Jeremías 18:15 - DIOSPA QHELQACHISQ

¹⁵ Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Qheshwa Biblia DC

¹⁵ Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

DIOSPA QHELQACHISQAN DEUTEROCANONICAL

¹⁵ Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 18:15 ပူးပေါင်းရင်းမြစ်များ

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

Isaías 3:12

Majt'illukunalla aylluytaqa munasqankuta ruwanku, warmikunallataj paykunata kamachinku. Ayllúy, kamachejniykichejkunaqa q'otiyashasunkichej, pantay ñankunata pusaspa.

Isaías 41:29

Tukuyninku qhasi manakaj kanku, manataj imatapis ruwayta atinkuchu. Jich'aspa ruwasqaykichej lantikunaqa qhasi manakaj kanku.

Isaías 57:14

Tata Dios nillantaj: Ñanta pichaychej. Ñanmanta rumikunata wijch'uychej aylluy chayninta karu suyumanta kutimpunanpaj.

Isaías 62:10

Punkunkunanejta puriychej, aylluy kutimpunanpaj ñanta pichapuychej. Ñankunaj t'oqonta junt'achiychej, ñanmanta rumikunatataj wijch'uychej. Tukuy runakuna rikunankupaj wiphalatapis pataman oqhariychej.

Isaías 65:7

Chantá Tata Dios nillantaj: Juchaykichejrayku, ñawpa tataykichejpa juchankurayku ima pagapusqaykichej, imaraykuchus paykunapis orqo patapi, chantá loma patapipis inciensota q'oshñicherqanku. Chayrayku noqaqa ñawpa juchaykichejman jina pagota qopusqaykichej, nispa.

Isaías 9:16

16 (15) Chay kamachejkunaqa runakunata ch'awkiyaspa, pantay ñanta pusanku.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 10:15

Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Jeremías 11:12

Chantá Judá suyupi tiyakojkuna, Jerusalenpi tiyakojkunapis inciensota q'oshñichispa, diosninkuman yanapananta mañakamoj renqanku. Chaywanpis ñak'arina p'unchay chayamojtin, chay lantikuna manapuni paykunata yanapayta atenqankuchu.

Jeremías 11:13

Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 13:25

Chaymin qankunata qhatirinan kashan. Chayta jap'inaykichejta noqapuni nerqani, imaraykuchus noqamanta qonqaporqankichej, qhasi manakaj dioskunapitaj atinikorqankichej. Noqa Tata Diosmin chayta nini.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 17:13

Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

Jeremías 18:14

Libanopi orqopi rit'eqa chinkapunchu? Chayrí orqomanta phajchamoj yaku tukukapunmanchu?

Jeremías 19:5

Chantataj altarkunata ruwarqankichej, wawaykichejkunata Baal diosman q'olachipunaykichejpaj. Chayta noqa mana kamacherqanichu, manapuni chay jina kananta yuyallarqanipischu.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 2:32

Casarakoj sipasqa k'achitu may valorniyoj jaluchunmanta qonqakapunmanchuri? Chayrí casarakunanpaj k'achanchakusqanmanta qonqapunmanchuri? Aylluyrí unayña noqamanta qonqakapuwan.

Jeremías 3:21

Ch'in orqokunapi qhaparisqanku uyarikun. Chayqa kashan khuyakuyta mañakuspa israelitakunaj waqasqanku. Paykuna cheqan ñanmanta pantaykorqanku, jinataj Diosninku Tata Diosmanta qonqaporqanku.

Jeremías 44:25

Israelpa Tukuy Atiyniyoj Tata Diosnin nisunkichej: Qankuna, warmiykichejpis imatachus nisqaykichejta ruwarqankichej: Noqayku tiluspa imatachus nisqaykuta junt'asqaykupuni, Janaj Pachaj Qoyanman inciensota q'oshñichispa, paypa sutinpitaj ch'allaykurispa ima, nispa. Kunanqa imatachus nisqaykichejta junt'allaychej, tilusqaykichejman jinataj ruwallaychej.

Jeremías 51:18

Chaykunaqa mana imapaj walejchu kanku, asikunapaj jina. Tata Dios juicio p'unchaypi chaykunata chinkarparichenqa.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Ezequiel 21:15

15 (20) Chay espadaqa ashkha runata manchachenqa, ashkhatataj wañurachenqa. Tukuy wasi punkupi wañuchej espadata churani. Espadaqa sumaj llosq'ochasqa illapakunata kacharinanpaj, jinataj wañurachinapaj wakichisqa kashan.

Ezequiel 36:15

Chantá manaña waj llajtayojkunaj turiyasqankuta uyarinkichejñachu. Manallataj p'enqayta alqochakusqanku qankunapaj kanqachu, nillataj aylluykichejpaj misk'ana kankichejchu. Noqa Tukuyta Kamachej Tata Dios chayta nini.

Oseas 11:2

Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 2:13

13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

Oseas 2:6

6 (8) Chayrayku Israelpa ñanninta khishkawan jark'aykuchisaj, mana ñanninta tarinanpajtaj perqata sayarichisaj.

Malaquías 2:8

Qankunarí, cheqan ñanmanta karunchakorqankichej, yachachisqaykichejwantaj ashkha runata pantacherqankichej. Ajinapi qankunaqa Leví jatun aylluwan trato ruwasqayta p'akinkichej. Noqa Tukuy Atiyniyoj Tata Dios ajinata nini.

San Mateo 15:6

Jinaqa manaña tatanta, nitaj mamantapis jatunpaj qhawaspa yanapanqachu. Ajinamanta qankunaqa Diospa kamachisqanta manakajman tukuchinkichej ñawpa usuykichejrayku.

Romanos 14:21

Aswan walej aychata mana mikhuna, nitaj vinota ujyana, nillataj imachus wawqenchejta misk'achispa juchallichinman chaykunata ruwana.

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.