Jeremías 18:18 - DIOSPA QHELQACHISQ

¹⁸ Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Qheshwa Biblia DC

¹⁸ Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

DIOSPA QHELQACHISQAN DEUTEROCANONICAL

¹⁸ Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Jeremías 18:18 ပူးပေါင်းရင်းမြစ်များ

2 Samuel 15:31

Maypachachus Davidman willarqanku Ajitofelpis Absalonman kutisqa kasqanta chaypacha, Davidqa Tata Diosmanta mañakorqa Ajitofelpa umachasqanta pantachinanpaj.

2 Samuel 17:14

Absalón, tukuy israelitakuna imaqa yuyarqanku Jusay arquitaj nisqan aswan allin kasqanta Ajitofelpa yuyaychasqanmanta nisqaqa. Tata Diosqa nisqaña Ajitofelpa yuyasqanqa mana ruwakunanta, Absalonpa patanman llakiyta apachimunanpaj.

1 Reyes 22:24

Chantaqa Quenanáj churin Sedequiasqa chimpaykuytawan, Micaiasta uyanpi laq'aspa, nerqa: Maynintataj Tata Diospa Espíritun noqamanta llojserqa qanman parlasunanpajri? nispa.

2 Crónicas 24:21

Chantá paykunaqa Zacariaspa contranpi oqharikuspa, Tata Diospa Templonpa pationpi rumiwan payta ch'anqaykorqanku, kuraj kamachej chayta kamachisqanrayku.

Job 5:13

Payqa millay yuyayniyojkunata sajra yuyaynillankuwantaj ch'ipaykun. Millayta ruwanankupaj wakichisqankutataj manakajman tukuchin.

Salmos 21:11

11 (12) Mana allinta ruwasuyta munaspa, contraykipi wakichikuspapis, mana imatapis ruwasuyta atenqankuchu.

Salmos 52:2

2 (4) Qantajrí mana allin kajta ruwanallapipuni yuyanki. Qalluykeqa sumaj filochasqa khuchuna jina, qantaj llullakunapaj churasqa kanki.

Salmos 57:4

4 (5) Runa mikhu leonkuna muyuykuwanku. Kirunkoqa lanza jina, flecha jinataj, qallunkutaj filochasqa espada jina.

Salmos 64:3

3 (4) Paykuna espadata jina qallunkuta filoyachinku, jaya parlasqankutataj venenoyoj flechapis kanman jina kachaykunku.

Proverbios 18:21

Runaj parlasqanqa atiyniyoj, runata kawsachinapaj manachayrí wañuchinapaj. Tukuy anchata parlajkunaqa uma nanayta tarikonqanku.

Isaías 32:7

Ch'awka runaqa millayta ruwayman amañasqa. Llullakuspa, ima sajratapis wakichin, jinallatataj llullakuspa, wajcha runakunatapis juchachan, wajcha runa justiciata mañakojtinpis.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.

Jeremías 11:19

Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.

Jeremías 18:19

Chantá noqa Dioswan parlarikuspa nerqani: Tata Dios, allinta uyariway. Awqaykunaj nisqankutapis uyarillaytaj.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 20:10

Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Jeremías 26:11

Chantá sacerdotekuna, sut'inchajkunapis kurajkunaman, jinataj tukuy runaman ima nerqanku: Kay runaqa wañuchisqa kanan tiyan, imaraykuchus kay llajtaj contranpi parlan. Chaytaqa qankuna kikiykichej uyarinkichej, nispa.

Jeremías 37:13

Jinapis maypachachus Benjaminpa Punkun nisqaman chayasharqa chaypacha, uj runa Irías sutiyoj chaypi kasharqa. Pay karqa Selemiaspa churin, Jananiaspa allchhin, qhawajkuna ukhumanta kuraj kaj. Chantá payqa Jeremiasta jap'ispa, nerqa: Qanqa Caldeamanta runakunaman chimpapuyta munashanki, nispa.

