Jeremías 16:4 - DIOSPA QHELQACHISQ

⁴ Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Qheshwa Biblia DC

⁴ Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

DIOSPA QHELQACHISQAN DEUTEROCANONICAL

⁴ Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 16:4 ပူးပေါင်းရင်းမြစ်များ

2 Reyes 9:10

Jezabelpa ayantaqa Jezrelpa jallp'anpi alqokuna mikhonqanku, manataj pipis paytaqa p'ampaj kanqachu, nispa. Chayta niytawan, waynaqa punkuta kicharispa, ayqerikaporqa.

Salmos 78:64

Sacerdotekuna espadawan wañuchisqa karqanku, warminkutaj qosanku wañusqanmanta mana waqarqankuchu.

Salmos 83:10

10 (11) Paykuna Endorpi atipasqa karqanku, jallp'apaj wanuman tukuchisqa karqanku.

Isaías 18:6

Ajinamanta Etiopiamanta tukuy wañusqa soldadokuna suwintukunapaj, k'ita animalkunapajwan saqesqa kanqanku. Chaypi q'oñi tiempopi suwintukuna ayankuta p'itiranqanku. Chantá chiri tiempopitaj k'ita animalkunañataj ayankoj tullunkuta k'uturanqanku.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Jeremías 19:7

Kay cheqapi noqaqa Judá, jinataj Jerusalén imatachus ruwanankupaj wakichikorqanku, chayta chinkachisaj. Noqapuni awqankuwan paykunata atipachisaj, paykunatataj espadawan wañurachenqanku. Chantá Judamanta runakunaj ayankuta suwintukunaman, k'ita animalkunaman ima mikhunankupaj qarasaj.

Jeremías 21:6

Kay llajtapi tukuy tiyakojkunata, runakunata, chantá uywakunatapis uj millay onqoywan tukuyninkuta wañuchisaj.

Jeremías 25:33

Pikunatachus Tata Dios chay p'unchaypi wañuchenqa, chaykunaqa kay pachaj ujnin kantumanta ujnin kantukama mast'alla kanqanku. Mana pipis paykunamantaqa waqanqachu, nitaj pipis ayankuta p'ampaykamunankupaj oqharenqachu. Wanu jina pampapi wijch'usqa kanqanku.

Jeremías 34:17

Chayrayku noqa Tata Dios nini: Qankunaqa llajta masiykichej wata runata mana kacharipuspaqa, mana kasuwarqankichejchu. Chayraykumari kunan noqapis maqanakuta, onqoyta, yarqhayta ima qankunaman kachaykamusqaykichej, tukuy kay pachapi kaj suyukuna t'ukunankupaj jina, nispa.

Jeremías 34:20

Chayrayku paykunata wañuchiyta munaj awqankoj makinkuman jaywaykusaj. Ayankutataj suwintukuna, jinataj k'ita animalkuna ima mikhonqanku.

Jeremías 36:30

Kunanqa noqa Tata Dios Judata kuraj kamachej Joacinman kayta nini: Joacinpa qhepanpi mana mirayninmanta kajchu Davidpa kamachinan tiyanapi kamachinanpaj tiyaykonqa. Joacín wañupojtintaj, ayan p'unchay ruphaypi, tutantaj chiripi wijch'urayanqa.

Jeremías 44:12

Judamanta puchojkuna, pikunachus Egiptoman tiyakapoj ripuyta munarqankupuni, chaykuna Egipto suyupi espadawan chayrí yarqhaywan wañuchisqa kanqanku. Tukuyninku juch'uymanta, jatunkama wañuchisqa kanqanku maqanakupi, chayrí yarqhaywan, tukuypa rikunantataj maldicisqa, t'ukunapaj jina, may k'umuykachachisqataj kanqanku.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Jeremías 7:33

Chay runakunaj ayankuta suwintukuna, k'ita animalkuna ima mikhonqanku, nitaj pipis chaykunata mancharichej kanqachu.

Jeremías 9:22

22 (21) Runakunaj ayankoqa wanu jina pampapi wijch'usqa kashan. Imaynatachus trigoj uman ruthoj qhepanpi t'akakojtin, mana pipis oqharej kanchu, ajina kanku. Ajinata Tata Dios nin.

Lamentaciones 4:9

Espadawan ujllapi wañuchisqa kajkunaqa aswan allin wañuyta rikunku, yarqhaywan ch'ayñaspa wañojkunamanta nisqaqa, imaraykuchus mikhuna mana kasqanrayku, paykunaqa pisimanta pisi wañushanku.

Ezequiel 24:21

Israel aylluyman niy: Tukuyta Kamachej Tata Dios nisunkichej: Noqa Temployta ch'ichipaj qhawasqata ruwasaj, mayqentachus chay jinatapuni munakuspa runaykachankichej, chayta. Jinallataj Jerusalenpi saqesqaykichej churiykichejkuna, ususiykichejkuna ima espadawan wañuchisqa kanqanku, nispa.

Ezequiel 5:12

Qankunamanta kinsaman t'aqasqamanta ujnin t'aqaqa onqoywan chantá yarqhaywan ima callekunapi wañuranqanku. Ujnin t'aqataj muyuyniykichejpi awqaykichej espadawan wañurachenqanku, ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Sofonías 1:17

Tata Dios nin: Noqa runakunata llakiyman churasaj, paykunataj ñawsapis kankuman jina purenqanku, imaraykuchus contraypi juchallikorqanku. Yawarninkoqa jallp'a jina qhallisqa kanqa, aychankutaj wanu jina qollusqa kanqa.

Deuteronomio 28:22

Jinallataj Tata Diosqa wañuchej ch'uju onqoykunata, k'aja onqoykunata, ch'uputa, sinch'i ruphayta, ch'aki watatawan ima kachaykamusonqa. Jinallataj chajrapaj onqoykunata, polvillota, ch'aki wayrata ima kachaykamullasonqataj. Chaykunaqa wañunaykikama qhatiykachasonqa.

Deuteronomio 28:26

Tukuy kay pachapi kaj k'ita animalkunapis, chantá suwintukuna ima ayaykita mikhonqanku, nitaj pipis paykunamanta jark'asonqachu.