Jeremías 2:18 - DIOSPA QHELQACHISQ

¹⁸ Kunanrí, Egiptoman rispa, Nilo mayumanta yakuta ujyamusqaykiwan imatataj tarinkiri? Asiriaman rispa, Éufrates mayumanta yakuta ujyaspapis, imatataj tarillankitajri?

Qheshwa Biblia DC

¹⁸ Kunanrí, Egiptoman rispa Nilo mayumanta yakuta ujyamusqaykiwan imatataj tarinkiri? Asiriaman rispa, Eufratesmanta yakuta ujyaspapis imatataj tarikamunkiri?

DIOSPA QHELQACHISQAN DEUTEROCANONICAL

¹⁸ Kunanrí, Egiptoman rispa, Nilo mayumanta yakuta ujyamusqaykiwan imatataj tarinkiri? Asiriaman rispa, Éufrates mayumanta yakuta ujyaspapis, imatataj tarillankitajri?

Jeremías 2:18 ပူးပေါင်းရင်းမြစ်များ

2 Crónicas 28:16

Chaypacha Ajazqa Asiria suyuta kuraj kamachejman runakunata kacharqa yanapananta mañakuspa,

Isaías 23:3

Mama qochanejta paykuna Sijormanta granota apamoj kanku, jinallataj chajra poqoytapis Nilo mayu kantupi jallp'akunamanta. Chaywantaj Tiromanta runakuna qhapajyaj kanku, chaypitaj tukuy suyu qhatoj kanku.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 7:20

Chaypacha Tukuyta Kamachej Dios Éufrates mayu chimpamanta Asiriaj kuraj kamachejninwan mañarisqa cuchillowan jina Israelta raphanqa tukuy jallp'anta, tukuy poqoyninta, chantá tukuy runankunata ima.

Jeremías 2:36

Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

Jeremías 31:22

Mayk'ajkamataj mana kasukoj sipas jina kayman jaqayman purinkiri? Noqa Tata Diosrí, kay pachapi mana jayk'aj rikusqaykichejta ruwani: Warmeqa qharita muyupayanqa, nispa.

Lamentaciones 4:17

Yanapanawaykuta suyaspa qhawasqaykupi ñawiykupis chharpuyawaykuña. Chaywanpis suyashayku mana pitapis kacharichiyta atej suyu yanapanawaykuta.

Lamentaciones 5:6

Mikhunata mask'aspa Egipto llajtayojkunaman, asiriokunaman ima k'umuykorqayku.

Ezequiel 16:28

Chaywan mana sajsakuspataj, qanqa asiriokunawanñataj khuchichakorqanki. Chaywanpis nillataj paykunawan sajsakorqankichu.

Ezequiel 17:15

Chaywanpis pichus israelitakunaj kuraj kamachejninkoj ayllunmanta churasqa karqa kamachinanpaj, chay runaqa Babiloniamanta kuraj kamachejpa contranta oqharikuspa, Egiptoman runankunata kacharqa ashkha caballokunata, ashkha soldadokunatawan apachimunanta mañaspa. Yuyankichejchu ajinata ruwaspa allin rinanta chayrí llusp'inantari? Pichus tratota p'akejqa ayqeyta atinmanchuri?

Ezequiel 23:30

Chayta qanwan ruwanqanku, chay suyukunawan khuchichakusqaykirayku, lantinkukunata yupaychaspa ch'ichichakusqaykiraykutaj.

Oseas 5:13

Efrainqa onqosqa kasqanta rikukonqa, Judapis ukhun nanachisqa kasqanta reparakonqa. Chantá Efrainqa Asiriaman renqa kuraj kamachej yanaparinanta mañakoj. Asiriaj kuraj kamachejninrí mana thañichiyta atenqachu, nitaj nanasqantapis jampiykonqachu.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Josué 13:3

Sijor wayq'omantapacha, Egiptomanta inti llojsimuyninnejpi, Ecronwan mojonkama. Chayqa cananeokunaj jallp'anku kashan. Cananeokunaj jap'iyninpi phishqa kuraj kamachejkuna kanku, paykunaqa Gazapi, Asdodpi, Ascalonpi, Gatpi, Ecronpi ima tiyakunku. Jinallataj aveokunaj jallp'anku jap'inaraj kashallantaj.