Jeremías 16:7 - DIOSPA QHELQACHISQ

⁷ Chay wañojpa ayllunta sonqochanapaj mana pipis qorpachuta ruwanqachu, ni tatan wañupojtin, chayrí maman wañupojtinpis.

Qheshwa Biblia DC

⁷ Chay wañojpa ayllusninta sonqochaykunampaj mana pipis qorpachakusta ruwanqachu, nitaj tatan wañupojtin, chayri maman wañupojtimpis.

DIOSPA QHELQACHISQAN DEUTEROCANONICAL

⁷ Chay wañojpa ayllunta sonqochanapaj mana pipis qorpachuta ruwanqachu, ni tatan wañupojtin, chayrí maman wañupojtinpis.

Jeremías 16:7 ပူးပေါင်းရင်းမြစ်များ

Job 42:11

Chaymantataj tukuy wawqenkuna, panankuna, kawsaqenkuna, jinataj ñawpa rejsisqankunapis Jobta watukoj jamorqanku. Chantá wasinpi jatun mikhuyta mikhuspa, paywan kusikorqanku. Jinallataj paykunaqa Jobta sonqocharqanku tukuy ima ñak'ariyta Tata Dios apachimusqanmanta. Chantataj sapa ujninku qolqeta, chantá qorimanta anillota ima qorqanku.

Eclesiastés 4:1

Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

Jeremías 22:10

Kuraj kamachej Josiasmanta ama waqaychejchu, amataj wañusqanmanta llakikuychejchu. Manachayqa churin Salunmanta waqaychej, pay waj suyuman apasqa kasqanmanta, imaraykuchus payqa maypichus paqarisqan llajtaman manaña kutimonqachu.

Lamentaciones 1:9

P'achanqa millay ch'ichi kashan, manataj yuyarqachu imapichus rikhurinanta. Chayrayku payqa t'ukunata urmarqa, manataj pipis sonqochaykurej kanchu. Qhawariy ari, Tata Dios, llakiyniyta, awqaypis manchayta runaykachasqankuta.

Ezequiel 24:17

Sonqollaykipi waqay, amataj llakiy p'achata churakuychu. Umaykita mayt'ukuy, juk'utaykitapis churaykukuy. Uyaykitapis ama qhatakuychu. Llakiypi kashaspa imatachus mikhunku, chay mikhunata amallataj mikhuychu, nispa.

Oseas 9:4

Manaña vinotapis Tata Diosman jaywanqankuchu, nillataj Diospis uywa ñak'asqatapis tukuy sonqo jap'ikonqachu. Israelitakunaj mikhunanku t'antapis wañuypi mikhuna jina kanqa. Pikunachus mikhojkunaqa mana llimphupaj qhawasqa rikhurenqanku. Chay t'antaqa paykunallapaj kanqa. Chaywanpis Tata Diospa Templonman mana apaykuyta atenqankuchu.

Deuteronomio 26:14

Wañusqayoj llakisqa kashaspa, chayrí mana llimphupaj qhawasqa kashaspa, manapuni chay t'aqasqay mikhunamanta mikhorqanichu. Nillataj wañusqakunamanpis jaywarqanichu. Tata Diosníy, niwasqaykita kasuni, kamachiwasqaykiman jinataj tukuy imata ruwani.