkunaj wata runanku kanankupaj.

Jeremías 5:5

Chayrayku noqa kurajninkukunaman risaj, paykunamantaj parlamusaj, imaraykuchus paykuna imachus Tata Diospa munaynin kasqanta yachankupuni. Diospa kamachisqantapis rejsillankutaj, nispa. Chaywanpis, paykunapis ujllata Diospa contranpi oqharikusqanku, manataj kamachisqanta kasuyta munasqankuchu.

Ezequiel 16:28

Chaywan mana sajsakuspataj, qanqa asiriokunawanñataj khuchichakorqanki. Chaywanpis nillataj paykunawan sajsakorqankichu.

Ezequiel 16:31

Ñan qallariypi lantikunapaj yupaychana cheqata ruwarqanki, tukuy plazakunapitaj altarkunata ruwakorqanki. Chaywanpis qanqa mana phisu warmi jinachu ruwarqanki, imaraykuchus mana pimantapis pagachikorqankichu.

Ezequiel 16:41

Wasiykitapis ninawan ruphaykuchenqanku. Ashkha warmej rikunankutataj jasut'isonqanku. Ajinata khuchichakuypi purinaykita tukuchisaj, manañataj ujtawanpis tiyapususqanta qanwan khuchichakojkunaman jaywankichu.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 23:5

Aholaqa noqawan kashaspa, wasanchawarqa, maytapunitaj qayllanpi tiyakoj asiriokunaman wayllukorqa.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Oseas 3:3

Paytataj nerqani: Unaypaj noqaypata kanki. Chantá chaykama ama khuchichakuyñachu, nitaj pi qhariwanpis puñuykuyñachu. Noqapis qanwan manallataj puñusajchu, nispa.

Oseas 4:13

Jatun orqokunapi, lomakunapipis inciensota q'oshñichinku, uywa ñak'asqatataj jaywanku. Kikillantataj ruwanku roble sach'a urapi, álamo sach'a urapi, encina sach'a urapipis. Chayrayku ususinkukuna phisu warmiman tukunku, ñojch'ankukunapis waj qharikunawan khuchichakunku.

Oseas 9:1

Ama kusikuychu, Israel, nillataj kusikuywan phinkiriychu waj suyu jinaqa. Qanqa, grano trillana erapi Diosta wasanchaspa, waynaykikunawan khuchichakunki. Khuchichakusqaykimantataj pagota jap'iyta misk'irichikunki.

Levítico 26:13

Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Nahúm 1:13

Manachayqa, pataykipi kashan, chay yugota t'unasaj, cadenaykitapis p'itirasaj, nispa.

Deuteronomio 12:2

Chay jallp'aman yaykuspaqa, chaypi llajtayojkunaj lantinkuta, chantá yupaychananku cheqakunata phirinkichej. Jinallataj jatuchaj orqokunapi, lomakunapi, chantá thansarara sach'a urapi kajkunata ima phirillankichejtaj.

Deuteronomio 15:15

Ama qonqankichu Egiptopi qanpis wata runallataj kasqaykita, chaymantataj Tata Diosniyki preciota pagaspa kacharichisusqanta. Chayrayku kunan kay kamachisqakunata qoshayki.

Deuteronomio 26:17

Israelitakuna kunan p'unchay Tata Diosqa Diosniyki kasqanta sut'inchankichej. Jinallataj nisqanta kasuspa purinaykichejta, kamachisqankunata, yuyaychayninkunata, chantá nisqanta ima junt'anaykichejta nillankichejtaj.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Deuteronomio 5:27

Chayrayku aswan walej kanman qanlla Tata Diosninchejman qayllaspa, imatachus nisusqanta uyarinayki. Chantá imatachus nisusqanta willawayku, noqaykutaj niwasqaykuman jina junt'asqayku, nispa.

Josué 1:16

Chantá paykuna Josueman kuticherqanku: Tukuy nisqaykita ruwasqayku, risqaykutaj, maymanchá kachawasqayku, chayman.

Josué 24:24

Israelitakunataj Josueta nerqanku: Noqaykoqa Tata Diosnillaykuta kasuspa purisqayku, imatachus niwasqaykutataj junt'asqayku, nispa.

Josué 24:26

Imatachus parlasqankutataj Josueqa Tata Diospa qhelqanman qhelqarqa. Chaymantataj uj jatun rumita oqharispa, Dioswan Tinkukuna Toldoj qayllanpi encina sach'a uraman sayacherqa.

Apocalipsis 17:1

Chay qhepata, qanchis angelkunamanta, pikunachus chay qanchis vasokunata jap'isharqanku, chaykunamanta ujnin kaj jamuspa, niwarqa: Kayman chimpamuy, chay phisu warmi imaynatachus juchachasqa kananta rikunaykipaj, pichus ashkha yaku patapi tiyasqa kashan, chayta.

Jueces 10:6

Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

Jueces 2:11

Chaymantataj israelitakunaqa Tata Diospa mana munasqan millaykunata ruwarqanku. Baalman rijch'akoj tukuy imaymana lantikunata yupaychayta qallarerqanku.

Jueces 2:13

Tata Diosmanta karunchakorqanku Baalpa lantinkunata, Astarotpa lantinkunata ima yupaychaspa.

1 Samuel 12:10

Chaypacha paykunaqa Tata Diosman qhaparikorqanku: Juchalliyku, imajtinchus qanta saqerparispa, Baal lantikunata, Astarot lantikunatawan yupaycharqayku. Awqaykukunaj makinkumanta kacharichiwayku, noqaykutaj qanllata yupaychasqayku, nispa.