Jeremías 17:26 - DIOSPA QHELQACHISQ

²⁶ Chantá Judá suyumanta, Jerusalén qayllapi llajtakunamanta, Benjamín jatun aylloj llajtankunamanta, mama qocha kantumanta, orqokunamanta, chantá Néguev cheqamanta ima runakuna Tata Diospa Templonman jamonqanku. Chaymantaj uywa ñak'asqa q'olachinakunata, uywa ñak'asqa jaywanata, poqoykunamanta jaywanata, inciensota, pachis nispa jaywanatapis apamonqanku.

Qheshwa Biblia DC

²⁶ Judá llajtasmanta, chay Jerusalén qayllapi kajkunamanta jamonqanku, Benjamimpa jallp'asninmantapis jamullanqankutaj, mar cantopi pampasninmanta, orqosninmanta, chantá Neguevmantapis. Diosta yupaychana wasiman apamonqanku uywasta, ruphachinapaj rikuchikusta jaywanankupajtaj, poqoykunasinkuta, inciensosninkutapis, Diospa wasimpaj nisqa jaywanastapis.

DIOSPA QHELQACHISQAN DEUTEROCANONICAL

²⁶ Chantá Judá suyumanta, Jerusalén qayllapi llajtakunamanta, Benjamín jatun aylloj llajtankunamanta, mama qocha kantumanta, orqokunamanta, chantá Néguev cheqamanta ima runakuna Tata Diospa Templonman jamonqanku. Chaymantaj uywa ñak'asqa q'olachinakunata, uywa ñak'asqa jaywanata, poqoykunamanta jaywanata, inciensota, pachis nispa jaywanatapis apamonqanku.

Jeremías 17:26 ပူးပေါင်းရင်းမြစ်များ

Esdras 3:11

Ujkuna yupaychaspa takerqanku, wajkunataj Tata Diosman pachis nispa, nerqanku: Payqa may k'achapuni, Israeltaqa wiñaypaj munakun, nispa. Chantá tukuy runakuna kusiywan qhaparispa, Tata Diosta yupaycharqanku, paypa Templonta watejmanta ruwayta qallarishajta rikusqankurayku.

Salmos 107:22

Tata Diosman uywata ñak'aspa, pachis nispa jaywachunku, kusiywan takispataj, ruwasqanmanta willachunku.

Salmos 116:17

Tata Dios, pachis nispa uywa ñak'asqata jaywasqayki, sutiykita oqharispataj, qanmanta mañarikusaj.

Salmos 66:13

Kunantaj noqa Temploykiman yaykuspa, uywa ñak'asqata q'olachispa jaywasqayki. Ajinata junt'asaj imatachus nisusqayta,

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Jeremías 30:19

Chaypi pachis nispa takiykuna uyarikonqa, kusikuymanta asiykunapis uyarikullanqataj. Noqa paykunata ashkhayachisaj, manañataj pisiyanqankuchu. Mana pipis paykunata pisipaj qhawanqachu, imaraykuchus noqamin paykunata jatunpaj qhawasaj.

Jeremías 32:44

Jallp'ata qolqewan rantikuspa, papel ruwasqankuta sellaspa testigokunaj rikunankuta wakichenqanku. Ajina kanqa Benjamín jap'iypi, jinallataj Jerusalén llajtaj muyuyninpi, chantapis Judáj llajtankunapi, orqorara cheqanejpi kaj llajtakunapi, pampapi kaj llajtakunapi, jinataj Néguev cheqapi kaj llajtakunapi ima. Ajina kanqa, imaraykuchus noqa Babiloniamanta paykunata kutichimusaj. Noqa Tata Dios chayta nini.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Jeremías 33:13

Chay orqopi kaj llajtakunapi, inti yaykuynej pampapi, Néguev ch'innejpi, Benjamín jap'iypi ima uywankuta yuparispa kanqanku. Jinallataj Jerusalenpa muyuyninpi kaj llajtakunapi, Judá suyoj wakin llajtanpipis watej michejkuna ovejankuta yupaspa kallanqankutaj. Noqa Tata Diosmin chayta nini.

Zacarías 7:7

Manachu Tata Dios ñawpa sut'inchajkunaman kikillantataj nerqa, maypachachus Jerusalén ashkha runayoj llajta karqa, manataj ni ima ch'ajwapis karqachu Judea jap'iypi kaj llajtakunapi, Neguevpi, chantá Sefela pampakunapipis, chaypacha? nispa.

Hebreos 13:15

Chayrayku, Jesucristonejta Tata Diosta yupaychanachej. Ajinata yupaychaspa, Diosman jaywashanchej ima jaywanatachus sapa p'unchay jaywananchej kashan, chayta. Chaynejta payllatapuni Diosninchejpaj rejsikapushasqanchejta rimarishanchej.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.