Jeremías 19:8 - DIOSPA QHELQACHISQ

⁸ Kay llajtata ch'in raqayman tukuchisaj, tukuy t'ukunankupaj jina. Chantá tukuy chayninta purejkuna t'ukushaj qhepakonqanku, chay jina phirisqa kasqanta rikuspa.

Qheshwa Biblia DC

⁸ Kay llajtata uj ch'inman tukuchisaj, uj imamanta t'ukunapaj jinataj tukuynin phirisqa kasqanmanta.

DIOSPA QHELQACHISQAN DEUTEROCANONICAL

⁸ Kay llajtata ch'in raqayman tukuchisaj, tukuy t'ukunankupaj jina. Chantá tukuy chayninta purejkuna t'ukushaj qhepakonqanku, chay jina phirisqa kasqanta rikuspa.

Jeremías 19:8 ပူးပေါင်းရင်းမြစ်များ

1 Reyes 9:8

Kay Templota raqayllamanña tukusqata rikuspa, chayninta tukuy rejkuna t'ukuspa, asikonqanku: Imajtintaj Tata Diosqa kay Templota, Israel suyutapis kay jinata ruwanri? nispa.

Jeremías 18:16

Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 25:18

Chay vasota Jerusalén llajtaman jaywarqani, jinallataj Judá suyupi llajtakunaman, kuraj kamachejkunaman, jinataj kurajninkukunamanpis jaywallarqanitaj. Chay jinamanta Tata Dios paykunata kantumanta tukucherqa, wiñaypajtaj raqaykunallataña saqerqa mancharikunapaj, asikunapaj jina, imaynachus kunan kashanku, ajina.

Jeremías 49:13

Noqa Tata Dios sutiyrayku tiluni: Bosra llajtaqa thuñisqa, ch'inpacha qhepakonqa, k'umuykachachisqataj, maldicisqataj kanqa. Wajkuna chayta rikuspa, manchachikonqanku. Chay waj llajtankunataj wiñaypaj raqayllaña kanqanku, nispa.

Jeremías 50:13

Noqa phiñakusqayrayku Babilonia suyuta mana uj runayojta saqesaj, ch'in q'ara pampaman tukuchisqata. Tukuy chayninta pasajkunaqa t'ukuspa, alqochakonqanku, chay jina jasut'isqa kasqankuta rikuspa.

Ezequiel 27:36

Waj suyukunamanta ranqherokunapis rikususpa, asipayasonqanku. Cheqamanta mancharinapaj jinapuni kanki, manañataj ujtawan rikhurimuyniyojta chinkapunki, nispa.

Levítico 26:32

Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku.

Miqueas 6:16

Ajina kanqa, imaraykuchus Omrij ayllunpa jinallataj Ajabpa ayllunpa kamachisqankuta ruwarqanki. Imaynatachus paykuna purerqanku, qanpis ajinallataj purerqanki. Chayraykumin noqa qanta, qanwan tiyakojkunatawan ima runa alqochakunankupaj jina ruwasaj. Kay pachamanta tukuy runataj pisipaj qhawasonqanku, nispa.

Sofonías 2:15

Ajina kanqa jatunchakoj llajtapaj, pikunachus ni imamanta llakikuspa kawsakojkunapaj. Chaypi tiyakojkuna sonqonkupi nerqanku: Llajtanchej jina tukuy kay pachapi mana waj llajta kanchu, nispa. Kunantajrí ch'inpacha, k'ita animalkunaj puñunallanña kashan. Chayninta tukuy purejkunataj umankuta khiwirispa, asikunku.

Deuteronomio 28:37

Chantá maymanchá Tata Dios apachisonqa, chay suyupi tiyakojkuna t'ukuspa, qhawasonqanku. Qanmanta alqorakusonqanku, chantá qanta imachus qhatirisusqanqa asikunankupaj kanqa.

Deuteronomio 29:22

22 (20) Qhepanejman wawaykichejkuna, jinallataj waj llajtayojkuna ima Tata Dios kay jallp'aman imaymana ñak'ariykunata, onqoykunata ima apachimusqanta rikonqanku.