Jeremías 17:4 - DIOSPA QHELQACHISQ

⁴ Imatachus chayaqeykipaj qorqayki, juchallisqaykirayku paykuna chay suyuta qhechusonqanku. Chantá awqaykej kamachinpi kanki mana rejsisqa suyupi, imaraykuchus phiñakuyniyta ninata jina k'ajaricherqanki, chaytaj wiñaypaj lawranqa, nispa.

Qheshwa Biblia DC

⁴ Chayaqeykipaj qorqayki chay jallp'ata saqenayki tiyan, jinamantataj enemigosniykej kamachin kanankipaj; mana rejsisqa jallp'api kanaykipaj. Phiñakuyneyqa nina jina ruphaykunampaj jap'ikunña.

DIOSPA QHELQACHISQAN DEUTEROCANONICAL

⁴ Imatachus chayaqeykipaj qorqayki, juchallisqaykirayku paykuna chay suyuta qhechusonqanku. Chantá awqaykej kamachinpi kanki mana rejsisqa suyupi, imaraykuchus phiñakuyniyta ninata jina k'ajaricherqanki, chaytaj wiñaypaj lawranqa, nispa.

Jeremías 17:4 ပူးပေါင်းရင်းမြစ်များ

1 Reyes 9:7

noqaqa kay jallp'ata qorqaykichej, chaymanta qharqosqaykichej. Kay Templota noqapaj t'aqakusqaytapis qhesachallasajtaj. Israel suyutaj, tukuy suyoj asipayasqan kanqa.

2 Reyes 25:21

Babilonia suyuta kuraj kamachejrí paykunata Jamat jap'iynejpi Riblapi wañuchicherqa. Ajinata Judamanta runakunaqa llajtankumanta karu suyuman apasqa karqanku.

Nehemías 9:28

Jinapis paykunapaj allin kawsay kajtin, watejmanta ñawpaqeykipi juchallillajñataj kanku. Chayrayku watej awqankunaj makinman urmajta saqerqanki, chay runakunataj chakinku uraman israelitakunata churarqanku. Chantataj yanapayniykita mañakullasojtaj kanku. Qantaj khuyakuyniykipi uyarimullajtaj kanki janaj pachamantapacha, ashkha kutita paykunata kacharichinaykipaj.

Isaías 14:3

Israel ayllu, maypachachus Tata Dios samarikuyta qosonqachej chay jinata ñak'arisqaykichejmanta, jinallataj phutikusqaykichejmanta chantá chay jina sinch'i ruwaymanta ima chaypacha,

Isaías 30:33

Unaymantapacha Asiria llajtayojkunapaj, kuraj kamachejninkupajwan ima, Tofet nisqa q'olachina cheqa wakichisqa kashan, manchay jatun, ukhutaj, ashkha llant'ayoj, ninayoj ima. Chaymantaj Tata Diosqa azufre mayuta jina samayninwan jap'iykuchenqa.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Isaías 50:11

Qankuna, munasqaykichejman jina kawsajkuna, sumajta qhawakuychej imatachus ruwasqaykichejta, imaraykuchus chay ruwasqaykichejpi tojllapi jina urmankichej. Tata Diosqa jasut'iyta apachimusonqachej, ñak'ariypitaj choqarayankichej, nispa.

Isaías 66:24

Chantá chaymanta llojsispa, rikonqanku pikunachus contraypi oqharikojkunaj ayankuta. Chay wañusqa runakunata mikhoj khurukunaqa mana wañonqankuchu. Paykunata q'olashan, chay ninapis mana thasnukonqachu. Chayta rikuspataj, tukuy runakuna mayta millachikonqanku.

Jeremías 12:7

Tata Dios nillarqataj: Aylluyta saqerparini, chayaqey kashajtinpis qhesachani. Chay munasqa suyuyta awqankukunaj makinkuman jaywaykuni.

Jeremías 15:14

Chantá mana rejsisqayki suyupi awqaykej wata runan kanaykita ruwasaj, imaraykuchus phiñakuyneyqa ninamanta aswan sinch'ita k'ajarin, chaytaj contraykipi lawrarenqa, nispa.

Jeremías 16:13

Chayraykumin kay suyumanta wijch'usqaykichej, mana tataykichej nitaj qankunapis rejsisqaykichej suyuman. Chaypitaj tuta p'unchay mana rejsisqaykichej dioskunata yupaychankichej, imaraykuchus manapuni qankunamanta khuyakusajchu, nispa.

Jeremías 18:23

Qantajrí Tata Dios, wañuchinawankupaj imatachus contraypi ruwayta yuyashanku, chayta yachanki. Chay millay ruwasqankumanta ama paykunata qhespichiychu, nitaj juchankuta pampachaychu. Ñawpaqeykipi urmachisqa kachunku. Phiñakuyniykiwan ñak'arichiy, ajinata paykunawan ruway.

Jeremías 2:14

Israelqa mana wata runachu nitaj kamachi kananpajchu paqarikorqa. Jina kajtenqa, imaraykutaj wajkuna tukuy kapuyninta qhechunkuri?

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 22:28

Coniasqa mana ni imapaj walej p'akisqa k'analla jina. Payqa mana rikuy atina lajrasqa yaku p'uñu jina. Imaraykutaj pay tukuy wawankunawan khuska mana rejsisqa suyuman wijch'usqa kanmanri?

Jeremías 5:19

Chantá llajta masiykichejkuna tapusonqachej: Imaraykutaj kay jinata Diosninchej Tata Dios ruwawarqanchejri? nispa. Chaypachataj kay jinata kutichiychej: Imaynatachus qankuna Tata Diosta saqerparispa, kikin llajtaykichejpi chay mana rejsisqa dioskunaj kamachiyninpi karqankichej, ajinallatataj kunan waj suyupi mana rejsisqa runakunaj kamachiyninpi kankichej, nispa.

Jeremías 5:29

Manachu chay jina ruwasqankumanta paykunata jasut'isajri? Manachu ajina runakunaman chay ruwasqankuman jina kutichisajri? Noqa Tata Diosmin chayta nini.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Lamentaciones 1:12

Qankuna kay ñanta purejkuna, manachu sonqoykichej nanasunkichej noqata rikuwaspa? Sayarispa, qhawariwaychej. Kay ñak'arisqaymanta astawan sinch'i ñak'ariy kanmanchu? Kay jina ñak'ariyta Tata Dios k'arajta phiñakuspa, apachimuwan.

Lamentaciones 5:2

Tukuy jallp'aykuta waj llajtayojkuna jap'ikapunku. Wasiykupis waj runakunaj makinkuman chayan.

Ezequiel 21:31

31 (36) Noqaqa phiñakuyniyta manchay lawrashaj ninaman rijch'akojta pataykiman kachaykamusaj. Kallpaman atinikuspa mana sonqoyoj runakunaj makinkuman jaywaykusqayki, thuñinapaj yachasqa kajkunaman.

Ezequiel 7:24

Chantá noqa waj suyukunamanta mana khuyakuyniyoj runakunata pusamusaj, paykuna israelitakunaj wasinkukunata jap'ikapunankupaj. Atiyniyoj israelitakunaj jatunchakuyninkuta chinkachisaj, yupaychananku cheqakunatapis p'enqayman tukuchisaj.

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.