Jeremías 43:2

Chantá Osaiaspa churin Azarías, Careajpa churin Johananwan, waj wapuykachaj runakunapiwan Jeremiasta nerqanku: Imatachus nisqaykeqa llulla. Tata Diosniykoqa mana kachamusunkichu ninawaykupaj: Ama Egiptoman tiyakoj riychejchu, nispa.

Jeremías 44:16

Tata Diospa sutinpi niwasqaykuta mana kasusqaykuchu.

Jeremías 44:17

Manachayqa ruwallasqaykupuni, imatachus ruwanaykuta nerqayku, chayta. Inciensota q'oshñichillasqaykupuni, vinotapis ch'allasqayku Janaj Pachaj Qoyan nisqa diosman, imaynatachus kunankama kuraj kamachejniyku, noqayku, ñawpa tatayku ima ruwarqayku, ajinata. Judá llajtakunapi, jinallataj Jerusalenpa callenkunapipis Janaj Pachaj Qoyan nisqa diosman inciensota q'oshñichillarqaykupuni, imaynachus ñawpa tataykukuna ruwarqanku, ajinata. Chaypacha chayta ruwasqaykurayku ñawpajta ashkha mikhuna tiyapuwaj kayku, atipachikunaykupaj jina. Tukuy imapi allin riwaj kayku, manataj ima ñak'ariypis noqaykuta qhatiriwajchu kayku.

Jeremías 8:8

Imaynatataj qankuna niwajchej: Yachayniyoj kayku, imaraykuchus Tata Diospa kamachisqankuna qhelqasqa tiyapuwayku, nispari? Chay kamachisqakunata yachachejkuna yapaykuspa qhelqanku, manataj maychus kajta yachachinkuchu.

Lamentaciones 3:62

Jinallataj tukuy awqaykuna parlasqankuta, yuyasqankutapis uyarinki, sapa p'unchay noqaj contrallaypipuni parlasqankuta.

Ezequiel 7:26

Llakiy kawsayqa qhepan qhepanta chayamonqa, mana allin willaykunataj ñataj ñataj uyarikonqa. Yanqhallata mask'anqanku mayqellanpis Diosmanta sut'inchananta. Paykunata yachachinankupaj sacerdotekuna mana kanqachu, nitaj kurajkunapis paykunata yuyaychanankupaj kallanqatajchu.

Levítico 10:11

Jinallataj israelitakunaman Tata Diospa tukuy kamachisqanta yachachinaykichej tiyan. Chay kamachisqakunata paymin Moisesnejta qosorqachej, nispa.

Miqueas 3:6

Chayrayku tutapi Diosmanta sut'inchana tukukonqa, laqhapi Diosmanta sut'inchayta jap'inapis tukukapullanqataj. Inteqa chay sut'inchajkunapaj pakakonqa, p'unchaypis laqhayaykapullanqataj.

Miqueas 3:7

Mosqoypi jina rikojkuna, yachajkunapis ima manchay p'enqaypi rikhurenqanku, imaraykuchus Dios mana imatapis mañakusqankuman kutichenqachu.

Malaquías 2:7

Sacerdotekunaqa runakunaman yachachinanku tiyan imaynatachus noqata rejsinawankuta, munayniyman jina purinankupaj. Chantá tukuy runakuna paykunaman rinanku tiyan yachayta jap'ikunankupaj, imaraykuchus sacerdotekunaqa Tukuy Atiyniyoj Tata Diospa kachankuna kanku.

San Lucas 11:45

Chantá Diospa kamachisqanmanta yachachejkunamanta ujnin kuticherqa: Yachachej wiraqochi, chayta nispaqa, contraykutapis rimashallankitaj, nispa.

San Juan 9:40

Chantá Jesuswan kasharqanku, chay fariseokunamanta wakin chayta uyarispa, nerqanku: Ajinata nispa, niytachu munanki noqaykupis ñawsallataj kashasqaykuta? nispa.