Jeremías 2:15 - DIOSPA QHELQACHISQ

¹⁵ Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Qheshwa Biblia DC

¹⁵ Imaraykutaj leones jina sinch'ita qhaparispa Israelman phinkiykunkuri? Jallp'ankuta ch'impachata saqerparinku, llajtasninkutapis q'olasqasta mana runayojta saqerparinku.

DIOSPA QHELQACHISQAN DEUTEROCANONICAL

¹⁵ Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Jeremías 2:15 ပူးပေါင်းရင်းမြစ်များ

Job 4:10

León jina may jinata qhaparishajtinkupis, Diosqa kirunkuta p'akiykuspa, ch'inyachenqa.

Salmos 57:4

4 (5) Runa mikhu leonkuna muyuykuwanku. Kirunkoqa lanza jina, flecha jinataj, qallunkutaj filochasqa espada jina.

Isaías 1:7

Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Isaías 24:1

Tata Dios kay pachata ch'usajllata, q'arallatataj saqenqa. Jallp'a patata t'ustirparenqa, chaypi tiyakojkunatataj ch'eqerachenqa.

Isaías 5:29

Paykunaqa león jina qhaparinku, imaynatachus malta león aychaman ch'ipaykukuspa qhaparin, ajinata. Chay aychata apashajtinpis, ni pi qhechuyta atinchu.

Isaías 5:9

Tukuy Atiyniyoj Tata Dios tiluspa nin: Ashkha wasi thuñisqa kanqanku, jatuchaj k'achitu wasikuna kajtinpis, manaña pipis chaypi tiyakonqachu.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Jeremías 10:22

Uyariychej, uj llakiy willay chayamun. Wichaynejmanta may chhika soldadokuna jamushanku, chaykunataj Judá suyupi llajtakunata raqayman tukuchenqanku. Chaypi k'ita alqokunallaña kawsanqanku, nispa.

Jeremías 25:30

Qantaj Jeremías, sutiypi kay tukuyta sut'inchaspa, paykunata niy: Tata Diosqa patamanta sinch'ita qhaparimonqa, janaj pachapi kamachinan tiyana kashan, chaymantapacha. Ayllunpa contranta ima qhaparimonqa, imaynatachus uvata ch'irwajkuna qhaparimunku, ajinata.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 26:9

Imaraykutaj Tata Diospa sutinpi parlaj churakuspa, nerqanki kay Templo Silopi yupaychana wasi jina thuñisqa kananta, kay llajtapis ch'inyachisqa kananta, mana runayojtaj qhepakunantari? nispa. Chantá tukuy runakuna Diospa Templonpa ñawpaqenpi Jeremiaspa contranta tantaykukorqanku.

Jeremías 33:10

Tata Dios nillantaj: Qankuna ninkichej: Kay cheqaqa ch'in mana runayoj nitaj uywayoj kashan, nispa. Chaywanpis Jerusalenpa callenkunapi, jinataj Judáj llajtankunapipis, mayqenchus kunan ch'usajpacha kashanku, mana runayoj, nitaj uywayoj, chaypi kusiy takiykuna watej uyarikullanqataj

Jeremías 34:22

Chaywanpis noqa kutirimunankuta kamachisaj. Paykunataj kutimuspa, kay llajtaj contranta maqanakonqanku jap'inankukama. Chantá ninata jap'iykuchispa, Judamanta qhepakoj llajtakunatapis raqayllataña saqenqanku, ni uj runayojta. Noqa Tata Diosmin chayta nini.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 51:38

Babilonia llajtayojkuna león jina qhaparenqanku, uña leonkuna jinataj phiñarikonqanku.

Jeremías 6:8

Jerusalenpi tiyakojkuna, wanaychej. Pajtataj qanmanta karunchakuyman, jallp'aykitataj ch'inman tukuchiyman, mana pipis chaypi tiyakunanpaj jina, nispa.

Jeremías 9:10

10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Ezequiel 36:3

Chayrayku, runaj churin, sutiypi sut'inchaspa, niy: Israelpa orqonkuna, Tukuyta Kamachej Tata Dios kay jinata nisunkichej: Soldadokuna tukuynejmanta contraykichejta jamuspa, ch'inman tukuchisorqachej. Ajinamanta chay waj suyukuna dueñochakapusorqanku, runankunataj pisipaj qhawaspa, qankunamanta alqochakorqanku, nispa.

Ezequiel 5:14

Tata Dios nillarqataj: Jerusalén llajta, qanta ch'in pampaman tukuchisqayki. Muyuyniykipi kashanku, chay suyukunaj ñawpaqenkupi p'enqaypi rikhurichisqayki tukuy rikusunankupaj.

Oseas 11:10

Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.

Oseas 5:14

Imaynatachus león uywata jap'inanpaj phawaykun, ajinata noqapis Efrainta, Judatawan ruwasaj. Noqapuni chhikan chhikanta t'isarpariytawan, ripusaj. Noqa jap'ejtiytaj, mana pipis qhechuwayta atenqachu.

Amós 3:12

Tata Dios nillantaj: Imaynatachus oveja michejqa leonpa siminmanta qhechun iskay chakillataña, chayrí uj ninrej puntallantaña, ajinallatataj Samariapi tiyaj israelitakunamanta, Damascopi sumaj puñunapi sirejkunamanta ima pisilla qhepakonqanku, nispa.

Amós 3:4

Sichus león montepi qhaparin chayqa, jap'isqanmanta qhaparin. Sitajchus jusk'unpi uña león qhaparin chayqa, imatachá jap'isqanmanta qhaparin.

Amós 3:8

León qhaparejtin, pitaj mana kharkatitinmanchu? Tukuyta Kamachej Tata Dios parlajtin, pitaj Tata Diospa sutinpi mana sut'inchanmanchuri?

Nahúm 2:11

11 (12) Leonkunaj jusk'unkupi imañataj qhepakunri? Uña leonkunaj thapankupipis imallañataj qhepakunri? Chaypimin león uñankunantin pakakoj, manataj pipis paykunata mancharichejchu.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Sofonías 2:5

Ay, qankunamanta, Cretapi kajkuna, qocha kantupi tiyakojkuna. Tata Diosqa contraykichejpi ajinata nin: Canaán suyu, filisteokunaj jap'iynin, noqa chinkarparichisqaykichej, mana uj runayojta saqenaykama.

Sofonías 3:6

Tata Dios nin: Suyukunata phiriykuni. Jark'achasqa torrenkukuna pampachasqa kanku, callenkukunatataj ch'inpachata saqerparini. Chaypi mana uj runapis purinchu. Saqerasqa ch'usaj llajtankupi mana uj runallapis tiyakoj kanchu.

Zacarías 11:3

Michejkunapis qhaparispa waqashanku, imaraykuchus sumaj pastoqa chinkachisqaña. Leonpa qhaparisqanpis uyarikullantaj, imaraykuchus Jordán mayu kantupi ch'umipis chinkachisqaña kashan.

Jueces 14:5

Chantá Sansonqa, tatan maman ima Timnatman rerqanku. Ñapis Sansón uva huertaman chayashajtinña, uj maltun león qhaparispa payman phinkiykorqa.