Jeremías 19:4 - DIOSPA QHELQACHISQ

⁴ Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Qheshwa Biblia DC

⁴ Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

DIOSPA QHELQACHISQAN DEUTEROCANONICAL

⁴ Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 19:4 ပူးပေါင်းရင်းမြစ်များ

2 Reyes 21:16

Chay jawa Manasesqa mana juchayojkunamanta ashkhata wañuchicherqa, Jerusalenpi yawar mayu purinankama. Chayqa wajlla karqa, Tata Diospa ñawpaqenpi Judá suyumanta kajkunata imata ruwaspachus juchallicherqa, chaymanta nisqaqa.

2 Reyes 23:10

Jinallatataj kuraj kamachej Josiasqa Ben Jinón vallepi jaywanata q'olachina cheqata millachikunaman tukuchillarqataj, amaña pipis qhari wawanta, chayrí warmi wawanta chaypi q'olachispa Moloc nisqaj lantinman jaywananpaj.

2 Reyes 24:4

Chayrayku Tata Diosqa Judá suyuta manapuni qhespichiyta munarqachu, Jerusalenpi ashkha mana juchayojkunata Manasés wañuchichisqanrayku.

Salmos 106:38

Mana juchayojkunata wañuchispa, Canaanmanta dioskunaman jaywarqanku. Chayrayku jallp'anku yawar jich'asqankuwan ch'ichichasqa karqa.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Isaías 65:11

Qankunarí, noqa Tata Diosta saqerpariwankichej, ajllakusqay orqomantataj qonqapunkichej. Chantá suerteta choqanaykichejpaj mesakunata churankichej, jinataj mana rejsisqa dios Gadman, Mení diosman ima vinowan ch'allankichej.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 11:13

Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 15:6

Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Jeremías 16:11

Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.

Jeremías 17:13

Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

Jeremías 17:20

Chantá runakunaman niy: Judamanta kuraj kamachejkuna, tukuy runakuna, jinallataj Jerusalenpi tiyakojkuna, pikunachus kay punkunejta yaykojkuna, Tata Diospa nisqanta uyariychej.

Jeremías 18:15

Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 2:34

P'achaykeqa wajchakunaj, jinataj mana juchayojkunaj yawarninkuwan ch'allpaykusqa rikhurin. Qan ni imapi juchallikushajtapis paykunata tariparqankichu.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Jeremías 22:3

Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Jeremías 26:15

Jinapis kayta allinta yachaychej: Sichus wañuchiwankichej chayqa, qankuna, chantá kay llajtapi tiyakojkuna ima juchachasqa kankichej mana juchayojta wañuchisqaykichejrayku. Noqata Tata Diospuni kay tukuy imamanta sut'ita willanasuykichejpaj kachamuwarqa, nispa.

Jeremías 26:23

Chaykunataj Uriasta Egiptopi jap'ispa, kuraj kamachej Joacinman apamusqanku. Paytaj kamachisqa Uriasta wañuchinankuta, ayantataj, maypichus wajcha runakunata p'ampaj kanku, chayman p'ampanankuta kamachillasqataj, nispa.

Jeremías 44:3

Chay karqa paykuna mana allinta ruwasqankurayku. Paykunaqa waj dioskunata yupaychaspa, inciensota q'oshñichispa ima phiñachiwarqanku, mayqenkunatachus mana ñawpa tataykichejkuna nitaj qankunapis rejserqankichejchu, chay lantikunaman.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 7:6

Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Lamentaciones 4:13

Chay jina jasut'i Diosmanta sut'inchajkuna juchallikusqankurayku karqa, sacerdotekuna millay juchata ruwasqankurayku ima. Paykunaqa chay llajtapi mana juchayoj runakunata wañucherqanku.

Ezequiel 20:26

Jinataj saqellarqani ch'ichichakunankuta kuraj kaj churinkukunata lantikunaman q'olachisqankunejta. Chayta ruwarqani paykuna sinch'i mancharisqa kanankupaj, noqalla Tata Dios kasqayta yachanankupajtaj.

