Jeremías 17:22 - DIOSPA QHELQACHISQ

²² Amallataj samarina p'unchaypi wasiykichejmanta q'epillatapis orqhoychejchu, nillataj ima ruwanallatapis chay p'unchaypi ruwaychejchu. Manachayqa samarina p'unchaytaqa noqapaj t'aqapuwaychej, imaynatachus ñawpa tataykichejman kamacherqani, ajinata.

Qheshwa Biblia DC

²² Amallataj samakuna p'unchaypeqa wasisniykichejmanta cargasta orqhoychejchu, amataj imatapis chay p'unchaypeqa ruwaychejchu. Chay samakuna p'unchaypeqa noqata yupaychawaychej, imaynatachus ñaupa tatasniykichejman kamacherqani ajinata.

DIOSPA QHELQACHISQAN DEUTEROCANONICAL

²² Amallataj samarina p'unchaypi wasiykichejmanta q'epillatapis orqhoychejchu, nillataj ima ruwanallatapis chay p'unchaypi ruwaychejchu. Manachayqa samarina p'unchaytaqa noqapaj t'aqapuwaychej, imaynatachus ñawpa tataykichejman kamacherqani, ajinata.

Jeremías 17:22 ပူးပေါင်းရင်းမြစ်များ

Nehemías 13:15

Chantá rikullarqanitaj Judapi wakinkunaqa samarina p'unchaypi vinota ruwanankupaj uvata sarushajta, trigo marq'atapis astashasqajta ima. Rikullarqanitaj vinota, uvata, higota, tukuy q'epita burrokunaman chajnaspa samarina p'unchaypi Jerusalenman apashajta. Chaypacha paykunata k'amerqani samarina p'unchaypi ranqhasqankumanta.

Éxodo 23:12

Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Jeremías 17:24

Tata Dios nillantaj: Cheqatapuni kasuwaychej, amapunitaj samarina p'unchaypi kay llajtaj punkunkunanejta ima q'epitapis apaychejchu. Chay p'unchayta noqapaj t'aqapuwaychej, amataj ima ruwanaykichejtapis ruwaychejchu.

Ezequiel 20:12

Chantapis, paykunaman samarina p'unchayniyta qollarqanitaj, paykunawan trato ruwasqaymanta señal kananpaj, noqa Tata Dios chay p'unchayta noqapaj t'aqasqayta yachanankupaj.

Ezequiel 22:8

Jinallataj noqapaj t'aqasqa kaj imakunata pisipaj qhawanku, chantá samarina p'unchayniytapis mana kasuta ruwankuchu.

Levítico 19:3

Sapa ujpis mamaykichejta, tataykichejtapis jatun respetowan qhawaychej. Jinallataj samarina p'unchayniyta maypaj qhawaspa, samariychej. Noqa Tata Diosmin Diosniykichej kani.

Levítico 23:3

Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

San Lucas 23:56

Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.

San Lucas 6:5

Chayta niykichej, imaraykuchus Runaj Churenqa samarina p'unchaypi imatachus ruwana kasqanta ninanpaj atiyniyojmin, nispa.

Apocalipsis 1:10

Uj kuti Tukuyta Kamachej Jesuspa p'unchayninpi noqa Santo Espíritoj kamachiyninpi kaspa, Tata Diosta yupaychasharqani. Jinallaman qhepaymanta jatunmanta uj parlamojta uyarerqani, chay parlasqantaj trompetaj waqasqan jina karqa.