Jeremías 18:8 - DIOSPA QHELQACHISQ

⁸ Chantá sichus chay suyupi tiyakojkuna millay ruwasqankumanta t'aqakunku chayqa, jasut'inayta nerqani, chayta manaña junt'asajchu.

Qheshwa Biblia DC

⁸ Chay nación sajramanta t'aqakunman chaypachaqa, chay apachimunay karqa chay jasut'ita manaña apachimusajchu.

DIOSPA QHELQACHISQAN DEUTEROCANONICAL

⁸ Chantá sichus chay suyupi tiyakojkuna millay ruwasqankumanta t'aqakunku chayqa, jasut'inayta nerqani, chayta manaña junt'asajchu.

Jeremías 18:8 ပူးပေါင်းရင်းမြစ်များ

2 Crónicas 12:6

Jinapi Israelmanta kurajkuna, chantá kuraj kamachejpis juchayoj kasqankuta reparakuspa, k'umuykukorqanku, nerqankutaj: Tata Diospa kay ruwasqanqa cheqanpuni, nispa.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Salmos 135:14

Tata Diosqa ayllunpaj justiciata ruwanqa, paypa kamachiyninpi kajkunamantataj khuyakonqa.

Salmos 90:13

Tata Dios, noqaykuman kutirimpuy. Mashkha unaytataj suyachikuwasqaykuri? Kay kamachiykikunamanta khuyarikuy ari.

Éxodo 32:12

Egipto llajtayojkunaqa ninkumanchari: Diosqa israelitakunata mana allin sonqowan kaymanta orqhon, ch'innejpi wañuchispa kay pachamanta chinkachinanpaj, nispa. Chayrayku sonqoykita tiyaykuchikuspa, aylluykita ama jasut'iychu, ari.

Éxodo 32:14

Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Jeremías 15:6

Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Jeremías 26:13

Chayrayku imaynatachus kawsashasqaykichejta, purishasqaykichejtapis allinchaychej, Diosniykichej Tata Diostapis kasuychej. Ajinatachus ruwankichej chayqa, kachaykamunanta nerqa, chay ñak'ariykunata manaña kachaykamusonqachejchu.

Jeremías 26:19

Miqueas imatachus nisqanmanta kuraj kamachej Ezequías chantá Judamanta runakunapis payta wañuchisqankuchuri? Manachu kuraj kamachejqa Tata Diosta manchachikuspa, mañakusqa paykunamanta khuyarikunanta? Chayrayku Tata Diosqa ñak'arichinan willachisqanta mana junt'asqachu. Sichus noqanchej Jeremiasta wañuchisun chayqa, Tata Dios jasut'iwasun, nispa.

Jeremías 26:3

Ichapis kasususpa, millay ruwasqankuta saqenkuman. Jinata ruwajtinku, noqapis manaña millay ruwasqankumanta paykunata jasut'iymanñachu, imaynatachus yuyashani, jinataqa.

Jeremías 36:3

Ichapis Judá suyupi tiyakojkuna ñak'ariykunata kachaykamunayta uyarispa, tukuy mana allin purisqankuta saqenkuman, noqataj millay ruwasqankuta, juchankutapis qhespichiyman, nispa.

Jeremías 42:10

Sichus qankuna kay suyupi qhepakunkichej chayqa, noqa qankunata yanapasqaykichej, manataj chinkachisqaykichejchu. Sach'ata jina mallkisqaykichej, manataj t'irasqaykichejchu. Mayta llakikuni kay ñak'ariykunata qankunaman kachaykamusqaymanta.

Ezequiel 18:21

Chaywanpis ichapis millay kawsayniyoj runaqa tukuy millay ruwasqanmanta t'aqakuspa, noqaman kutirikunman, kamachisqayta junt'aspataj, cheqan kajta, maychus kajtataj ruwanman. Pichus chayta ruwajqa kawsanqapuni, manataj wañonqachu.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Ezequiel 33:12

Chayrayku runaj churin, llajta masiykikunata niy: Sichus cheqan kawsayniyoj runa juchallin chayqa, ñawpajta allin kajta ruwasqanqa mana payta jasut'iymanta qhespichenqachu. Jinallataj sichus juchasapa runa millay kawsayninta saqenqa chayqa, ñawpa millay ruwasqanqa mana payta jark'anqachu cheqan runa kananpaj. Cheqan runachus juchallikonqa chayqa, ñawpajta cheqan purisqanqa mana payta qhespichenqachu.

Ezequiel 33:13

Ichapis noqa cheqanta purej runata nisaj: Cheqamanta qanqa kawsanki, nispa. Jinapi sichus pay cheqan ruwasqanpi atinikuspa millay imakunata ruwanman chayqa, noqa tukuy cheqan ruwasqanta qonqasaj. Aswanpis chay runa millay ruwasqanmanta wañonqa.

Ezequiel 33:14

Ichapis mana allinta ruwaj runata noqa niyman: Qan juchaykirayku wañunkipuni, nispa. Paytajrí juchanmanta kutirikuspa, allinta purinman, cheqantataj ruwanman.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.