Jeremías 2:16 - DIOSPA QHELQACHISQ

¹⁶ Israel, Menfismanta, jinataj Tafnesmanta Egipto llajtayoj soldadokuna umaykita t'ojlurparisorqanku.

Qheshwa Biblia DC

¹⁶ Menfismanta, jinataj Tafnesmanta runaspis umaykita t'ojlurpasorqanku.

DIOSPA QHELQACHISQAN DEUTEROCANONICAL

¹⁶ Israel, Menfismanta, jinataj Tafnesmanta Egipto llajtayoj soldadokuna umaykita t'ojlurparisorqanku.

Jeremías 2:16 ပူးပေါင်းရင်းမြစ်များ

2 Reyes 18:21

Qanqa Egipto yanapananpi atinikushanki. Egiptorí p'akisqa soqoso jina, pichus chaypi atikojtaqa makinta t'ojsispa pasarparenqa. Egipto suyuta kuraj kamachej faraonqa ajinamin paymanta jap'ikojkunapajqa.

2 Reyes 23:33

Chantá faraón Necao Jamat jap'iypi, Ribla llajtapi Joacazta presocharqa, amaña Jerusalenpi kamachinanpaj. Faraón Necao kamachillarqataj Judá suyumanta kajkuna impuestota payman paganankuta, 3.300 kilo qolqe metalta, kinsa chunka kinsayoj kilo qorita ima.

Isaías 19:13

Soanpi kamachejkunaqa wampukuna kanku, Menfispi kamachejkunataj ch'awkiyachikunku. Jap'iykunata kamachejkunapis Egiptota pantayman pusanku.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Isaías 8:8

Chayqa Judá suyuman junt'aykonqa, kunkankamataj chayanqa. Emanuel, tukuynin suyuyki ankaj lijranwan jina qhataykusqa kanqa.

Jeremías 44:1

Tata Diosqa Jeremiasman kayta willarqa Egipto suyupi tiyakoj judío runakunaman sut'inchananpaj. Paykuna tiyakusharqanku Migdolpi, Tafnespi, Menfispi, Patros llajtapi ima:

Jeremías 46:14

Egipto suyupi Migdol llajtapi, Menfis llajtapipis, chantá Tafnes llajtapipis kayta willaychej: Soldadokuna, maqanakupaj wakichikuychej, imaraykuchus espadaqa muyuyniykichejpi t'ustita ruwanqa.

Jeremías 46:19

Wakichikuychej, Egiptopi tukuy tiyakojkuna, suyuykichejmanta apasqa kanaykichejpaj. Menfis llajtaqa ch'inman tukuchisqa kanqa ni pi tiyakunanpaj jina. Raqayllamanña tukuchisqa kanqa.

Jeremías 48:45

Kallpanku llawch'iyasqa ayqekojkunaqa Jesbón llajtapi pakakuyta mask'anqanku. Jinallapi Jesbonmanta kuraj kamachej Sijonpa llajtanmanta nina llojsimonqa. Chayqa Moabmanta ayqejkunata ruphaykonqa, chay ch'ajwa mask'aj runakunata.

Ezequiel 30:13

Tukuyta Kamachej Tata Dios kay jinata nillantaj: Menfis llajtaj tukuy diosninkuta t'unaykusaj. Egiptopi manaña kuraj kamachej kanqachu. Tukuy suyupitaj manchachikuy junt'a kanqa.

Ezequiel 30:16

Egipto suyuta ninawan jap'iykuchisaj. Sin llajtataj sinch'i nanaywan q'ewiykachakonqa. Tebas llajtapis thuñisqa kanqa, Menfis llajtapajtaj llakiy mana tukukuyniyoj kanqa.

Oseas 9:6

Tukuchisqa kanaykichejmanta ayqejtiykichejpis, Egiptomanta runakuna jap'isonqachej, Menfis llajtapitaj ayaykichej p'ampasqa kanqa. Qolqe jallch'anaykichejman ithapallulla junt'aykonqa, jaraykichejpipis khishkalla wiñaykaponqa.

Deuteronomio 33:20

Jinallataj Moisesqa Gad jatun ayllumanta parlaspa, nillarqataj: Jatun jallp'ata qosoj Diosqa jatunchasqa kachun. Gadqa león jina wateqaspa winkurin, runaj makinta, umantawan ima sik'inanpaj.