Jeremías 17:27 - DIOSPA QHELQACHISQ

²⁷ Sichus mana kasukuspa samarina p'unchayta mana noqapaj t'aqapuwankichejchu, manachayqa samarina p'unchaypi q'epiykichejta Jerusalenman apaykullankichejpuni chayqa, noqa llajtaj punkunkunaman ninata jap'iykuchisaj. Chay ninataj Jerusalenpa kamachina wasinta tukuchinankama ruphaykonqa, manataj pipis thasnuyta atenqachu, nispa.

Qheshwa Biblia DC

²⁷ Sichus qankuna kay kamachisniyta mana kasukunkichejchu, chay samakuna p'unchaypi yupaychanawaykichejta, jinataj cargasta Jerusalenman samakuna p'unchaypi mana apaykunatawan mana junt'awankichejchu chayqa, llajtaj punkusninman ninata churasaj, chay ninataj Jerusalempa palaciosninta ruphaykonqa tukuchinankama, manataj pipis thasnuyta atenqachu.

DIOSPA QHELQACHISQAN DEUTEROCANONICAL

²⁷ Sichus mana kasukuspa samarina p'unchayta mana noqapaj t'aqapuwankichejchu, manachayqa samarina p'unchaypi q'epiykichejta Jerusalenman apaykullankichejpuni chayqa, noqa llajtaj punkunkunaman ninata jap'iykuchisaj. Chay ninataj Jerusalenpa kamachina wasinta tukuchinankama ruphaykonqa, manataj pipis thasnuyta atenqachu, nispa.

Jeremías 17:27 ပူးပေါင်းရင်းမြစ်များ

2 Reyes 22:17

Paykunaqa noqata qhesachawaspa waj dioskunaman inciensota q'oshñicherqanku. Tukuy imaymanata ruwaspataj noqata phiñachiwarqanku. Phiñakuyneyqa kaypi tiyakojkunaj contranpi k'ajarenqa, manataj thasnusqachu kanqa.

2 Reyes 25:9

Payqa Tata Diospa Templonta, kuraj kamachej Sedequiaspa wasinta, Jerusalén llajtapi tukuy wasikunata, chantá manchay uyarisqa runakunaj wasinkutawan ruphaykucherqa.

2 Crónicas 36:19

Chay jawaqa Babiloniamanta soldadokuna Diospa Templontapis ruphaykucherqanku, Jerusalén llajtaj perqankunatataj thuñiykorqanku. Kamachina wasimanpis ninata jap'iykucherqanku. Chay valorniyoj kaj imakunatapis tukuyninta t'unaykorqanku.

Salmos 122:7

Chay sumaj perqachasqa llajtapi tiyakojkunapaj sonqo tiyaykusqa kawsay kachun, kamachina wasiykikunapipis mana imata manchachikuspa kawsakuy kachun.

Isaías 1:20

Manapuni kasukuyta munankichej chayrí, espadawan wañuchisqa kankichej. Noqa Tata Diosmin chayta nini.

Isaías 1:31

Qankunamanta wapu kajkunaqa q'opa jina kanqanku, millay ruwasqankutaj phawaj nina jina pajaman urmamonqa. Chay runakuna millay ruwasqankuwan ima ujllapi lawrarenqanku, nitaj pipis thasnoj kanqachu, nispa.

Jeremías 17:24

Tata Dios nillantaj: Cheqatapuni kasuwaychej, amapunitaj samarina p'unchaypi kay llajtaj punkunkunanejta ima q'epitapis apaychejchu. Chay p'unchayta noqapaj t'aqapuwaychej, amataj ima ruwanaykichejtapis ruwaychejchu.

Jeremías 17:4

Imatachus chayaqeykipaj qorqayki, juchallisqaykirayku paykuna chay suyuta qhechusonqanku. Chantá awqaykej kamachinpi kanki mana rejsisqa suyupi, imaraykuchus phiñakuyniyta ninata jina k'ajaricherqanki, chaytaj wiñaypaj lawranqa, nispa.

Jeremías 18:1

Tata Diosqa Jeremiasman nerqa:

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 21:14

Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

Jeremías 22:5

Sitajchus kay kamachisqayta mana kasunkichejchu chayrí, kay kamachina wasikunatapis raqayllaman tukuchisaj. Noqa Tata Diosmin chayta nini.

Jeremías 32:29

Caldeokuna kay llajtaman yaykuspa, ninawan jap'iykuchenqanku. Maypichus israelitakuna noqata mayta phiñachiwaspa, Baalman inciensota q'oshñichej kanku, jinataj mana rejsisqa dioskunaman vinota jaywaj kanku, chay wasikunatapis ruphaykuchillanqankutaj.

