Jeremías 18:13 - DIOSPA QHELQACHISQ

¹³ Chayrayku Tata Dios nin: Waj suyukuna ukhupi tapuriychej, ichapis pillapis kayman rijch'akojta uyarin. Mana qharej chayasqan sipas jina Israelqa manchay millayllatapuni ruwan.

Qheshwa Biblia DC

¹³ Chayrayku Señorqa niwarqa: Naciones ukhupi tapuriychej, ichapis pi kay jinata nejta uyarin. Israel aylloqa manchay millayllatapuni ruwan!

DIOSPA QHELQACHISQAN DEUTEROCANONICAL

¹³ Chayrayku Tata Dios nin: Waj suyukuna ukhupi tapuriychej, ichapis pillapis kayman rijch'akojta uyarin. Mana qharej chayasqan sipas jina Israelqa manchay millayllatapuni ruwan.

Jeremías 18:13 ပူးပေါင်းရင်းမြစ်များ

Isaías 36:22

Chantá kamachina wasipi mayordomo Hilciaspa churin Eliaquín, qhelqeri Sebna, Asafpa churin yuyaychaj Yoaj ima mayta llakikuspa, p'achankuta llik'irakorqanku. Chaymantataj Ezequiaspaman kachaykukorqanku, Asiriamanta soldadokunata kamachej imatachus parlasqanta willanankupaj.

Isaías 66:8

Pitaj chayman rijch'akojta uyarinman karqari? Pitaj chay jinata rikunman karqari? Uj suyu ajinatachu uj p'unchayllapi rikhurinmanri? Uj llajta ajinatachu ujllapi rikhurinmanri? Chaywanpis Sión llajtata ujllata nanay jap'ejtinkama, wawankunata paqarichikunpacha.

Jeremías 14:17

Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

Jeremías 18:14

Libanopi orqopi rit'eqa chinkapunchu? Chayrí orqomanta phajchamoj yaku tukukapunmanchu?

Jeremías 23:14

Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Jeremías 5:30

Manchay t'ukuna, manchachikuna imakunataj kay suyupi kaykushan:

Lamentaciones 1:15

Tukuyta Kamachej Diosqa jark'akuwaj wapu soldadoykunata wijch'un. Ashkha soldadotataj kachaykamuwan, wapu soldadoykunata wañurachinankupaj. Tukuyta Kamachej Diosqa uvatapis sarushanman jina, mana qharita rejsej sipasta jina Judá suyuta sarurparin.

Oseas 6:10

Noqatajrí Israel suyupi millay ruwasqankuta rikuni. Efrainqa ujwantaj ujwantaj khuchichakorqa, Israelpis chayllawantaj ch'ichichakorqa.

Amós 5:1

Israelitakuna, qankunaj contraykichejpi llakiy yarawita takisqayta uyariychej.

Amós 5:2

Manaraj qharita rejsej sipas jina Israelqa urman, manaña ujtawan sayariyta atinanpaj jina. Kikin jallp'api wijch'usqa qhepakun, manataj pipis kanchu aysarej.

1 Corintios 5:1

Kunantaj kaymantañataj parlayta munaykichej: Qankunamanta ujniykichej tatanpa warminwan tiyakapushasqanmanta yachakun. Chay jina millaytaqa Diosman mana kutirikojkunapis mana ruwankuchu.

1 Samuel 4:7

Filisteokunaqa mancharikuspa, nerqanku: Dios jarankuman chayamun. Ay, noqanchejqa imapichus parasunpis. Manamin ujtapis ajina pasawarqanchejchu.