Jeremías 19:13 - DIOSPA QHELQACHISQ

¹³ Jerusalenpi wasikunata, chantá Judapi kuraj kamachejkunaj wasinkuta ima Tofet jina ch'ichipaj qhawasqa kanqanku. Ajinata ruwasaj, imaraykuchus chay wasi patapi tukuy ch'askakunaman inciensota q'oshñicherqanku, jinallataj waj dioskunaj sutinpi vinota jich'aspa jaywarqanku, nispa.

Qheshwa Biblia DC

¹³ Jerusalempi, chantá Judapi reykunaspa wasisnin, chay wasi pataspi, maypichus inciensosta q'osñichej kanku tukuy qoyllurkunaman, chantá maypichus vinota waj dioskunaman jich'aj kanku chaykunapis, Tofetpi jina ch'ichipaj qhawasqas kanqanku.

DIOSPA QHELQACHISQAN DEUTEROCANONICAL

¹³ Jerusalenpi wasikunata, chantá Judapi kuraj kamachejkunaj wasinkuta ima Tofet jina ch'ichipaj qhawasqa kanqanku. Ajinata ruwasaj, imaraykuchus chay wasi patapi tukuy ch'askakunaman inciensota q'oshñicherqanku, jinallataj waj dioskunaj sutinpi vinota jich'aspa jaywarqanku, nispa.

Jeremías 19:13 ပူးပေါင်းရင်းမြစ်များ

2 Reyes 17:16

Tata Diosninkoj tukuy kamachisqanta mana kasuspa, qorita unuyacherqanku. Chantá waka uñaman rijch'akoj iskay lantikunata ruwakorqanku. Asera nisqa lantikunatapis ruwakullarqankutaj. Chay jawaqa Baalta, chantá janajpi tukuy ch'askakunatawan yupaychallarqankutaj.

2 Reyes 23:10

Jinallatataj kuraj kamachej Josiasqa Ben Jinón vallepi jaywanata q'olachina cheqata millachikunaman tukuchillarqataj, amaña pipis qhari wawanta, chayrí warmi wawanta chaypi q'olachispa Moloc nisqaj lantinman jaywananpaj.

2 Reyes 23:12

Jinallataj payqa Judá suyuta kuraj kamachejkuna Ajazpa wasin patapi ruwasqanku altarkunatapis phirillarqataj. Tata Diospa Templonpa iskaynin pationkunapi kuraj kamachej Manasés altarkunata ruwasqantapis ñut'uta kutarparichispa, Cedrón wayq'oman wijch'uchimorqa.

2 Reyes 23:14

Aseraj lantinkunatapis phirerqa, jinaspataj, chay lantikuna maypichus karqanku, chayman runa tulluta junt'aykucherqa.

Salmos 74:7

Paykuna Temploykita ninawan ruphaykucherqanku, tiyakunayki wasitataj manakajman tukucherqanku.

Salmos 79:1

(1b) Diosníy, waj suyukunamanta runakunaqa suyuykiman yaykuykamunku. Paykuna ajllakusqayki Temploykita manakajman tukuchinku, Jerusalentataj raqayllataña saqerqanku.

Isaías 22:1

Isaías mosqoypi jina rikuna vallej contranta kay jinata nerqa: Imataj tiyan wasi pataman tukuyniykichej wicharinaykichejpajri?

Jeremías 19:12

Ajinatamin kay llajtata, chaypi tiyakojkunatapis ruwasaj. Kay llajtata ruwasaj Tofet jina kananpaj. Ajinata noqa Tata Dios nini.

Jeremías 32:29

Caldeokuna kay llajtaman yaykuspa, ninawan jap'iykuchenqanku. Maypichus israelitakuna noqata mayta phiñachiwaspa, Baalman inciensota q'oshñichej kanku, jinataj mana rejsisqa dioskunaman vinota jaywaj kanku, chay wasikunatapis ruphaykuchillanqankutaj.

Jeremías 44:18

Chaywanpis maypachachus inciensota, vinota ima Janaj Pachaj Qoyanman jaywayta saqerqayku, chaymantapacha tukuy ima pisiwayku, wakintaj yarqhaywan, chayrí maqanakupi wañuranku, nispa.

Jeremías 52:13

Payqa Tata Diospa Templonta ruphaykucherqa. Jinallataj kuraj kamachejpa kamachinan wasita, chantá Jerusalén llajtapi tukuy wasikunata ruphaykuchillarqataj, astawanqa kurajkunaj wasinkukunata.

Jeremías 7:18

Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

Jeremías 8:2

Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Hechos 10:9

Q'ayantenqa chay kachakuna Jopeman qayllashajtinkuña, Pedroqa chawpi p'unchaynejta, wasi pataman wicharerqa, maypichus pampalla karqa chayman, Dioswan parlarikunanpaj.

Hechos 7:42

Chayrayku Dios paykunamanta t'aqakuspa, saqerqa patapi kaj ch'askakunata yupaychanankuta, imaynatachus sut'inchajkunaj qhelqasqankupi nin, ajina: Israelitakuna, tawa chunka watata ch'innejpi kashaspa, noqamanchu uywakunata ñak'aspa jaywawarqankichej?

Deuteronomio 4:19

Janajpi kaj intita, killata, ch'askakunata, imachus janajpi tiyan, chay tukuyta rikuspa, pajtataj chaykunaman qonqorikuspa, yupaychawajchej. Tata Diosniykichejqa tukuy chaykunata kay pachapi runakunapaj ruwarqa.