Jeremías 2:19 - DIOSPA QHELQACHISQ

¹⁹ Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Qheshwa Biblia DC

¹⁹ Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

DIOSPA QHELQACHISQAN DEUTEROCANONICAL

¹⁹ Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 2:19 ပူးပေါင်းရင်းမြစ်များ

1 Reyes 18:18

Eliastajrí kuticherqa: Mana noqachu Israel suyuta sinch'i llakiyman churani. Aswanpis qanwan, tataykej ayllunwan Tata Diospa kamachisqanta saqerpayankichej, Baal nisqa lantita yupaychaspataj, Israel suyuta sinch'i llakiyman churankichej.

2 Crónicas 12:5

Kuraj kamachej Sisac maqanakoj jamusqanrayku, Roboanwan, Judá suyupi kurajkunawan ima Jerusalenpi tantasqa kasharqanku. Chantá Diosmanta sut'inchaj Semaiasqa paykunata nerqa: Tata Diosqa nisunkichej: Qankuna noqata saqerpariwasqaykichejmanta Sisacwan jap'ichisqaykichej, nispa.

2 Crónicas 21:10

Chaywanpis edomitakunaqa Judáj atiyninmanta kacharichikorqanku. Chay tiempollapitaj Libna llajtapis Judáj atiyninmanta kacharichikullarqataj, imaraykuchus Joranqa ñawpa tatanpa Tata Diosninta mana qhatikorqachu.

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

Salmos 36:1

1 (2) Millayta ruwanaqa Diosman mana kutirikojpa sonqonman chhichiykun. Payqa mana jayk'ajpis yuyanchu Diosta manchay jatun respetowan qhawana kasqanta.

Éxodo 33:6

Chayrayku israelitakunaqa Horeb orqopi tukuyninku jaluchunkukunata orqhokorqanku, chaymantapachataj manaña churakorqankuchu.

Proverbios 1:31

Mana kasukusqaykichejrayku ñak'arinkichej. Mana allin ruwayta yuyasqaykichejwantaj amichikunkichej.

Proverbios 1:32

Mana yachayniyojkunataqa pantasqallankutaj wañuchenqa. Wampu runataqa mana allinta qhawakuspa, purisqallantaj chinkachenqa.

Proverbios 5:22

Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Isaías 3:9

Paykunaj uyallankutaj imaynachus kasqankuta willashan. Sodomamanta runakuna jina, mana manchachikuspa tukuypa rikunanta juchallinku. Imachus paykunamanta kanqapis, paykunallataj jasut'ita mask'akunku.

Isaías 5:5

Kunanqa uva huertaywan imatachus ruwanayta nisqaykichej: Perqanta thuñisaj, jinamantataj huertay chinkanqa. Tukuy sarunankupajtaj perqanta urmarachisaj.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 4:18

Millayta purisqaykirayku, ruwasqaykiraykutaj, kay jina llakiyta ñak'arinayki qhatirisunki. Juchallisqaykiraykutaj kay jatun llakiykuna jamun, chaytaj sonqoykita mayta nanachisunki, nispa.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Jeremías 5:24

Mana unancharerqankichejchu, nitaj nerqankichejchu: Diosninchej Tata Diosta kasunachej. Payqa maychus tiemponpi paratapis apachimuwanchej, ñawpaj parata, qhepa paratapis, poqoyta oqharinapajtaj tiempota wakichipuwanchej, nispa.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 7:19

Ajinata ruwaspa, noqatachu phiñachiwanku? Mana, astawanqa paykunalla p'enqaypi rikhurinankupaj ruwanku. Ajinata Tata Dios nin.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Ezequiel 23:30

Chayta qanwan ruwanqanku, chay suyukunawan khuchichakusqaykirayku, lantinkukunata yupaychaspa ch'ichichakusqaykiraykutaj.

Ezequiel 39:24

Millay kawsasqankuman jina, contraypi oqharikusqankuman jinataj noqa paykunata ajinata ruwarqani, manataj qhawariyllatapis munarqanichu.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Oseas 13:9

Israel, qanta phirisqayki, imaraykuchus yanapasojniykej contranpi kanki.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 4:16

Israelqa chukara wakilla jina mana kasukunchu. Ajina israelitakuna kashajtinku, imaynatataj Tata Dios ovejata jina paykunata sumaj qhallallaj pastopi michinmanri?

Oseas 5:5

Chaywanpis Israelpa runaykachasqanqa paypa contrallanpitaj rimarenqa, Efraintaj juchallanpi misk'akonqa. Judapis paykunawan khuska misk'allanqataj.

Oseas 7:2

Paykuna mana reparankuchu tukuy sajra ruwasqankuta mana qonqasqayta. Millayta ruwasqankoqa paykunata muyuykun, chay tukuytataj noqa rikushallanipuni.

Oseas 9:1

Ama kusikuychu, Israel, nillataj kusikuywan phinkiriychu waj suyu jinaqa. Qanqa, grano trillana erapi Diosta wasanchaspa, waynaykikunawan khuchichakunki. Khuchichakusqaykimantataj pagota jap'iyta misk'irichikunki.

Amós 8:10

Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

Miqueas 1:5

Chay ajina kanqa, Jacobpa ayllun mana kasukusqanrayku, Israel suyu juchallikusqanrayku ima. Jacob imata ruwaspa juchallinri? Imatachus ruwasqanqa Samaria llajtapi kashan. Maypitaj Judá suyoj lanti yupaychanan kashanri? Chayqa Jerusalén llajtapi kashan.

Zacarías 7:11

Ñawpa tataykichejkunatajrí mana kasuta ruwawarqankuchu. Tukuyninku wasanchawarqanku, mana uyarejtaj tukorqanku.

Romanos 3:18

Diostapis manallataj may respetowan qhawankuchu, nispa.

Jueces 10:13

Chaywanpis qankunaqa ujtawan noqamanta karunchakorqankichej, waj dioskunata yupaychamuspa. Chayrayku noqaqa manaña ujtawan kacharichisqaykichejñachu.