Jeremías 17:25 - DIOSPA QHELQACHISQ

²⁵ Sichus kasuwankichej chayqa, Davidpa kamachinan tiyanapi kuraj kamachejkuna kallanqankupuni. Paykuna chantá kurajkuna ima carretapi, chayrí caballopi kay llajtaman punkunta yaykonqanku, Judamanta runakunawan, chantá Jerusalenmanta runakunawan khuska. Jerusalenpi tiyakojkunapis wiñaypaj kallanqapuni.

Qheshwa Biblia DC

²⁵ Jinamanta Davidpa tronompi tiyakojkuna reykuna carretaspi, caballospi kay llajtaman punkusninta yaykullanqankupuni, kurajkunawan, Judamanta runaswan, chantá Jerusalenmanta runaswan ima. Jinamanta Jerusalempi tiyakojkunaqa kallanqapuni.

DIOSPA QHELQACHISQAN DEUTEROCANONICAL

²⁵ Sichus kasuwankichej chayqa, Davidpa kamachinan tiyanapi kuraj kamachejkuna kallanqankupuni. Paykuna chantá kurajkuna ima carretapi, chayrí caballopi kay llajtaman punkunta yaykonqanku, Judamanta runakunawan, chantá Jerusalenmanta runakunawan khuska. Jerusalenpi tiyakojkunapis wiñaypaj kallanqapuni.

Jeremías 17:25 ပူးပေါင်းရင်းမြစ်များ

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

2 Samuel 8:4

Chaykunamanta Davidqa presocharqa 1.700 caballopi maqanakoj soldadokunata, jinataj chakillapi purej soldadokunamantataj iskay chunka waranqata. Jinataj carretakunata qhatataj, chay caballokunaj chaki ankunta p'itirarqa. Pachaj carretapaj jinalla caballokunata paypaj puchucherqa.

Éxodo 12:14

Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 13:13

Qantaj kutichinki: Tata Dios nillantaj: Kay suyupi tukuy tiyakojkunata machaykuchisaj: Davidpa kamachinan tiyanapi tiyashanku, chay kuraj kamachejkunata, sacerdotekunata, noqamanta sut'inchajkunata, jinallataj Jerusalenpi tukuy tiyakojkunatapis.

Jeremías 22:2

Davidpa kamachinan tiyanapi tiyasqa Judata kuraj kamachej, yanapajkuna, jinataj kay llajtapi tiyakojkuna ima, imatachus Tata Dios nisqanta uyariychej.

Jeremías 22:30

Tata Dios nin: Kay runaj sutinta p'anqaman qhelqaychej, mana wawayoj runata jina, mana imapis allin rejta jina, imaraykuchus mirayninmanta ni pi Davidpa kamachinan tiyanapi tiyaykonqachu Judapi kamachinanpaj, nispa.

Jeremías 22:4

Sichus kamachisqayta tukuy sonqo ruwankichej chayqa, kuraj kamachejkuna Davidpa kamachinan tiyanapi kallanqankupuni. Paykuna llajtaman yaykonqanku carretakunapi, caballokunapi ima, kamachinkunawan chantá llajtapi tiyakojkunawan khuska.

Jeremías 25:5

Paykuna nisorqachej: Millay purisqaykichejta chantá millay ruwasqaykichejtapis saqeychej. Ajinatachus ruwankichej chayqa, tiyakuyta atillankichej, Tata Dios qankunaman, jinataj ñawpa tataykichejkunaman wiñaypaj qosorqachej, chay jallp'api.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Jeremías 33:17

Noqa Tata Diosmin kayta nini: Mana jayk'ajpis Davidpa mirayninmanta Israelpa kamachinan tiyanapi tiyajqa tukukonqachu.

Jeremías 33:21

Jinallataj kamachiy Davidwan trato ruwasqayta mana pipis p'akiyta atinmanchu, mirayninmanta kamachina tiyanapi uj tiyaykoj mana kananpaj. Jinallataj Leví jatun ayllumanta sacerdoteykunawan trato ruwasqayta manallataj pipis p'akiyta atinmanchu.

Jeremías 7:3

Israelpa Diosnin Tukuy Atiyniyoj Tata Dios kayta nisunkichej: Allinta purispa, cheqanta ruwaychej, noqataj kay suyupi tiyakunaykichejta saqellasqaykichejpuni.

Jeremías 7:7

Ajinata ruwajtiykichej, noqa saqesqaykichej kay jallp'api tiyakojta, mayqentachus ñawpa tataykichejman wiñaypaj qorqani, chay jallp'api.

Deuteronomio 17:16

Chay kuraj kamachejqa ama ashkha caballokunata rantenqachu. Nitaj Egiptomanpis astawan caballokunata rantinanpaj runata kachanqachu, imaraykuchus Tata Dios nisorqachejña: Ama jayk'ajpis Egiptoman kutirinkichejchu, nispa.

Hebreos 12:22

Qankunatajrí Sión orqoman, jinataj kawsaj Diospa llajtanman qayllaykunkichej. Chay llajtaqa janaj pachapi kaj Jerusalén, chaypitaj mana yupay atina angelkuna Diosta yupaychashanku.

1 Samuel 8:11

Nerqataj: Munasqaykichej kuraj kamachejqa kay jinata ruwasonqachej: Churiykichejta soldadonkuna kanankupaj wajyachenqa: Maqanaku carretakunaman churananpaj, caballokunapi purinankupaj, chantá ñawpaqenta rinankupaj.