Jeremías 2:17 - DIOSPA QHELQACHISQ

¹⁷ Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Qheshwa Biblia DC

¹⁷ Chay tukuy imas qanta qhatirisorqa, noqa Señor Diosniykita saqerpariwasqaykirayku.

DIOSPA QHELQACHISQAN DEUTEROCANONICAL

¹⁷ Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:17 ပူးပေါင်းရင်းမြစ်များ

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

Job 34:27

paykuna nisqanta mana kasusqankurayku, nitaj munayninman jina puriyta munasqankurayku.

Job 4:8

Noqaqa kayta rikuspa parlani: Pikunachus millay ruwanata tarpojkunaqa chayllatataj oqharinku.

Salmos 107:7

Tata Diosqa paykunata cheqan ñanta pusarqa, tiyakunapaj jina llajtaman chayanankukama.

Salmos 136:16

Ch'innejta ayllunta pusajman pachis nillaychejtaj, imaraykuchus munakuynenqa wiñay wiñaypajmin.

Salmos 77:20

20 (21) Chantá Moisesnejta, Aaronnejta ima aylluykita oveja tropata jina pusarqanki.

Proverbios 15:10

Mana allinta purejpajqa sinch'i jasut'i tiyan, k'amisqata mana uyarejtaj wañonqa.

Isaías 1:4

Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 4:18

Millayta purisqaykirayku, ruwasqaykiraykutaj, kay jina llakiyta ñak'arinayki qhatirisunki. Juchallisqaykiraykutaj kay jatun llakiykuna jamun, chaytaj sonqoykita mayta nanachisunki, nispa.

Jeremías 44:3

Chay karqa paykuna mana allinta ruwasqankurayku. Paykunaqa waj dioskunata yupaychaspa, inciensota q'oshñichispa ima phiñachiwarqanku, mayqenkunatachus mana ñawpa tataykichejkuna nitaj qankunapis rejserqankichejchu, chay lantikunaman.

Jeremías 5:25

Qankunaj mana allinta ruwasqaykichejrayku imapis manaña kasqan jinañachu. Juchallisqaykichejraykutaj allin imakunata jap'ispapis, mana kusikuyta atinkichejchu.

Ezequiel 39:24

Millay kawsasqankuman jina, contraypi oqharikusqankuman jinataj noqa paykunata ajinata ruwarqani, manataj qhawariyllatapis munarqanichu.

Oseas 13:9

Israel, qanta phirisqayki, imaraykuchus yanapasojniykej contranpi kanki.

Miqueas 1:5

Chay ajina kanqa, Jacobpa ayllun mana kasukusqanrayku, Israel suyu juchallikusqanrayku ima. Jacob imata ruwaspa juchallinri? Imatachus ruwasqanqa Samaria llajtapi kashan. Maypitaj Judá suyoj lanti yupaychanan kashanri? Chayqa Jerusalén llajtapi kashan.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Deuteronomio 32:10

Paykunata ch'innejpi tarerqa, wayraj wajtasqan ch'aki jallp'api. Chantá marq'ariykukuspa, paykunata yachacherqa. Paykunata ñawi papanta jina waqaycharqa.

Deuteronomio 32:19

Chayta rikuspa, Tata Diosqa mayta phiñarikorqa. Chantá qhari wawankunata, warmi wawankunata ima qhesacharqa.