Jeremías 17:18 - DIOSPA QHELQACHISQ

¹⁸ Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Qheshwa Biblia DC

¹⁸ Qhatiykachawajkunata p'enqaypi rikhurichiy. Paykunalla mancharikuchunku, amataj noqaqa. Paykunaj patankuman ñak'ariykunasta apachimuy, tukuyninkuta kutin kutinta phirirpariy.

DIOSPA QHELQACHISQAN DEUTEROCANONICAL

¹⁸ Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Jeremías 17:18 ပူးပေါင်းရင်းမြစ်များ

Job 16:14

Patanpi patanpi ukhuyta khallarawan. Maqanakoj soldado jinataj noqaman phinkiykamuwan.

Salmos 35:4

Pikunachus wañuchiyta munawajkuna p'enqachisqa, pawisqataj ayqechunku. Mana allinta ruwawayta munajkunapis p'enqachisqallataj ayqechunku.

Salmos 35:8

Chayrayku kaymanta jinalla phutiy, waqana ima paykunata qhatirichun, churapuwasqanku tojllallapitaj urmachunku. Jatun llakiywan tukukuspataj, paykuna chinkachisqa kachunku.

Salmos 40:14

14 (15) Chantá wañuchiyta munawajkuna p'enqaypi rikhurichunku. Mana allinta ruwayta munawajkunapis p'enqayta k'umuykachaspa ayqechunku.

Salmos 70:2

2 (3) Wañuchiwayta munajkuna p'enqaypi rikhurichisqa kachunku. Mana allinta ruwayta munawajkunapis p'enqayta ayqechunku.

Salmos 71:1

Tata Dios, waqaychanawaykipaj qanman jamuni. Ama jayk'ajpis p'enqachisqa kanayta munaychu.

Jeremías 1:17

Qantajrí mat'ita chumpiykukuspa, kallpachakuy. Rispataj, willamuy imatachus kamachiyki, chayta. Ama paykunata manchachikuychu, manachayrí noqa kikiy paykunaj ñawpaqenkupi qanta kharkatitichisqayki.

Jeremías 11:20

Chantá noqaqa Tata Diosman kay jinata parlarikorqani: Ay, Tukuy Atiyniyoj Tata Dios, qanmin cheqan juez kanki. Qanlla runaj sonqon ukhuta allinta qhawaspa, imaynachus kasqanta yachanki. Chantá imaynatachus runakunata millay ruwasqankumanta jasut'isqaykita rikuchiway, imaraykuchus qanllapi atinikuni.

Jeremías 12:3

Qantajrí, Tata Dios, allinta rejsiwanki. Imaynachus sonqoy qanpaj kasqantapis yachanki. Imaynatachus runa ovejata camalman qhatin, ajinallatataj chay runakunata apakapuy. Wañuchina p'unchaypajtaj señalaykuy.

Jeremías 14:17

Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Jeremías 17:13

Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

Jeremías 17:16

Chaywanpis, noqaqa mana tanqarqaykichu, nitaj mañarqanichu ñak'ariykunawan jasut'inaykita. Tukuy ima nisqayta qan yachanki, imaraykuchus qan uyarishajtiyki parlarqani.

Jeremías 17:19

Tata Dios nillawarqataj: Llajtaj Punkun nisqaman rispa, sayamuy, Judamanta kuraj kamachejkuna maynintachus yaykunku, llojsinkutaj, chayman. Chantá kikillantataj ruwamuy Jerusalenpa tukuy punkunkunapipis.

Jeremías 20:11

Qanrí Tata Dios, noqawan kashanki, may kallpasapa wapu soldado jina. Chayrayku qhatiykachawajkunaqa misk'anqanku, manataj atipawayta atenqankuchu. Tukuy ruwasqanku mana allin llojsejtin, p'enqaypi rikhurenqanku. Wiñaypajtaj mana allinpaj qhawasqa kanqanku.

Deuteronomio 33:11

Tata Dios tukuy ruwasqankuta saminchay, imatachus ruwasqankutataj kusiy sonqo jap'ikuy. Awqankunaj wasankuta p'akiy, paykunata chejnikojkuna amaña ujtawan jatarimunankupaj, nispa.

Apocalipsis 18:6

Payman qopuychej, imaynatachus qankunaman qosorqachej ajinata, ruwasqanman jinataj iskay jinatawan kutichipuychej. Ima vasomantachá qankunaman ujyachisorqachej, chayllamantataj iskay jinatawan payman ujyachiychej.