Ezequiel 7:22

Noqa kay suyumanta wajnejman qhawaspa, saqesaj wajkuna noqapaj t'aqasqa cheqata ch'ichichanankuta. Ajinamanta millay suwa runakuna jamuspa, Temployta millachikunaman tukuchenqanku, nispa.

Ezequiel 8:11

Chay lantikunaj ñawpaqenkupitaj Israel ayllumanta qanchis chunka kurajkuna sayasharqanku. Safanpa churin Jazaniaspis paykunawan kasharqa. Chantá sapa ujninku incienso q'oshñichinayoj karqanku, incienso q'oshñitaj phuyu jina llojsisharqa.

Daniel (hebreo) 11:31

Chaypachaqa paypa soldadonkuna Diospa Templonta millachikunaman tukuchenqanku, jinallataj sumaj jark'achasqa wasikunatapis. Diosman sapa p'unchay q'olachispa jaywanatapis sayachenqanku, cuentanmantataj millachikunata jaywanqanku.

San Lucas 11:50

Chayrayku kunan p'unchay kawsaj runakuna juchachasqa kanqanku, kay pachaj qallariyninmantapacha Diosmanta tukuy sut'inchajkunatapis wañuchinkuman karqa jina.

Deuteronomio 13:13

13 (14) Diosta mana kasoj runakuna rikhurimuspa, chay llajtapi tiyakojkunata kay jinata nispa pantachishanku: Jaku, waj dioskunata yupaychamuna, qankuna mana rejserqankichejchu, chaykunata, nispa.

Deuteronomio 13:6

6 (7) Ichapis kikin wawqeyki, churiyki, ususiyki, munasqa warmiyki, chayrí aswan sumaj kawsaqeyki pakayllamanta nisunkiman: Jaku, waj dioskunata yupaychamunachej, mayqentachus ni qan, nitaj tatanchejkunapis rejserqankuchu, chaykunata.

Deuteronomio 28:20

Tata Diosqa tukuy ima ruwasqaykipi mana allinchu risunanta ruwanqa. Jinallataj sinch'i llakikuy qhatirisusqanrayku imatachus ruwanaykita mana yachashajta ruwasonqa. Ajinaqa manaraj imapi chay llakiykunawan tukuchisqa kanki, mana allinta ruwaspa purinaykipaj, Diosmanta karunchakusqaykirayku.

Deuteronomio 28:36

Tata Diosqa qanta, chantá kamachisunanpaj churakusqayki kuraj kamachejtawan ima, waj suyuman apachisonqachej. Chay suyutaqa ni qan, nitaj tataykikunapis rejserqankuchu. Chaypitaj k'ullumanta, chantá rumimanta ima ruwasqa waj dioskunata yupaychanki.

Deuteronomio 28:64

Chantá Tata Dios tukuynejman, kay pachaj k'uchunkama ch'eqerachisonqa. Chaypitaj qan, jinataj ñawpa tataykikunapis ni jayk'aj rejsisqaykichej wajkunaj diosninkuta yupaychanki. Chay dioskunaqa k'ullumanta, rumimanta ima ruwasqa kanku.

Apocalipsis 16:6

Kay pachapi tiyakojkunaqa ajllakusqaykikunata wañucherqanku, jinallataj qanmanta sut'inchajkunatapis. Chayrayku qanpis runakunata wañuchisqankoj yawarninkuta paykunaman ujyachillankitaj, imaraykuchus chaypaj jina kanku, nispa.

Jueces 5:8

Israelitakuna waj dioskunata ajllakojtinkoqa, llajta punkunejpi maqanakoqa kallarqapuni. Tawa chunka waranqa israelitakuna ukhupeqa mana karqachu ni uj jark'akuna escudo, nitaj uj t'ojsina lanzallapis.