Jeremías 39:8

Chaykama Caldeo soldadokunaqa kuraj kamachejpa wasinta ninawan jap'iykucherqanku, jinallataj llajtapi wasikunatapis. Jerusalén llajtaj perqantapis thuñirarqanku.

Jeremías 44:16

Tata Diospa sutinpi niwasqaykuta mana kasusqaykuchu.

Jeremías 49:27

Damasco llajtaj perqanman ninata jap'iykuchisaj, chay ninataj Ben Adadpa jark'achasqa kamachinan wasitapis ruphaykuspa, tukuchenqa, nispa.

Jeremías 52:13

Payqa Tata Diospa Templonta ruphaykucherqa. Jinallataj kuraj kamachejpa kamachinan wasita, chantá Jerusalén llajtapi tukuy wasikunata ruphaykuchillarqataj, astawanqa kurajkunaj wasinkukunata.

Jeremías 6:17

Tata Diosqa llajtata qhawajkunata churaspa, ayllunman nerqa: Trompetaj waqasqanta allinta uyariychej, nispa. Israel ayllutajrí kuticherqa: Mana kasuta ruwayta munaykuchu, nispa.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Lamentaciones 2:6

Tata Dios huerta qhawana ch'ujllata jina Templonta thuñirparin. Maypichus tantakoj kanku, chayta ujllata thuñirparerqa. Tata Diosqa Sionpi raymi ruwanata, samarina p'unchaytapis qonqapunankuta ruwarqa. Chay jina phiñakuyninwan kuraj kamachejta, chantá sacerdotekunatapis qhesacharqa.

Lamentaciones 4:11

Tata Dios may jatun k'araj phiñakuyninta kachaykamuspa, phiñakuyninta thasnukorqa. Sión llajtaman ninata jap'iykucherqa, cimientonmantapachataj ushphaman tukucherqa.

Ezequiel 16:41

Wasiykitapis ninawan ruphaykuchenqanku. Ashkha warmej rikunankutataj jasut'isonqanku. Ajinata khuchichakuypi purinaykita tukuchisaj, manañataj ujtawanpis tiyapususqanta qanwan khuchichakojkunaman jaywankichu.

Ezequiel 21:15

15 (20) Chay espadaqa ashkha runata manchachenqa, ashkhatataj wañurachenqa. Tukuy wasi punkupi wañuchej espadata churani. Espadaqa sumaj llosq'ochasqa illapakunata kacharinanpaj, jinataj wañurachinapaj wakichisqa kashan.

Ezequiel 21:3

3 (8) Kay jinata ninki: Tata Dios nin: Noqa contraykipi sayaykuni. Juchayojta mana juchayojtapis espadaywan wañurachisaj.

Ezequiel 22:8

Jinallataj noqapaj t'aqasqa kaj imakunata pisipaj qhawanku, chantá samarina p'unchayniytapis mana kasuta ruwankuchu.

Ezequiel 23:38

Paykuna kaytapis ruwallarqankutaj: Uj p'unchayllapi noqapaj t'aqasqa Temployta ch'ichicharqanku, samarina p'unchayniytapis pisipaj qhawarqanku.

Oseas 8:14

Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

Amós 1:10

Chayrayku Tiro llajtaj perqanman ninata jap'iykuchisaj, chay ninataj kamachinanku wasita ruphaykonqa, nispa.

Amós 1:12

Chayrayku Temán llajtata ninawan jap'iykuchisaj, chay ninataj Bosrapi kaj pukarankukunata ruphaykonqa, nispa.

Amós 1:14

Chayrayku noqaqa Rabá llajtaj perqanman ninata jap'iykuchisaj, chay ninataj kamachinanku wasita ruphaykonqa, sinch'i maqanaku kashajtin, muyoj wayra kashajtintaj.

Amós 1:4

Chayrayku kuraj kamachej Jazaelpa wasinman ninata jap'iykuchisaj, chay ninataj churin Ben Adadpa kamachinan wasita ruphaykonqa.

Amós 1:7

Chayrayku Gaza llajtaj perqanman ninata jap'iykuchisaj, chay ninataj kamachinanku wasita ruphaykonqa.

Amós 2:2

Chayrayku noqaqa Moab suyuman ninata jap'iykuchisaj, chay ninataj Queriot llajtapi kamachinanku wasita ruphaykonqa. Sinch'i maqanaku kanqa, cornetakunatataj waqachenqanku, jinataj moabitakuna wañuchisqa kanqanku.

Deuteronomio 32:22

Phiñakuyneyqa nina jina lawrarin, chay ninataj ukhu pachakama lawrarenqa. Jallp'ata, tukuy imantinta q'olaykonqa. Orqokunatapis saphinmantapacha ruphaykonqa.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?