Jeremías 17:14 - DIOSPA QHELQACHISQ

¹⁴ Tata Dios, qan jampiway, qhaliyachisqataj kasaj. Qan qhespichiway, kacharichisqataj kasaj, imaraykuchus Tata Dios, qanllata yupaychayki.

Qheshwa Biblia DC

¹⁴ Qan jampiway, Señor, jampisqataj kasaj. Qan salvaway, Señor, salvasqataj kasaj. Qanmin, Señor, yupaychanayqa kanki.

DIOSPA QHELQACHISQAN DEUTEROCANONICAL

¹⁴ Tata Dios, qan jampiway, qhaliyachisqataj kasaj. Qan qhespichiway, kacharichisqataj kasaj, imaraykuchus Tata Dios, qanllata yupaychayki.

Jeremías 17:14 ပူးပေါင်းရင်းမြစ်များ

Salmos 106:47

Qhespichiwayku, Tata Diosniyku. Tukuy suyumanta tantaykapuwayku, may llimphu sutiykita jatunchanaykupaj, jinataj kusisqa qanta yupaychanaykupaj.

Salmos 109:1

(1b) Yupaychasqay Diosnilláy, ama ch'inlla kakuychu.

Salmos 119:94

Qhespichiway ari, imajtinchus qanpata kani. Noqaqa kamachiwasqaykita junt'anaypaj sonqoyta churani.

Salmos 12:4

4 (5) Kay jina nejkunata chinkachillachuntaj: Siminchejwan atipasunchej. Noqanchej sumajta parlayta yachanchej, pitaj sayachiwasunmanri? nispa.

Salmos 148:14

Payta qhatejkuna Diosta yupaychachunku. Israel ayllun Tata Diosta yupaychachun, imaraykuchus Diosqa ayllunman atiyniyoj kayta qorqa. Tata Dios jatunchasqa kachun.

Salmos 54:1

1 (3) Diosníy, sutiykirayku qhespichiway, atiyniykiwantaj noqaman kutikuway.

Salmos 6:2

2 (3) Tata Dios, noqamanta khuyarikuway, imaraykuchus kallpay pisiyashan. Onqoyniymanta qhaliyachiway, Tata Dios, imaraykuchus tukuy ukhuy kharkatitishan.

Salmos 6:3

3 (4) Tata Dios, manchariywan kharkatitishani. Mayk'ajtaj yanapawaj jamunkiri?

Salmos 6:4

4 (5) Qhawariwaspa, Tata Dios, kawsayniyta kacharichiy ari, khuyakuyniykiraykutaj qhespichiway.

Salmos 60:5

5 (7) Munakusqaykikuna kacharichisqa kanaykupaj atiyniykiwan qhespichiwayku, ajinata munasqa aylluyki ayqenaykupaj.

Isaías 6:10

Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

Jeremías 15:20

Noqa broncemanta perqata jina kay runakunaj ñawpaqenkupi sayachisqayki. Paykuna maqanakusonqanku chaypis, mana atipasonqankuchu, imaraykuchus noqamin qanwan kashani waqaychasunaypaj, kacharichisunaypajtaj. Noqa Tata Dios tiluspa chayta niyki.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Jeremías 30:17

Noqataj tukuy k'irisqa kasqaykichejta jampiykusaj, ajinamantataj nanasqaykikunata thañichisaj, imaraykuchus awqaykichejkuna qanmanta ninku: Sionqa saqerparisqa, manataj pipis paymanta yuyarikunchu, nispa. Noqa Tata Diosmin chayta nini.

Jeremías 31:18

Efraín aylloj kay jina waqasqanta uyarini: Noqaqa mana amansasqa torillo jina karqani. Jinapis qan kasukuyta yachachiwarqanki. Qanman kutirichiway, noqataj qanman kutirikamusqayki, imaraykuchus qanmin Diosniy Tata Dios kanki.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Números 12:13

Chantá Moisesqa Tata Diosmanta mañaporqa: Tata Diosníy, mañarikuyki Mariata thañichipunaykita, nispa.

San Mateo 14:30

Pedrotajrí sinch'i wayrata reparaspa, mancharikorqa, yakuman chinkaykoj jina kashaspataj, qhaparerqa: Wiraqochi, yanapariway, nispa.

San Mateo 8:25

Chantá yachachisqankuna Jesusman qayllaykuytawan rijch'arichispa, nerqanku: Wiraqochi, yanapawayku ari, yakuman chinkaykushanchejña, nispa.

San Lucas 4:18

Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

Deuteronomio 10:21

Payllamin yupaychanaykichejpaj jina, payllamin Diosniykichejqa, pichus rikushajtiykichej qankunarayku t'ukuna imakunata ruwarqa, chay.

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.